- Джети тилни билген джети кишиди.
- Къартны сыйын кёрмеген, къартлыгъында сыйлы болмаз.
- Телиге от эт десенг, юйюнге от салыр.
- Махтаннган къыз, тойда джукълар.
- Джарлы тюеге минсе да, ит къабар.
- Ачны эсинде – аш.
- Ёлмесенг да, къарт дамы болмазса?
- Ойнай-ойнай кёз чыгъар.
- Таугъа чыгъаллыкъ эсенг, тюзде къалма.
- Ашыкъгъан cуу, тенгизге джетмез.
- Тенгинг джокъ эсе – изле, бар эсе – сакъла!
- Ач бёрюге мекям джокъ.
- Магъанасыз сёз – тауушсуз сыбызгъы.
- Кёзден кетген, кёлден да кетеди.
- Сакъалы текени да бар, мыйыгъы киштикни да бар.
- Тил бла келеди джыр да.
- Абынмазлыкъ аякъ джокъ, джангылмазлыкъ джаякъ джокъ.
- Аман эсирсе, юйюн ояр.
- Къатыны харакетли болса, эри къымсыз болур.
- Джетген къыз джерли эшекни танымаз.
- Ёлюк кебинсиз къалмаз.
- Адамны сабийин сюйген джюреги, бычакъча, джитиди.
- Кёбден умут этиб, аздан къуру къалма.
- Аууз сакълагъан – джан сакълар.
- Джашынгы кесинг юретмесенг, джашау юретир.
- Айтханы чапыракъдан ётмеген.
- Ишни ахырын ойламай, аллын башлама.
- Суугъа – чабакъ, къаягъа – ыргъакъ.
- Юйюнгден чыкъдынг – кюнюнгден чыкъдынг.
- Къыйынлы джети элге оноу этер.
- Хунаны тюбюн къазсанг, юсюнге ауар.
- Гугук кесини атын айтыб къычыргъанча, мен, мен деб нек тураса?
- Башы джабылгъан челекге, кир тюшмез.
- Ашда – бёрю, ишде – ёлю.
- Аджашхан тёгерек айланыр.
- Байны оноуу, джарлыгъа джарамаз.
- Айтхан – тынч, этген – къыйын.
- Аз сёлеш, кёб ишле.
- Билим насыб берир, билим джолну керир.
- Окъуусуз билим – джокъ, билимсиз кюнюнг – джокъ.
- Келгинчи, къонакъ уялыр, келгенден сора, къонакъбай уялыр.
- Тюзлюк шохлукъну бегитир.
- Кюн – узун, ёмюр – къысха.
- Намысы джокъну – дуниясы джокъ.
- Ачыкъ джюрекге джол – ачыкъ.
- Чомартха Тейри да борчлуду.
- Аз сёлешген, къайгъысыз турур.
- Атынг аманнга чыкъгъандан эсе, джанынг тамагъынгдан чыкъсын.
- Ышармагъан – кюлмез, кюлмеген – къууанчны билмез.
- Тил – кесген бычакъ, сёз – атылгъан окъ.
Ошибка!
Для просмотра темы введите ваши логин и пароль.Пожалуйста, авторизуйтесь: