- Кесине оноу эте билмеген, халкъына да эте билмез.
- Къралынгы – душмандан, башынгы от бла суудан сакъла.
- Юреннген ауруу къалмаз.
- Джан саулукъ бермей, сан саулукъ бермезсе.
- Уллу къазанда бишген эт, чий къалмаз.
- Хансыз джомакъ болмаз.
- Чабакъсыз кёлге къармакъ салгъанлыкъгъа, чабакъ тутмазса.
- Окъугъанны бети джарыкъ.
- От кюйдюрген, сау болса да, тот кюйдюрген, сау болмаз.
- Ойнай-ойнай кёз чыгъар.
- Аманны эки битли тону болур, бирин сеннге кийдирир, бирин кеси киер.
- Тыш элде солтан болгъандан эсе, кесинги элде олтан болгъан игиди!
- Бек ашыкъгъан меннге джетсин, дегенди аракъы.
- Дженгил джетерикме деб, узун джолну къоюб, къысхасын барма.
- Ёксюзню къалачы уллу кёрюнюр.
- Нарт сёз – тилни бети.
- Хар зат кесини орнуна иги.
- Тамырсыз терекге таянма – джыгъылырса.
- Айыбны суу бла джууалмазса.
- Миллетни бойну – базыкъ, аны бла кюрешген – джазыкъ.
- Хазыр ашха – терен къашыкъ.
- Къозулугъунда тоймагъан, къойлугъунда тоймаз.
- Сёз сёзню айтдырыр.
- Джылыгъа джылан илешир.
- Ёзденликни кёбю ётюрюк.
- Сёз – кюмюш, джыр – алтын.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Къонакъ хазыр болгъанлыкъгъа, къонакъбай хазыр тюлдю.
- Билмейме деген – бир сёз
- Адам сёзге тынгыла, акъыл сёзню ангыла.
- Гырджын – тепсини тамадасы.
- Таш бла ургъанны, аш бла ур.
- Эр абынмай, эл танымаз.
- Бёрю да ач къалмасын, эчки да ашалмасын.
- Къазанны башы ачыкъ болса, итге уят керекди.
- Ышармагъан – кюлмез, кюлмеген – къууанчны билмез.
- Тау башында, тау болмаз, джангыз терек, бау болмаз.
- Билимли ёлмез, билимсиз кёрмез.
- Джеринден айырылгъан – джети джылар, джуртундан айырылгъан – ёлгюнчю джылар.
- Эшекге миннген – биринчи айыб, андан джыгъылгъан – экинчи айыб.
- Ашарыкъда сайлагъаннга – чий гырджын.
- Окъуу – билимни ачхычы, окъуу – дунияны бачхычы.
- Таукел адам тау тешер.
- Кютгени беш эчки, сызгъыргъаны уа, джерни джарады.
- Атлыны ашхысы, ат тизгининден билинир
- Кёл ашады да, кеси ашады.
- Суу да къайтады чыкъгъан джерине.
- Адебни адебсизден юрен.
- Джогъун бар этген, барын бал этген.
- Ашына кёре табагъы, балына кёре къалагъы.
Ошибка!
Для просмотра темы введите ваши логин и пароль.Пожалуйста, авторизуйтесь: