- Хар ишни да аллы къыйынды.
- Эшекге миннген – биринчи айыб, андан джыгъылгъан – экинчи айыб.
- Бети – къучакълар, джюреги – бычакълар.
- Намыс болмагъан джерде, насыб болмаз.
- Тюзлюк шохлукъну бегитир.
- Келгинчи, къонакъ уялыр, келгенден сора, къонакъбай уялыр.
- Ишленмеклик адамлыкъды.
- Къарт бла баш аша, джаш бла аякъ аша.
- Рысхы – насыбха къор.
- Чабакъсыз кёлге къармакъ салгъанлыкъгъа, чабакъ тутмазса.
- Эркишиге тары кебек танг кёрюнюр.
- Сёлеш деб шай берген, тохта деб, сом берген.
- Джаханимни кёрмей, джандетге кёл салмазса.
- Айтхан – тынч, этген – къыйын.
- Кёзю сокъурдан – къоркъма, кёлю сокъурдан – къоркъ.
- Аман киши кеси юйюнде – къонакъ.
- Айырылгъанланы айю ашар, бёлюннгенлени бёрю ашар.
- Байлыкъ келсе, акъыл кетер.
- Шекер бла туз – бир болмаз, ушамагъан – юй болмаз.
- Аманны къуугъан, аманлыкъ табар.
- Ётюрюкню башын керти кесер.
- Чакъырылмагъан джерге барма, чакъырылгъан джерден къалма.
- Айтылгъан сёз ызына къайтмаз.
- Джиби бир къат джетмей эди да, эки къат тарта эди.
- Эри аманны, къатыны – аман.
- Тенгни тенглиги джашай барсанг билинир.
- Адамны бетине къарама, адетине къара.
- Адеби болмагъан къыз – тузсуз хант.
- Билимсиз иш бармаз.
- Ашхы болсанг, атынг чыгъар, аман болсанг, джанынг чыгъар.
- Къатын къылыкъсыз, эр тынчлыкъсыз.
- Кийимни бичсенг, кенг бич, тар этген къыйын тюлдю.
- Джашлыкъ этмеген, башлыкъ этмез.
- Тас болгъан бычакъны сабы – алтын.
- Таукел адам тау тешер.
- Акъыллы айтыр эди, акъылсыз къоймайды.
- Чакъырылмай келген къонакъ сыйланмай кетер.
- Бет бетге къараса, бет да джерге къарар.
- Къарт айтханны этмеген, къартаймаз.
- Адамгъа аман кюн соруб келмейди.
- Игини сыйлагъан адетди.
- Баш болса, бёрк табылыр.
- Нафысынгы айтханын этме, намысынгы айтханын эт.
- Чакъырылмагъан къонакъ къачан кетерин сормаз.
- Джюз элде джюз ёгюзюм болгъандан эсе, джюз джууугъум болсун.
- Ашарыкъда сайлагъаннга – чий гырджын.
- Рысхы – сют юсюнде кёмюк кибикди.
- Джеринден айырылгъан – джети джылар, джуртундан айырылгъан – ёлгюнчю джылар.
- Адеб базарда сатылмаз.
- Эртде тургъан бла эртде юйленнген сокъуранмаз.
Ошибка!
Для просмотра темы введите ваши логин и пароль.Пожалуйста, авторизуйтесь: