- Къолу уллу – асыу, аягъы уллу – джарсыу.
- Мухарны эси – ашарыкъда.
- Окъдан джара эртде-кеч болса да бителир, сёз джара, ёмюрге къалыр.
- Эринчекни эр алмаз, эр алса да, кёл салмаз, кёл салса да, кёб бармаз!
- Тай асырагъан, атха минер.
- Тилде сюек болмаса да, сюек сындырыр.
- Айырылгъанланы айю ашар, бёлюннгенлени бёрю ашар.
- Джангызны оту джарыкъ джанмаз!
- Къазанчы аман болса, къазаны къайнамаз.
- Ач къарным, тынч къулагъым.
- Кёлю джокъну – джолу джокъ.
- Накъырданы арты керти болур.
- Аманны тукъумуна къарама, игини тукъумун сорма.
- Шайтан алдады, тюзлюк къаргъады.
- Чомартны къолу берекет.
- Ёксюзню тилеги къабыл болур.
- Суу кетер, таш къалыр.
- Къонакъ аз олтурур, кёб сынар.
- Кёбден умут этиб, аздан къуру къалма.
- Насыб бютеу халкъны юлюшюдю.
- Байлыкъдан саулукъ ашхыды.
- Нарт сёз – тилни бети.
- Джыланны къуйругъундан басарынг келсе, аны башы болгъанын унутма.
- Аман адам этегингден тутса, кес да къач.
- Ашаса, ашамаса да, бёрюню ауузу – къан.
- Ургъан суудан башынгы сакъла.
- «Ма», - дегенни билмесенг, «бер», - дегенни билмезсе.
- Джеринден айырылгъан – джети джылар, джуртундан айырылгъан – ёлгюнчю джылар.
- Адамны сабийин сюйген джюреги, бычакъча, джитиди.
- Экиндини кеч къылсанг, чабыб джетер ашхам.
- Эшекге миннген – биринчи айыб, андан джыгъылгъан – экинчи айыб.
- Тенгни тенглиги джашай барсанг билинир.
- Киштикге къанат битсе, чыпчыкъ къалмаз эди.
- Акъыл къартда, джашда тюйюлдю – башдады.
- Байны къызы баймакъ болса да, юйде къалмаз!
- Байлыкъ келсе, акъыл кетер.
- Тилчи тилден къаныкъмаз.
- Сёз – кюмюш, джыр – алтын.
- Джыйырма къойну юч джыйырма эбзе кюте эди.
- Джарлы джети элни сёзюн этер.
- Джумушакъ сёз къаты таякъны сындырыр.
- Ачлыкъда тары гырджын халыуадан татлы.
- Бюгюн дуния кибик, тамбла ахыратды.
- Рысхы – насыбха къор.
- Ашына кёре табагъы, балына кёре къалагъы.
- Къумурсхала джыйылсала, пилни да джыгъадыла.
- Эки ойлашыб, бир сёлешген.
- Таш бла ургъанны, аш бла ур.
- Керек ташны ауурлугъу джокъ.
- Харам къарнашдан, халал тенг ашхы.
Ошибка!
Для просмотра темы введите ваши логин и пароль.Пожалуйста, авторизуйтесь: