- Арпа, будай – ащды, алтын, кюмюш а – ташды.
- Игиге айтсанг – билир, аманнга айтсанг – кюлюр.
- Тойгъан джерге джети къайт.
- Къазанчы аман болса, къазаны къайнамаз.
- Эте билген, этген этеди, эте билмеген, юретген этеди!
- Аманнга алтын чыдамаз.
- Атлыны ашхысы, ат тизгининден билинир
- Алтыннга тот къонмаз.
- Аманны эки битли тону болур, бирин сеннге кийдирир, бирин кеси киер.
- Зар адамны насыбы болмаз.
- Джетген къыз джерли эшекни танымаз.
- Илму – джашауну джолу.
- Келгинчи, къонакъ уялыр, келгенден сора, къонакъбай уялыр.
- Ач – эснер, ат – кишнер.
- Халкъны джырын джырласанг, халкъ санга эжиу этер.
- Ханнга да келеди хариблик.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Хар ишни да аллы къыйынды.
- Сангырау къулакъ эл бузар.
- Джюрек кёзден алгъа кёрюр.
- Джылыгъа джылан илешир.
- Билген билмегенни юретген адетди.
- Къарт бла баш аша, джаш бла аякъ аша.
- От кюйдюрген, сау болса да, тот кюйдюрген, сау болмаз.
- Рысхы – сют юсюнде кёмюк кибикди.
- Сабыр джетер муратха, сабырсыз къалыр уятха.
- Ёлген эшек бёрюден къоркъмайды.
- Ойнаб айтсанг да, эслеб айт.
- Хазыр ашха – терен къашыкъ.
- Айранын берсенг, челегин да къызгъанма.
- Къанны къан бла джуума, аманны аман бла къуума.
- Ана къолу ачытмаз.
- Бир онгсуз адам адет чыгъарды, деб эштирик тюлсе.
- Кесинге джетмегенни, кёб сёлешме.
- Ач отунчуну ачыуу – бурнунда.
- Эл ауузу – элек, анга ийнаннган – халек.
- Къызны минг тилер, бир алыр.
- Гитче джилтин уллу элни джандырыр.
- Бети – къучакълар, джюреги – бычакълар.
- Биреуге кёлтюрген таягъынг, кесинги башынга урур.
- Тиширыусуз юй – отсуз от джагъа.
- Ишлегенден, къарагъан уста.
- Элде адам къалмаса, ит тахтагъа минер.
- Бети бедерден, намыс сакълама.
- Къолунгдан къуймакъ ашатсанг да, атаны борчундан къутулмазса.
- Уллу къазанда бишген эт, чий къалмаз.
- Аман къатын алгъан, арыр, иги къатын алгъан джарыр.
- Ата – баланы уясы.
- Таукел къуру къалмаз.
- Кёбге таш атма.
Ошибка!
Для просмотра темы введите ваши логин и пароль.Пожалуйста, авторизуйтесь: