- Хар ишни да аллы къыйынды.
- Къартха ушагъан джаш – акъыллы, джашха ушагъан къарт – тели.
- Ёксюзню къалачы уллу кёрюнюр.
- Малны кют, джерни тюрт.
- Асхат ашлыкъ сата, юйдегиси ачдан къата.
- Ашхы – джыяр, аман – джояр.
- Акъыл аздырмаз, билим тоздурмаз.
- Тилсиз миллет джокъ болур.
- Акъдан къара болмаз.
- Акъыл бла адеб эгизледиле.
- Билим – акъылны чырагъы.
- Ишни аллы бла къууанма да, арты бла къууан.
- Айырылмаз джууугъунга, унутмаз сёзню айтма.
- Аурууну келиую тынч, кетиую – къыйын.
- Айран ичген – къутулду, джугъусун джалагъан – тутулду.
- Иги адамны бир сёзю эки болмаз.
- Джюрек кёзден алгъа кёрюр.
- Айырылгъанланы айю ашар, бёлюннгенлени бёрю ашар.
- Адамны сыфатына къарама, сёзюне къара.
- Эл бла кёргенинг эрелей.
- Бал чибинни ургъаны – ачы, балы – татлы.
- Окъугъан озар, окъумагъан тозар.
- Терек ауса, отунчу – кёб.
- Джылыгъа джылан илешир.
- Ауругъан – джашаудан умутчу.
- Къайгъыны сюйген, къайгъы табар.
- Биреуню тёрюнден, кесинги эшик артынг игиди.
- Акъыл къартда, джашда тюйюлдю – башдады.
- Ата Джуртуму башы болмасам да, босагъасында ташы болайым.
- Туз, гырджын аша, тюзлюк бла джаша.
- Гырджын – тепсини тамадасы.
- Арбаз сайлама да, хоншу сайла.
- Эл тойса, тоймагъан, эл къойса, къоймагъан.
- Киштикге къанат битсе, чыпчыкъ къалмаз эди.
- Махтаннган къыз, тойда джукълар.
- Керти сёзге тёре джокъ.
- Адамгъа аман кюн соруб келмейди.
- Ачлыкъда тары гырджын халыуадан татлы.
- Алма терегинден кери кетмез.
- Тулпарлыкъ, билекден тюл – джюрекден.
- Ачылгъан эт джабылыр, кёрген кёз унутмаз.
- Тиширыусуз юй – отсуз от джагъа.
- Намыс сатылыб алынмайды.
- Бойнуму джети джерден кессенг да, мен ол ишни этеллик тюлме.
- Биреу къой излей, биреу той излей.
- Биреу ашаб къутулур, биреу джалаб тутулур.
- Ёгюзню мюйюзюнден тутадыла, адамны сёзюнден тутадыла.
- Эртде тургъан бла эртде юйленнген сокъуранмаз.
- Къызны минг тилер, бир алыр.
- Тешик этген тынчды, аны джамагъан къыйынды.
Ошибка!
Для просмотра темы введите ваши логин и пароль.Пожалуйста, авторизуйтесь: