- Къайгъыны сюйген, къайгъы табар.
- Чомарт джарлы болмаз.
- Ишни аллы бла къууанма да, арты бла къууан.
- Аш хазыр болса, иш харам болур.
- Ёлген ийнек сютлю болур.
- Къулакъдан эсе, кёзге ышан.
- Бюгюн дуния кибик, тамбла ахыратды.
- Джангызны оту джарыкъ джанмаз!
- Аманны эки битли тону болур, бирин сеннге кийдирир, бирин кеси киер.
- Аякъларынгы джууургъанынга кёре узат.
- Къыйынлы джети элни къайгъысын этер.
- Экеу тутушса, биреу джыгъылыр.
- Ачлыкъда тары гырджын халыуадан татлы.
- Кёбге таш атма.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Сабий болмагъан джерде, мёлек болмаз.
- Кёзден кетген, кёлден да кетеди.
- Намыс сатылыб алынмайды.
- Окъуусуз билим – джокъ, билимсиз кюнюнг – джокъ.
- Хантына кёре тузу, юйюне кёре къызы.
- Керек ташны ауурлугъу джокъ.
- Къарт болгъан джерде, берекет болур, сабий болгъан джерде, оюн болур.
- Чарсда алчыны эл кёреди.
- Миллетни бойну – базыкъ, аны бла кюрешген – джазыкъ.
- Билим къая тешер.
- Окъдан джара эртде-кеч болса да бителир, сёз джара, ёмюрге къалыр.
- Къонакъ болсанг, ийнакъ бол.
- Агъач – джерни чырайы, кийим – эрни чырайы.
- Ариу джол аджал келтирмез.
- Халкъны джырын джырласанг, халкъ санга эжиу этер.
- Айран тёгюлсе, джугъусу къалыр.
- Мен да «сен», дейме, сен да «кесим», дейсе.
- Ашхы адам – халкъ байлыгъы, ашхы джер – джашау байлыгъы.
- Къыз келсе, джумуш эте келеди, къатын келсе, ушакъ эте келеди.
- Къатыны харакетли болса, эри къымсыз болур.
- Къызгъанчдан ычхыныр, мухардан ычхынмаз.
- Аллахха ийнаннган кишини, Аллах онгдурур ишин.
- Эки къатын алгъан – эки ташны ортасына башын салгъан.
- Тамчы таш тешер.
- Айтылгъан сёз ызына къайтмаз.
- Ачлыкъ отха секиртир.
- Ата Джуртуму башы болмасам да, босагъасында ташы болайым.
- Ёксюзню къалачы уллу кёрюнюр.
- Накъырда – кертини келечиси.
- Джолунга кёре – джюрюшюнг, джагъанга кёре – юлюшюнг.
- Атынг аманнга чыкъгъандан эсе, джанынг тамагъынгдан чыкъсын.
- Кийимни бичсенг, кенг бич, тар этген къыйын тюлдю.
- Нёгер болсанг, тенг бол, тенг болмасанг, кенг бол.
- Къайгъы тюбю – тенгиз.
- Баргъанынга кёре болур келгенинг.
Ошибка!
Для просмотра темы введите ваши логин и пароль.Пожалуйста, авторизуйтесь: