- Мени джылытмагъан кюн, меннге тиймесин!
- Оюмсуз атлагъан, аджалсыз ёлюр.
- Билмейме деген – бир сёз
- Ауругъаннга – кийик саулукъ, джетген къызгъа – чилле джаулукъ.
- Эл бла кёргенинг эрелей.
- Байлыкъдан саулукъ ашхыды.
- Чомарт къонакъ юй иесин сыйлар.
- Бал ашаргъа сюе эсенг, чибин ургъаннга тёз.
- Ариу сёз – джаннга азыкъ, аман сёз – башха къазыкъ.
- Тыш элде солтан болгъандан эсе, кесинги элде олтан болгъан игиди!
- Ёлген эшек бёрюден къоркъмайды.
- Ашаса, ашамаса да, бёрюню ауузу – къан.
- Иги джашны ышаны – аз сёлешиб, кёб тынгылар.
- Ариу сёз джыланны орнундан чыгъарыр.
- Тойгъа алгъа да барма, тойда артха да къалма.
- Битмегеннге сакъал – танг.
- Джюрекге ариу – кёзге да ариу.
- Ашхылыкъ джерде джатмайды, аманлыкъ суугъа батмайды.
- Акъыллы эркиши атын махтар, акъылсыз эркиши къатынын махтар.
- Джюрек кёзден алгъа кёрюр.
- Болджал ишни бёрю ашар.
- Ачлыкъ отха секиртир.
- Акъыллы башны – тили къысха.
- Къонакъ болсанг, ийнакъ бол.
- Кийимни бичсенг, кенг бич, тар этген къыйын тюлдю.
- Кёбден умут этиб, аздан къуру къалма.
- Бети къызарыучу адамны, джюреги харам болмаз.
- Аш берме да, къаш бер.
- Азыкълы ат арымаз, къатыны аман джарымаз.
- Ачылгъан эт джабылыр, кёрген кёз унутмаз.
- Къатын байлыкъны сюер, эр саулукъну сюер.
- Бети бедерден, намыс сакълама.
- Джюз элде джюз ёгюзюм болгъандан эсе, джюз джууугъум болсун.
- Ишлегенден, къарагъан уста.
- Игини сыйлагъан адетди.
- Бозанг болмагъан джерге, къалагъынгы сукъма.
- Ач, тоймам, дейди, тойгъан, ач болмам, дейди.
- Артына баргъанны, къатына барма.
- Эртде тургъан бла эртде юйленнген сокъуранмаз.
- Акъылсызны джууукъгъа алма, акъыллыны кенгнге салма.
- Джюрекден джюрекге джол барды.
- Сютню башын джалагъан къутулур, тюбюн ичген тутулур.
- Биреуге кёлтюрген таягъынг, кесинги башынга урур.
- Аманны тукъумуна къарама, игини тукъумун сорма.
- Къарнынг бла ёч алма.
- Ач къалгъандан, кеч къалгъан къолай.
- Ёгюзню мюйюзюнден тутадыла, адамны сёзюнден тутадыла.
- Керек ташны ауурлугъу джокъ.
- Джерни букъусу кёкге къонмаз.
- Къуллукъчума, деб махтанма, къуллукъ – хаух джамчыды!
Ошибка!
Для просмотра темы введите ваши логин и пароль.Пожалуйста, авторизуйтесь: