- Тойгъан джерге джети къайт.
- Джашынгы кесинг юретмесенг, джашау юретир.
- Чабар ат – джетген къыз.
- Ойнай-ойнай кёз чыгъар.
- Бети бедерден, намыс сакълама.
- Мураты болгъанны джюрек тебюую башхады.
- Адеб джокъда, намыс джокъ.
- Кийим тукъум сордурур.
- Аууздан келген, къолдан келсе, ким да патчах болур эди.
- Таш бла ургъанны, аш бла ур.
- Шапа кёб болса, аш татымсыз болур.
- Кесинг сынамагъан затны, адамгъа буюрма.
- Тёзген – тёш ашар!
- Тас болгъан бычакъны сабы – алтын.
- Алгъанда – джууукъ, бергенде – джау.
- Ишге юренсин къоллары, халкъ бла болсун джоллары.
- Къонакъ аз олтурур, кёб сынар.
- Мухарны эси – ашарыкъда.
- Алтыда кюлмеген, алтмышда кюлмез.
- Ишлегенден, къарагъан уста.
- Экиндини кеч къылсанг, чабыб джетер ашхам.
- Ёзденликни джайгъан – джокълукъ.
- Сескекли кесин билдирир.
- Кёлсюзден сёзсюз тууар.
- Чакъырылмагъан къонакъ тёрге атламаз.
- Къралынгы – душмандан, башынгы от бла суудан сакъла.
- Эри аманны, къатыны – аман.
- Эм уллу байлыкъ – джан саулукъ.
- Малны кют, джерни тюрт.
- Зар адам ашынгы ашар, кесинги сатар.
- Джарлы джети элни сёзюн этер.
- Берекет берсин деген джерде, берекет болур.
- Чомарт бергенин айтмаз.
- Ёксюзню тилеги къабыл болур.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ишлегенде эринме, ишде чолакъ кёрюнме.
- Харам къарнашдан, халал тенг ашхы.
- Тойгъан антын унутур.
- Сууда джау джокъ, кёб сёзде магъана джокъ.
- Телини эшигин, махтау джабар.
- Биреу ашаб къутулур, биреу джалаб тутулур.
- Телиге от эт десенг, юйюнге от салыр.
- Сютден ауузу кюйген, суугъа юфгюре эди.
- Аман къатын сабий табса, бий болур…
- Ашхы болсанг, атынг чыгъар, аман болсанг, джанынг чыгъар.
- Окъдан джара эртде-кеч болса да бителир, сёз джара, ёмюрге къалыр.
- Ишин билген, аны сыйын чыгъарады.
- Бал ашаргъа сюе эсенг, чибин ургъаннга тёз.
- Кесине гебен этелмеген, биреуге черен эте эди.
- Чомартха хар кюн да байрамды.
Ошибка!
Для просмотра темы введите ваши логин и пароль.Пожалуйста, авторизуйтесь: