- Эртде тургъан джылкъычыны эркек аты тай табар.
- Керек ташны ауурлугъу джокъ.
- Эки къатын алгъан – эки ташны ортасына башын салгъан.
- Итли къонакъ джарашмаз.
- Джолда аягъынга сакъ бол, ушакъда тилинге сакъ бол.
- Къолу уллу – асыу, аягъы уллу – джарсыу.
- Борчунг бар эсе, хурджунунга ойлаб узал.
- Миллетни бойну – базыкъ, аны бла кюрешген – джазыкъ.
- Биреуге кёлтюрген таягъынг, кесинги башынга урур.
- Къыз чыгъаргъан – къызыл къымжа.
- Ашда уялгъан – мухар, ишде уялгъан – хомух.
- Ишни ахырын ойламай, аллын башлама.
- Ойнай билмеген, уруб къачар.
- Акъыл къартда, джашда тюйюлдю – башдады.
- Джашда акъыл джокъ, къартда къарыу джокъ.
- Тойгъа барсанг, тоюб бар, эски тонунгу къоюб бар.
- Ашыкъгъан cуу, тенгизге джетмез.
- Уллу айтханны этмеген – уллаймаз.
- Къалгъан ишге къар джауар.
- Ишлемеген – тишлемез.
- Дуния аламаты сен эсенг да, игиме деб айтма.
- Ачны эсинде – аш.
- Къатыны харакетли болса, эри къымсыз болур.
- Ариу джол аджал келтирмез.
- Ауурну тюбю бла, дженгилни башы бла джюрюген.
- Хоншуну тауугъу къаз кёрюнюр, келини къыз кёрюнюр.
- Аманнга да, игиге да оноусуз къатышма.
- Сёз къанатсыз учар.
- Акъыл неден да кючлюдю.
- Тойгъандан сора, ашны сёкме.
- Бек ашыкъгъан меннге джетсин, дегенди аракъы.
- Тюзлюк тас болмайды.
- Сёлеш деб шай берген, тохта деб, сом берген.
- Джырчы джырчыгъа – къарнаш.
- Этек чакъмакълары баш джаргъан, сёлешген сёзлери таш джаргъан.
- Аман къатын алгъан, арыр, иги къатын алгъан джарыр.
- Ач отунчуну ачыуу – бурнунда.
- Айран ичген – къутулду, джугъусун джалагъан – тутулду.
- Тилчи тилден къаныкъмаз.
- Эски джаугъа ышанма.
- Адамны адамлыгъы къыйынлыкъда айгъакъланады.
- Кёбню кёрген – кёб билир.
- Чомарт къолда мал къалмаз.
- Биреуню тёрюнден, кесинги эшик артынг игиди.
- Кечеси – аяз, кюню – къыш, джарлы къаргъагъа бир аш тюш!
- Терслик кетер, тюзлюк джетер.
- Ариу сёзде ауруу джокъ.
- Къартны бурнун сюрт да, оноугъа тут.
- Башынга джетмегенни сорма.
- Болджал ишни бёрю ашар.
Ошибка!
Для просмотра темы введите ваши логин и пароль.Пожалуйста, авторизуйтесь: