- Ашын ашагъанынгы, башын да сыйла.
- Термилгенинги табмазса, кюлгенинге тюберсе.
- Иши джокъну, сыйы джокъ.
- Джогъун бар этген, барын бал этген.
- Тёзген – тёш ашар!
- Сютню башын джалагъан къутулур, тюбюн ичген тутулур.
- Джылкъыдан – ат чыгъар, тукъумдан – джаш чыгъар.
- Кёб къычыргъандан – къоркъма, тынч олтургъандан – къоркъ.
- Берекет берсин деген джерде, берекет болур.
- Тил – миллетни джаны.
- Адамны бетине къарама, адетине къара.
- Ач келгенни – тойдур, кеч келгенни – къондур.
- Къууут – джелге, берне – бошха.
- Къызгъанчдан ычхыныр, мухардан ычхынмаз.
- Азыгъы аз, алгъа къабар, аты аман, алгъа чабар.
- Бозанг болмагъан джерге, къалагъынгы сукъма.
- Телини эшигин, махтау джабар.
- Ачны эсинде – аш.
- Къызны минг тилер, бир алыр.
- Мал кёб болса, джууукъ кёб болур.
- Ёзденликни кёбю ётюрюк.
- Къонакъны къачан кетерин сорма, къачан келлигин сор.
- Эте билген, этген этеди, эте билмеген, юретген этеди!
- Джолда аягъынга сакъ бол, ушакъда тилинге сакъ бол.
- Шайтан алдады, тюзлюк къаргъады.
- Ишлегенден, къарагъан уста.
- Аллахха ийнаннган кишини, Аллах онгдурур ишин.
- Ариу сёз джыланны орнундан чыгъарыр.
- Кийимни бир кюнню аясанг, минг кюннге джарар.
- Билим ат болуб да чабар, къуш болуб да учар.
- Аманны къуугъан, аманлыкъ табар.
- Тюзлюк тас болмайды.
- Къарнынг къанлынга кийирир.
- Юй кюйдю да, кюйюз чыкъды, ортасындан тюйюш чыкъды.
- Сагъыш – къартлыкъгъа сюйюмчю.
- Аш иеси бла татлыды.
- Аджаллыгъа окъсуз шкок атылыр.
- Тенгинг джокъ эсе – изле, бар эсе – сакъла!
- Акъыллы айтыр эди, акъылсыз къоймайды.
- Игиге айтсанг – билир, аманнга айтсанг – кюлюр.
- Ата Джуртун танымагъан, атасын да танымаз.
- Къарт айтханны этмеген, къартаймаз.
- Акъыллы эркиши атын махтар, акъылсыз эркиши къатынын махтар.
- Джыйырма къойну юч джыйырма эбзе кюте эди.
- Бети бедерден, намыс сакълама.
- Байлыкъдан саулукъ ашхыды.
- Эл элде бирер малынг болгъандан эсе, бирер тенгинг болсун.
- Сормай – алма, чакъырылмай – барма.
- Байны оноуу, джарлыгъа джарамаз.
- Билмегенинги, билгеннге сор.
Ошибка!
Для просмотра темы введите ваши логин и пароль.Пожалуйста, авторизуйтесь: