- Биреу ашаб къутулур, биреу джалаб тутулур.
- Джыйырма къойну юч джыйырма эбзе кюте эди.
- Арыгъан къош чамчы болур.
- Кёзден кетген, кёлден да кетеди.
- Малны кют, джерни тюрт.
- Ачны эсинде – аш.
- Джангызны оту джарыкъ джанмаз!
- Окъумагъан сокъурду, сокъур ташха абыныр!
- Аман киши кеси юйюнде – къонакъ.
- Кийимни бичсенг, кенг бич, тар этген къыйын тюлдю.
- Чабакъсыз кёлге къармакъ салгъанлыкъгъа, чабакъ тутмазса.
- Къонакъ хазыр болгъанлыкъгъа, къонакъбай хазыр тюлдю.
- Тойгъа барсанг, тоюб бар, эски тонунгу къоюб бар.
- Джюз элде джюз ёгюзюм болгъандан эсе, джюз джууугъум болсун.
- Аман эсирсе, юйюн ояр.
- Акъыллы эркиши атын махтар, акъылсыз эркиши къатынын махтар.
- Аллахдан тилесенг, кёб тиле.
- Юй кюйдю да, кюйюз чыкъды, ортасындан тюйюш чыкъды.
- Ариу сёз джыланны орнундан чыгъарыр.
- Эски джаугъа ышанма.
- Къошда джокъгъа – юлюш джокъ.
- Джашлыкъ этмеген, башлыкъ этмез.
- Аш иеси бла татлыды.
- Кёб къычыргъандан – къоркъма, тынч олтургъандан – къоркъ.
- Тау башында, тау болмаз, джангыз терек, бау болмаз.
- Джылыгъа джылан илешир.
- Булут кёкге джарашыу, уят бетге джарашыу.
- Акъдан къара болмаз.
- Татлы тилде – сёз ариу, чемер къолда – иш ариу.
- Кёлсюзден сёзсюз тууар.
- Аджашханны ызындагъы кёреди, джангылгъанны джанындагъы биледи.
- Ёлген эшек бёрюден къоркъмайды.
- Агъач халкъгъа алтынды, иссиликге салкъынды.
- Чакъырылмагъан къонакъ къачан кетерин сормаз.
- Сёз къанатсыз учар.
- Джеринден айырылгъан – джети джылар, джуртундан айырылгъан – ёлгюнчю джылар.
- Ата Джуртча джер болмаз, туугъан элча эл болмаз.
- Дуния аламаты сен эсенг да, игиме деб айтма.
- Башы джабылгъан челекге, кир тюшмез.
- Ашхы адам – халкъ байлыгъы, ашхы джер – джашау байлыгъы.
- Башынга джетмегенни сорма.
- Тил бла келеди джыр да.
- Элде адам къалмаса, ит тахтагъа минер.
- Къозулугъунда тоймагъан, къойлугъунда тоймаз.
- Таугъа чыгъаллыкъ эсенг, тюзде къалма.
- Мураты болгъанны джюрек тебюую башхады.
- Халкъны юйю – туугъан джери.
- Акъыл къартда, джашда тюйюлдю – башдады.
- Айран ичген – къутулду, джугъусун джалагъан – тутулду.
- Элиб деген, элге болушур.
Ошибка!
Для просмотра темы введите ваши логин и пароль.Пожалуйста, авторизуйтесь: