- Кеси юйюмде мен да ханма.
- Къаллай салам берсенг, аллай джууаб алырса.
- Хар адамгъа кеси миннген тау кибик.
- Бет бетге къараса, бет да джерге къарар.
- Аурууну келиую тынч, кетиую – къыйын.
- Билмезни кёзю кёрмез, этмезни къулагъы эшитмез.
- Ата Джуртча джер болмаз, туугъан элча эл болмаз.
- Элде адам къалмаса, ит тахтагъа минер.
- Тенгни тенглиги джашай барсанг билинир.
- Акъыл къартда, джашда тюйюлдю – башдады.
- Тешигини къатында, чычхан да батыр болур.
- Сакъ юйюне сау барыр.
- Ашхы адам – халкъ байлыгъы, ашхы джер – джашау байлыгъы.
- Тенги кёбню джау алмаз, акъылы кёбню дау алмаз.
- Намыс болмагъан джерде, насыб болмаз.
- Урунуу – насыбны анасы.
- Ётюрюкден тюбю джокъ, кёлтюрюрге джиби джокъ.
- Джыланны къуйругъундан басарынг келсе, аны башы болгъанын унутма.
- Накъырда – кертини келечиси.
- Эшекге миннген – биринчи айыб, андан джыгъылгъан – экинчи айыб.
- Къатын байлыкъны сюер, эр саулукъну сюер.
- Адам сёзюнден белгили.
- Эртде тургъан джылкъычыны эркек аты тай табар.
- Дууулдаса – бал чибин, къонса – къара чибин.
- Халкъны джырын джырласанг, халкъ санга эжиу этер.
- Уясында не кёрсе, учханында аны этер.
- Эллинг бла джау болсанг да, юйюнг бла джау болма.
- Тин – байлыгъынг, терен саулугъунг.
- Къонакъ болсанг, ийнакъ бол.
- Суугъа – чабакъ, къаягъа – ыргъакъ.
- Бир онгсуз адам адет чыгъарды, деб эштирик тюлсе.
- Джырына кёре эжиую.
- Алма терегинден кери кетмез.
- Намысы джокъну – дуниясы джокъ.
- Билмегенинги, билгеннге сор.
- Къонакъ аз олтурур, кёб сынар.
- Агъач – джерни чырайы, кийим – эрни чырайы.
- Къозулугъунда тоймагъан, къойлугъунда тоймаз.
- Къыз тиширыу кеси юйюнде да къонакъды.
- Ётген ёмюр – акъгъан суу.
- Ауругъан – джашаудан умутчу.
- Атадан ёксюз – бир ёксюз, анадан ёксюз – эки ёксюз.
- Сибиртки да сыйлы болду, кюрек да кюнлю болду.
- Джюрек кёзден алгъа кёрюр.
- Адеб этмеген, адеб кёрмез.
- Адам туугъан джеринде, ит тойгъан джеринде.
- Эли джокъну – кёлю джокъ.
- Мен да «сен», дейме, сен да «кесим», дейсе.
- От кюйдюрген, сау болса да, тот кюйдюрген, сау болмаз.
- Сабыр джетер муратха, сабырсыз къалыр уятха.
Ошибка!
Для просмотра темы введите ваши логин и пароль.Пожалуйста, авторизуйтесь: