- Чакъырылмагъан къонакъ тёрге атламаз.
- Ата Джуртун танымагъан, атасын да танымаз.
- Кёбден умут этиб, аздан къуру къалма.
- Таякъ этден ётер, тил сюекден ётер.
- Джангызны оту джарыкъ джанмаз!
- Намысы болмагъанны, сыйы болмаз.
- Джаш къарыу бла кючлю, къарт акъыл бла кючлю.
- Иги адам абынса да, джангылмаз.
- Кесине оноу эте билмеген, халкъына да эте билмез.
- Эл тойса, тоймагъан, эл къойса, къоймагъан.
- Къуллукъчума, деб махтанма, къуллукъ – хаух джамчыды!
- Джыланны къуйругъундан басарынг келсе, аны башы болгъанын унутма.
- Ашда уялгъан – мухар, ишде уялгъан – хомух.
- Азыгъы аз, алгъа къабар, аты аман, алгъа чабар.
- Ашхы адам – халкъ байлыгъы, ашхы джер – джашау байлыгъы.
- Тойгъан антын унутур.
- Гитче джилтин уллу элни джандырыр.
- Джырчы ёлсе, джыры къалыр.
- Къыз тиширыу кеси юйюнде да къонакъды.
- Адам къыйынлыгъын кёлтюрюр, зауукълугъун кёлтюрмез.
- Ашын ашагъанынгы, башын да сыйла.
- Орундукъ тюбюнде атылсам да, орта джиликме, де да айлан.
- Акъыллы айтыр эди, акъылсыз къоймайды.
- Окъумагъан сокъурду, сокъур ташха абыныр!
- Ургъан суудан башынгы сакъла.
- Ёзденликни кёбю ётюрюк.
- Агъач халкъгъа алтынды, иссиликге салкъынды.
- Аманны къуугъан, аманлыкъ табар.
- Тюкюрюк баш джармаз, налат кёз чыгъармаз!
- Бал чибинни ургъаны – ачы, балы – татлы.
- Билимсиз иш бармаз.
- Тилсиз миллет джокъ болур.
- Ашхы – джыяр, аман – джояр.
- Арба аугъандан сора, джол кёргюзтюучю кёб болур.
- Джахил болса анасы, не билликди баласы?
- Билими азны – ауузунда кирит.
- Татлы сёз – балдан татлы.
- Бастасын ашагъан, хантусун да ичер.
- Тиширыусуз юй – отсуз от джагъа.
- Рысхы – сют юсюнде кёмюк кибикди.
- Алма терегинден кери кетмез.
- Этни бети бла шорпасы.
- Элни кючю – эмеген.
- «Ёгюз, джаргъа джууукъ барма, меннге джюк боллукъса», - дегенди эшек.
- Ачны эсинде – аш.
- Джашны джигитлиги сорулур, къызны джигерлиги сорулур.
- Тил джюрекге джол ишлейди.
- Иги – алгъыш этер, аман – къаргъыш этер.
- Адамгъа аман кюн соруб келмейди.
- Чыбыкълыкъда бюгюлмеген, къазыкълыкъда бюгюлмей эди.
Ошибка!
Для просмотра темы введите ваши логин и пароль.Пожалуйста, авторизуйтесь: