- Мени джылытмагъан кюн, меннге тиймесин!
- Ёлген ийнек сютлю болур.
- Айтхан – тынч, этген – къыйын.
- Чалманны аллы къалай башланса, арты да алай барады.
- Ойнаб айтсанг да, эслеб айт.
- Ишге юренсин къоллары, халкъ бла болсун джоллары.
- Тыш элде солтан болгъандан эсе, кесинги элде олтан болгъан игиди!
- Джашынгы кесинг юретмесенг, джашау юретир.
- Эки итни арасына сюек атма, эки адамны арасында сёз чыгъарма.
- Джашны джигитлиги сорулур, къызны джигерлиги сорулур.
- Кирсизни – саны таза, халалны – къаны таза.
- Ашха уста, юйюнде болсун
- Иесиз малны бёрю ашар.
- Чомарт къонакъ юй иесин сыйлар.
- Баш – акъыл ючюн, акъылман – халкъ ючюн.
- Къазанда болса, чолпугъа чыгъар.
- Хар зат кесини орнуна иги.
- Татлы тилде – сёз ариу, чемер къолда – иш ариу.
- Дженгил джетерикме деб, узун джолну къоюб, къысхасын барма.
- Адеб базарда сатылмаз.
- Ашыкъгъанны этеги бутуна чырмалыр.
- Иги адам абынса да, джангылмаз.
- Тойчу джашха къарама, къойчу джашха къара.
- Азыгъы аз, алгъа къабар, аты аман, алгъа чабар.
- Насыб бютеу халкъны юлюшюдю.
- Къайгъыны сюйген, къайгъы табар.
- Чоюнну башы ачыкъ болса, итге уят керекди.
- Ач, тоймам, дейди, тойгъан, ач болмам, дейди.
- Ашатыргъа иш – ашхы, ишлетирге аш – ашхы.
- Сабий болмагъан джерде, мёлек болмаз.
- Джюрекден джюрекге джол барды.
- Ауругъанны сау билмез, ач къарынны токъ билмез.
- Аз айтсам, кёб ангылагъыз.
- Чакъырылмагъан къонакъ – орунсуз.
- Аджал соруб келмез, келсе, къайтыб кетмез.
- Сёз къанатсыз учар.
- Эл ауузу – элек, анга ийнаннган – халек.
- Тилчиден кери бол.
- Халкъгъа джарагъан, джарлы къалмаз.
- Айыбны суу бла джууалмазса.
- Мухар, кеси тойса да, кёзю тоймаз.
- Орундукъ тюбюнде атылсам да, орта джиликме, де да айлан.
- Булут кёкге джарашыу, уят бетге джарашыу.
- Ата джурт – алтын бешик.
- Бойнуму джети джерден кессенг да, мен ол ишни этеллик тюлме.
- Къызбайны юйюне дери сюрсенг, батыр болур.
- Ётюрюкню къуйругъу – бир тутум.
- Къайтырыкъ эшигинги, къаты уруб чыкъма.
- Окъ къызбайны джокълайды.
- Кюлме джашха – келир башха.
Ошибка!
Для просмотра темы введите ваши логин и пароль.Пожалуйста, авторизуйтесь: