- Кёл ашады да, кеси ашады.
- Чёбню кёлтюрсенг, тюбюнден сёз чыгъар.
- Сакъалы текени да бар, мыйыгъы киштикни да бар.
- Джыланны къуйругъундан басарынг келсе, аны башы болгъанын унутма.
- Чомарт джарлы болмаз.
- Мухардан ач ычхынмаз.
- Чомартха Тейри да борчлуду.
- Акъыл бла адеб эгизледиле.
- Аякъларынгы джууургъанынга кёре узат.
- Ёлген ийнек сютлю болур.
- Хар адамгъа кеси миннген тау кибик.
- Эки къатын алгъанны къулагъы тынгнгаймаз.
- Ана къойну – балагъа джандет.
- Джырчы джырчыгъа – къарнаш.
- Хатерли къул болур.
- Ишлерге уял да, ашаргъа табма.
- Кюн кёрмеген, кюн кёрсе, кюндюз чыракъ джандырыр.
- Ауругъанны сау билмез, ач къарынны токъ билмез.
- Эл ауузу – элек, анга ийнаннган – халек.
- Аурууну келиую тынч, кетиую – къыйын.
- Биреуню эскиси биреуге джангы болмайды.
- Къызгъанчдан ычхыныр, мухардан ычхынмаз.
- Ачыу алгъа келсе, акъыл артха къалады.
- Эки ойлашыб, бир сёлешген.
- «Ёгюз, джаргъа джууукъ барма, меннге джюк боллукъса», - дегенди эшек.
- Джигер – джаннга къыйынлыкъ.
- Кёлсюзден сёзсюз тууар.
- Ауругъаннга – кийик саулукъ, джетген къызгъа – чилле джаулукъ.
- Бир абыннган – минг сюрюнюр.
- Арба аугъандан сора, джол кёргюзтюучю кёб болур.
- Экеу тутушса, биреу джыгъылыр.
- Джаш болсун, къыз болсун, акъылы, саны тюз болсун.
- Ана – юйню кюн джарыгъы.
- Билимден уллу байлыкъ джокъду.
- Акъылсызны джууукъгъа алма, акъыллыны кенгнге салма.
- Къарнынг ауруса, ауузунгу тый
- Джаханимни кёрмей, джандетге кёл салмазса.
- Къазанчы аман болса, къазаны къайнамаз.
- Аууз сакълагъан – джан сакълар.
- Биреуге кёлтюрген таягъынг, кесинги башынга урур.
- Къалгъан ишге къар джауар.
- Дженгил джетерикме деб, узун джолну къоюб, къысхасын барма.
- Тамбла алтындан бюгюн багъыр ашхы.
- Тойгъанлыкъ къойгъа джарашады.
- Аллахха ийнаннган кишини, Аллах онгдурур ишин.
- Кёпюр салгъан кеси ётер, уру къазгъан кеси кетер.
- Акъыл аздырмаз, билим тоздурмаз.
- Адам боллукъ, атламындан белгили болур.
- Аз сёлеш, кёб ишле.
- Ата – билек, ана – джюрек!
Ошибка!
Для просмотра темы введите ваши логин и пароль.Пожалуйста, авторизуйтесь: