- Къар – келтирди, суу – элтди.
- Терслик кетер, тюзлюк джетер.
- Окъуу – билимни ачхычы, окъуу – дунияны бачхычы.
- Ёлюк кебинсиз къалмаз.
- Биреуге аманлыкъны тилеме да, кесинге ашхылыкъны тиле.
- Къуру гыбыт бек дыгъырдар.
- Кёл – къызбай, къол – батыр.
- Ашын ашагъанынгы, башын да сыйла.
- Кютгени беш эчки, сызгъыргъаны уа, джерни джарады.
- Юйюнгден чыкъдынг – кюнюнгден чыкъдынг.
- Чомарт бергенин айтмаз.
- Ана кёлю – балада, бала кёлю – талада.
- Тойчу джашха къарама, къойчу джашха къара.
- Аманны тукъумуна къарама, игини тукъумун сорма.
- Къызбайны юйюне дери сюрсенг, батыр болур.
- Эки элинги тыйсанг, джети элде махталырса.
- Адамны адамлыгъы къыйынлыкъда айгъакъланады.
- Ач къалгъандан, кеч къалгъан къолай.
- Биреу ашаб къутулур, биреу джалаб тутулур.
- Тойгъан джерден туугъан джер игиди.
- Эки итни арасына сюек атма, эки адамны арасында сёз чыгъарма.
- Джылкъыдан – ат чыгъар, тукъумдан – джаш чыгъар.
- Тас болгъан бычакъны сабы – алтын.
- Адеб этмеген, адеб кёрмез.
- Бёрю да ач къалмасын, эчки да ашалмасын.
- Джырына кёре эжиую.
- Аллахха ийнаннган кишини, Аллах онгдурур ишин.
- Тюзлюк шохлукъну бегитир.
- Тил джюрекге джол ишлейди.
- Кёб ант этген, кёб ётюрюк айтыр.
- Таукел къуру къалмаз.
- Кёзюнде тереги болгъан, чёбю болгъаннга кюле эди.
- Урама да – ёледи, сатама да – келеди.
- Аурууну келиую тынч, кетиую – къыйын.
- Ашхы сёз таш тешер.
- Джукъу тёшек сайламайды.
- Къатыны харакетли болса, эри къымсыз болур.
- Окъумагъан сокъурду, сокъур ташха абыныр!
- Эрни эр этерик да, къара джер этерик да, тиширыуду.
- Сагъыш – къартлыкъгъа сюйюмчю.
- Адебни адебсизден юрен.
- Соргъан айыб тюлдю, билмеген айыбды.
- Чомартны къолун джокълукъ байлар.
- Кёбню кёрген – кёб билир.
- Аманнга алтын чыдамаз.
- Джарлыны тону джаз битер.
- Бойнуму джети джерден кессенг да, мен ол ишни этеллик тюлме.
- Къолунгдан къуймакъ ашатсанг да, атаны борчундан къутулмазса.
- Баргъанынга кёре болур келгенинг.
- Аз сёлешген, къайгъысыз турур.
Ошибка!
Для просмотра темы введите ваши логин и пароль.Пожалуйста, авторизуйтесь: