- Сёз къанатсыз учар.
- Тенгинг джокъ эсе – изле, бар эсе – сакъла!
- Чабакъсыз кёлге къармакъ салгъанлыкъгъа, чабакъ тутмазса.
- Къуру гыбыт бек дыгъырдар.
- Джогъун бар этген, барын бал этген.
- Махтаннган къыз, тойда джукълар.
- Билимсиз иш бармаз.
- Игини сыйлагъан адетди.
- Бир абыннган – минг сюрюнюр.
- Адамны джюреги нени кёрюрге сюйсе, кёзю да аны кёрюрге ёч болады.
- Тёзген – тёш ашар!
- Хоншуну тауугъу къаз кёрюнюр, келини къыз кёрюнюр.
- Бозанг болмагъан джерге, къалагъынгы сукъма.
- Кийимни бичсенг, кенг бич, тар этген къыйын тюлдю.
- Окъумагъан сокъурду, сокъур ташха абыныр!
- Дженгил джетерикме деб, узун джолну къоюб, къысхасын барма.
- Джырына кёре эжиую.
- Кимни – тили, тиши онглу, кимни – къолу, иши онглу.
- Таула не мийик болсала да, аууш табылыр.
- Тюзню ётмеги тюзде къалса да, тас болмаз.
- Тынгылагъан тынгы бузар.
- Кёбден умут этиб, аздан къуру къалма.
- Аман къатын сабий табса, бий болур…
- Ач къарынны, токъ билмез
- Итли къонакъ джарашмаз.
- Аякъларынгы джууургъанынга кёре узат.
- Ётюрюкден тюбю джокъ, кёлтюрюрге джиби джокъ.
- Джырчы ёлсе, джыры къалыр.
- Дууулдаса – бал чибин, къонса – къара чибин.
- Адеб этмеген, адеб кёрмез.
- Ашха уста, юйюнде болсун
- Телиге от эт десенг, юйюнге от салыр.
- Таш бла ургъанны, аш бла ур.
- Тамчы таш тешер.
- Мал ёлсе, сюек къалыр, адам ёлсе, иши къалыр.
- Аджал соруб келмез, келсе, къайтыб кетмез.
- Накъырданы арты керти болур.
- Джаш болсун, къыз болсун, акъылы, саны тюз болсун.
- Иесиз малны бёрю ашар.
- Байма, деб да, къууанма, джарлыма, деб да, джылама.
- Аш иеси бла татлыды.
- Нёгерсизни джолу узун.
- Аманнга алтын чыдамаз.
- Кёпюр салгъан кеси ётер, уру къазгъан кеси кетер.
- Джыланны къуйругъундан басарынг келсе, аны башы болгъанын унутма.
- Джашны джигитлиги сорулур, къызны джигерлиги сорулур.
- Мени джылытмагъан кюн, меннге тиймесин!
- Ауузу аманнга «иги», деме.
- Чомарт къолда мал къалмаз.
- Бермеген къол, алмайды.
Ошибка!
Для просмотра темы введите ваши логин и пароль.Пожалуйста, авторизуйтесь: