- Аджал соруб келмез, келсе, къайтыб кетмез.
- Аш кетер да бет къалыр.
- Мухар, кеси тойса да, кёзю тоймаз.
- Джаз бир кюнню джатсанг, къыш талай кюнню абынырса.
- Таукелге нюр джауар.
- Бир онгсуз адам адет чыгъарды, деб эштирик тюлсе.
- Эрине къаргъыш этген къатын, эрнин къабар.
- Сагъышы джокъ – джукъучу, акъылы джокъ – къаугъачы.
- Эшекни не къадар тюйсенг да, ат болмаз.
- Билмегенинги, билгеннге сор.
- Узун джолну барсанг, бюгюн келирсе, къысха джолну барсанг, тамбла келирсе.
- Джылыгъа джылан илешир.
- Чоюнну башы ачыкъ болса, итге уят керекди.
- Билим ат болуб да чабар, къуш болуб да учар.
- Ариуну – ауруу кёб.
- Ишлерге уял да, ашаргъа табма.
- Aдам боллукъ, сыфатындан белгили.
- Чомартны къолун джокълукъ байлар.
- Аджаллыгъа окъсуз шкок атылыр.
- Ауругъан – джашаудан умутчу.
- Эри аманны, къатыны – аман.
- Мени джылытмагъан кюн, меннге тиймесин!
- Бети къызарыучу адамны, джюреги харам болмаз.
- Биреуге аманлыкъны тилеме да, кесинге ашхылыкъны тиле.
- Кёрмегеннге кебек – танг, битмегеннге сакъал – танг.
- Чомарт къолда мал къалмаз.
- Эртде тургъан бла эртде юйленнген сокъуранмаз.
- Хунаны тюбюн къазсанг, юсюнге ауар.
- Байлыкъ болгъан джерде, тынчлыкъ джокъду.
- Кийим тукъум сордурур.
- Эрни эр этерик да, къара джер этерик да, тиширыуду.
- Азыкъ аз болса, эртде орун сал.
- Адеб базарда сатылмаз.
- Кёзден кетген, кёлден да кетеди.
- Кёб ант этген, кёб ётюрюк айтыр.
- Къарны аманнга къазан такъдырма, къолу аманнга от джакъдырма.
- Эр сокъур болсун, къатын тилсиз болсун.
- Кечеси – аяз, кюню – къыш, джарлы къаргъагъа бир аш тюш!
- Тилчиден кери бол.
- Кийиминг бла танылма, адамлыкъ бла таныл.
- Айран тёгюлсе, джугъусу къалыр.
- Ёксюзню къалачы уллу кёрюнюр.
- Намысы болмагъанны, сыйы болмаз.
- Джыгъылгъанны сырты джерден тоймаз.
- Гырджын – тепсини тамадасы.
- Башы ишлегенни, ауузу да ишлер.
- Акъыл бла адеб эгизледиле.
- Таугъа чыгъаллыкъ эсенг, тюзде къалма.
- Тюзлюк шохлукъну бегитир.
- Джарлы тюеге минсе да, ит къабар.
Ошибка!
Для просмотра темы введите ваши логин и пароль.Пожалуйста, авторизуйтесь: