- Адеб базарда сатылмаз.
- Аш иеси бла татлыды.
- Адам боллукъ, атламындан белгили болур.
- Нарт сёз – тилни бети.
- Келлик заман – къартлыкъ келтирир, кетген заман – джашлыкъ ёлтюрюр.
- Ач къарынны, токъ билмез
- Минг тенг да азды, бир джау да кёбдю.
- Тау башында, тау болмаз, джангыз терек, бау болмаз.
- Мал ёлсе, сюек къалыр, адам ёлсе, иши къалыр.
- Сабий кёргенин унутмаз.
- Сыфатында болмагъаны, суратында болмаз.
- Эркишини аманы тиширыуну джылатыр.
- Тай асырагъан, атха минер.
- Аманнга алтын чыдамаз.
- Ашатыргъа иш – ашхы, ишлетирге аш – ашхы.
- Мухар, кеси тойса да, кёзю тоймаз.
- Джырчы ёлсе, джыры къалыр.
- Эрни эр этерик да, къара джер этерик да, тиширыуду.
- Джырчы джырчыгъа – къарнаш.
- Ашда уялгъан – мухар, ишде уялгъан – хомух.
- Нарт сёз къарт болмаз.
- Игилик игилик бла сингдирилиучю затды.
- Ёмюрлюк шохлукъну джел элтмез.
- Аманны эки битли тону болур, бирин сеннге кийдирир, бирин кеси киер.
- Джарлы тюеге минсе да, ит къабар.
- Уллу къазанда бишген эт, чий къалмаз.
- Орну джокъну – сыйы джокъ.
- Джылыгъа джылан илешир.
- Уллу сёзде уят джокъ.
- Бичгенде ашыкъма, тикгенде ашыкъ.
- Джырына кёре эжиую.
- Чоюнну башы ачыкъ болса, итге уят керекди.
- Чабакъсыз кёлге къармакъ салгъанлыкъгъа, чабакъ тутмазса.
- Къыз тиширыу кеси юйюнде да къонакъды.
- Юй ишлеген балта эшикде къалыр.
- Къарт болгъан джерде, берекет болур, сабий болгъан джерде, оюн болур.
- Адамны бетине къарама, адетине къара.
- Намыс болмагъан джерде, насыб болмаз.
- Билим къая тешер.
- Чомарт джарлы болмаз.
- Къарын къуру болса, джюрек уру болур.
- Къарыусузгъа кюлме, онгсузгъа тийме.
- Ишге юренсин къоллары, халкъ бла болсун джоллары.
- Аман адам этегингден тутса, кес да къач.
- Ашхылыкъ джерде джатмайды, аманлыкъ суугъа батмайды.
- Арбаз къынгырды да, ийнек сауалмайма.
- Азыгъы аз, алгъа къабар, аты аман, алгъа чабар.
- Бек ашыкъгъан меннге джетсин, дегенди аракъы.
- Джолда аягъынга сакъ бол, ушакъда тилинге сакъ бол.
- Айныгъанлы алты кюн, тогъайгъанлы тогъуз кюн.
Ошибка!
Для просмотра темы введите ваши логин и пароль.Пожалуйста, авторизуйтесь: