- Сютню башын джалагъан къутулур, тюбюн ичген тутулур.
- Ата джурт – алтын бешик.
- Юйюнг бла джау болгъандан эсе, элинг бла джау бол.
- Джуртун къоругъан озар.
- Адам къаллай бир ишленмесе, аллай бир кесин уллу кёреди.
- Кийимни бичсенг, кенг бич, тар этген къыйын тюлдю.
- Малны кют, джерни тюрт.
- Ашхы тенг джолгъа салыр, аман тенг джолдан тайдырыр.
- Ишлегенден, къарагъан уста.
- Байлыкъ тауусулур, билим тауусулмаз.
- Сибиртки да сыйлы болду, кюрек да кюнлю болду.
- Тёгюлген тюгел джыйылмайды.
- Керек ташны ауурлугъу джокъ.
- Окъдан джара эртде-кеч болса да бителир, сёз джара, ёмюрге къалыр.
- Ишлемеген – тишлемез.
- Кёбден умут этиб, аздан къуру къалма.
- Тынгылагъан тынгы бузар.
- Чомартха Тейри да борчлуду.
- Келинин тута билмеген, къул этер, къызын тута билмеген, тул этер.
- Ойнай-ойнай кёз чыгъар.
- Намыс болмагъан джерде, насыб болмаз.
- Зарда марда джокъ.
- Ачыу алгъа келсе, акъыл артха къалады.
- Тил бла келеди джыр да.
- Ата Джуртун танымагъан, атасын да танымаз.
- Ашыкъгъанны этеги бутуна чырмалыр.
- Къарны аманнга къазан такъдырма, къолу аманнга от джакъдырма.
- Адамны адамлыгъы къыйынлыкъда айгъакъланады.
- Ариу сёз джыланны орнундан чыгъарыр.
- Адамны джюреги нени кёрюрге сюйсе, кёзю да аны кёрюрге ёч болады.
- Къатын къылыкъсыз, эр тынчлыкъсыз.
- Сабыр джетер муратха, сабырсыз къалыр уятха.
- Тойгъандан сора, ашны сёкме.
- Юреннген ауруу къалмаз.
- Тешик этген тынчды, аны джамагъан къыйынды.
- Баш – акъыл ючюн, акъылман – халкъ ючюн.
- Ач да бол, токъ да бол – намысынга бек бол.
- Ат басханны джер билед.
- Атлыны кёрсе, джаяуну буту талыр.
- Джангызны оту джарыкъ джанмаз!
- Орундукъ тюбюнде атылсам да, орта джиликме, де да айлан.
- Ишленмеген джаш – джюгенсиз ат, ишленмеген къыз – тузсуз хант.
- Ашлыкъны арба юйге келтирир, чана базаргъа элтир.
- Зар адам ашынгы ашар, кесинги сатар.
- Тёрде – темир таякълы, къаяда – чыпчыкъ аякълы.
- Джол бла сёзню къыйыры джокъ.
- Келинни – келгинчи, бёркню кийгинчи кёр.
- Кесине оноу эте билмеген, халкъына да эте билмез.
- Бетинги сатма, малынгы сат.
- Адамны артындан къара сабан сюрме.
На указанный в форме e-mail придет запрос на подтверждение регистрации.