- Кюлме джашха – келир башха.
- Къазанны башы ачыкъ болса, итге уят керекди.
- Ичимден чыкъды хата, къайры барайым сата?
- Адебни адебсизден юрен.
- Тынгылагъан тынгы бузар.
- Аякъларынгы джууургъанынга кёре узат.
- Хазыр ашха – терен къашыкъ.
- Ёлюк кебинсиз къалмаз.
- Ёпкелегенни ашы татлы болады.
- Ётюрюкчюню шагъаты – къатында.
- Булут кёкге джарашыу, уят бетге джарашыу.
- Мураты болгъанны джюрек тебюую башхады.
- Сабийликде юретмесенг, уллу болса – тюзелмез.
- Мен да «сен», дейме, сен да «кесим», дейсе.
- Байлыкъ келсе, акъыл кетер.
- Къонагъынгы артмагъын алма да, алгъышын ал.
- Насыб бютеу халкъны юлюшюдю.
- Суугъа – чабакъ, къаягъа – ыргъакъ.
- Ариу – кёзге, акъыл – джюрекге.
- Къызын тута билмеген, тул этер, джашын тута билмеген, къул этер.
- Ёлюр джаннга, ёкюл джокъ.
- Адамны сыфатына къарама, сёзюне къара.
- Тойгъа барсанг, тоюб бар, эски тонунгу къоюб бар.
- Ишлерге уял да, ашаргъа табма.
- Билим насыб берир, билим джолну керир.
- Къууут – джелге, берне – бошха.
- Аман адамны тепсинге олтуртсанг, къызынгы тилер.
- Адеби болмагъан къыз – тузсуз хант.
- Джумушакъ сёз къаты таякъны сындырыр.
- Къанны къан бла джуума, аманны аман бла къуума.
- Ата джурт – алтын бешик.
- Босагъа таш юйге кирмей эди, тыбыр таш эшикге чыкъмай эди.
- Керек ташны ауурлугъу джокъ.
- Ышармагъан – кюлмез, кюлмеген – къууанчны билмез.
- Уруну арты – къуру.
- Аман къатын сабий табса, бий болур…
- Тик ёргени, тик энгишгеси да болады.
- Эркишиге тары кебек танг кёрюнюр.
- Джырчы джырчыгъа – къарнаш.
- Мадар болса, къадар болур.
- Ишлегенде эринме, ишде чолакъ кёрюнме.
- Кютгени беш эчки, сызгъыргъаны уа, джерни джарады.
- Аш хазыр болса, иш харам болур.
- Аз айтсам, кёб ангылагъыз.
- Ургъан суудан башынгы сакъла.
- Урунуу – насыбны анасы.
- Бек ашыкъгъан меннге джетсин, дегенди аракъы.
- Эртде тургъан джылкъычыны эркек аты тай табар.
- Тили узунну, намысы – къысха.
- Биреуге аманлыкъ этиб, кесинге игилик табмазса.
Ошибка!
Для просмотра темы введите ваши логин и пароль.Пожалуйста, авторизуйтесь: