- Къууут – джелге, берне – бошха.
- Адам сёзюнден белгили.
- Таш ата билмеген, башына урур.
- Кёкдеги болмаса, джердегин кёрмейди.
- Аууз сакълагъан – джан сакълар.
- Хар зат кесини орнуна иги.
- Адамны бетине къарама, адетине къара.
- Чабакъ башындан чирийди.
- Кёзю сокъурдан – къоркъма, кёлю сокъурдан – къоркъ.
- Джылыгъа джылан илешир.
- Берекет берсин деген джерде, берекет болур.
- Биреуге аманлыкъ этиб, кесинге игилик табмазса.
- Билимли ёлмез, билимсиз кёрмез.
- Эртде тургъан бла эртде юйленнген сокъуранмаз.
- Кюлме джашха – келир башха.
- Нарт сёз къарт болмаз.
- Кёзден кетген, кёлден да кетеди.
- Бозаны арты дауур болур.
- Ач отунчуну ачыуу – бурнунда.
- Аман адам этегингден тутса, кес да къач.
- Джангыз терек къынгыр ёсер.
- Атадан ёксюз – бир ёксюз, анадан ёксюз – эки ёксюз.
- Бастасын ашагъан, хантусун да ичер.
- Аз сёлешген, къайгъысыз турур.
- Сёз сёзню айтдырыр.
- Ашхы сёз таш тешер.
- Ойнай билмеген, оюн бузар.
- Ашха уста, юйюнде болсун
- Къызбайны юйюне дери сюрсенг, батыр болур.
- Чалманны аллы къалай башланса, арты да алай барады.
- Джумушакъ сёз къаты таякъны сындырыр.
- Билим – акъылны чырагъы.
- Кёл ашады да, кеси ашады.
- Ашлыкъны арба юйге келтирир, чана базаргъа элтир.
- Тил джюрекге джол ишлейди.
- Таукел къуру къалмаз.
- Зар адамны насыбы болмаз.
- Ашхы – джыяр, аман – джояр.
- Aдам боллукъ, сыфатындан белгили.
- Ашлыкъ – бюртюкден, джюн – тюкден.
- Тюкюрюк баш джармаз, налат кёз чыгъармаз!
- Ашын ашагъанынгы, башын да сыйла.
- Акъдан къара болмаз.
- Кюл тюбюндеги от кёрюнмейди.
- Артына баргъанны, къатына барма.
- Узун джолну барсанг, бюгюн келирсе, къысха джолну барсанг, тамбла келирсе.
- Бал ашаргъа сюе эсенг, чибин ургъаннга тёз.
- Ата Джуртча джер болмаз, туугъан элча эл болмаз.
- Юй ишлеген балта эшикде къалыр.
- Джогъун бар этген, барын бал этген.
Ошибка!
Для просмотра темы введите ваши логин и пароль.Пожалуйста, авторизуйтесь: