- Намыс болмагъан джерде, насыб болмаз.
- Билген билмегенни юретген адетди.
- Ауругъанны сау билмез, ач къарынны токъ билмез.
- Сакъалы текени да бар, мыйыгъы киштикни да бар.
- Берекет берсин деген джерде, берекет болур.
- Тёзген – тёш ашар!
- Джаш болсун, къыз болсун, акъылы, саны тюз болсун.
- Кёлсюзден сёзсюз тууар.
- Джюрек кёзден алгъа кёрюр.
- Акъыл къартда, джашда тюйюлдю – башдады.
- Ишленмеклик адамлыкъды.
- Къарнынг тойгъунчу аша да, белинг талгъынчы ишле.
- Шайтан алдады, тюзлюк къаргъады.
- Танг атмайма десе да, кюн къоярыкъ тюйюлдю.
- Атынг аманнга чыкъгъандан эсе, джанынг тамагъынгдан чыкъсын.
- Ариу сёз – джаннга азыкъ, аман сёз – башха къазыкъ.
- Тик ёргени, тик энгишгеси да болады.
- Киштикге къанат битсе, чыпчыкъ къалмаз эди.
- Ариуну – ауруу кёб.
- Тамырсыз терекге таянма – джыгъылырса.
- Кёз – сюйген джерде, къол – ауругъан джерде.
- Кёзюнде тереги болгъан, чёбю болгъаннга кюле эди.
- Ата Джуртун танымагъан, атасын да танымаз.
- Узун джолну барсанг, бюгюн келирсе, къысха джолну барсанг, тамбла келирсе.
- Харам къарнашдан, халал тенг ашхы.
- Эринчекни аурууу – кёб.
- Алтыда кюлмеген, алтмышда кюлмез.
- Сескекли кесин билдирир.
- Джылар джаш, атасыны сакъалы бла ойнар.
- Керилген да, ургъан кибикди.
- Aдам боллукъ, сыфатындан белгили.
- Тамчы таш тешер.
- Уллу атлама – абынырса, уллу къабма – къарылырса.
- Айырылгъанланы айю ашар, бёлюннгенлени бёрю ашар.
- Юреннген ауруу къалмаз.
- Ата Джуртча джер болмаз, туугъан элча эл болмаз.
- Мухардан ач ычхынмаз.
- Итли къонакъ джарашмаз.
- Арбаз сайлама да, хоншу сайла.
- Къонакъны къачан кетерин сорма, къачан келлигин сор.
- Кёб ант этген, кёб ётюрюк айтыр.
- Джетген къыз джерли эшекни танымаз.
- Экеулен сёлеше тура эселе, орталарына барыб кирме.
- Этни бети бла шорпасы.
- Аман къатын алгъан, арыр, иги къатын алгъан джарыр.
- Къан бла кирген, джан бла чыгъар.
- Джети тилни билген джети кишиди.
- Эшекни не къадар тюйсенг да, ат болмаз.
- Иши джокъну, сыйы джокъ.
- Айыбны суу бла джууалмазса.
Ошибка!
Для просмотра темы введите ваши логин и пароль.Пожалуйста, авторизуйтесь: