- Бёрю да ач къалмасын, эчки да ашалмасын.
- Дууулдаса – бал чибин, къонса – къара чибин.
- Таукел адам тау тешер.
- Аджашхан тёгерек айланыр.
- Ач бёрюге мекям джокъ.
- Атлыны ашхысы, ат тизгининден билинир
- Ёксюзню къалачы уллу кёрюнюр.
- Ойнай билмеген, уруб къачар.
- Аш кетер да бет къалыр.
- Эллинг бла джау болсанг да, юйюнг бла джау болма.
- Сакъламагъан затынга джолукъсанг, не бек къууанаса, не бек ачыйса.
- Тамчы таш тешер.
- Джогъун бар этген, барын бал этген.
- Насыблы элин сюер, насыбсыз кесин сюер.
- Тамырсыз терекге таянма – джыгъылырса.
- Акъыллы эркиши атын махтар, акъылсыз эркиши къатынын махтар.
- Сормай – алма, чакъырылмай – барма.
- Тамбла алтындан бюгюн багъыр ашхы.
- Нафысынгы айтханын этме, намысынгы айтханын эт.
- Уруну арты – къуру.
- Эри аманны, къатыны – аман.
- Игини сыйлагъан адетди.
- Сёз – кюмюш, джыр – алтын.
- Ариуну – ауруу кёб.
- Ишин билген, аны сыйын чыгъарады.
- Атынг аманнга чыкъгъандан эсе, джанынг тамагъынгдан чыкъсын.
- Джашынгы кесинг юретмесенг, джашау юретир.
- Джумушакъ сёз къаты таякъны сындырыр.
- Этим кетсе да, сюегим къалыр.
- Кесинге джетмегенни, кёб сёлешме.
- Ёлюр джаннга, ёкюл джокъ.
- Ёгюзню мюйюзлери ауурлукъ этмейдиле.
- Адамгъа аман кюн соруб келмейди.
- Тешигини къатында, чычхан да батыр болур.
- Танг атмайма десе да, кюн къоярыкъ тюйюлдю.
- Ачны эсинде – аш.
- Ач къарынны, токъ билмез
- Окъуусуз билим – джокъ, билимсиз кюнюнг – джокъ.
- Тёрени джагъы джокъ.
- Телиге от эт десенг, юйюнге от салыр.
- Иши джокъну, сыйы джокъ.
- Гырджын – тепсини тамадасы.
- Сабыр джетер муратха, сабырсыз къалыр уятха.
- Таугъа чыгъаллыкъ эсенг, тюзде къалма.
- Ауузу аманнга «иги», деме.
- Ишленмеклик адамлыкъды.
- Рысхы джалгъанды: келген да этер, кетген да этер.
- Тёрдеги кюлсе, эшикдеги ышарыр.
- Элде адам къалмаса, ит тахтагъа минер.
- Ишленмеген джаш – джюгенсиз ат, ишленмеген къыз – тузсуз хант.
Ошибка!
Для просмотра темы введите ваши логин и пароль.Пожалуйста, авторизуйтесь: