- Тик ёргени, тик энгишгеси да болады.
- Аууз сакълагъан – джан сакълар.
- Къарнынг ауруса, ауузунгу тый
- Агъач – джерни чырайы, кийим – эрни чырайы.
- Бети – къучакълар, джюреги – бычакълар.
- Джашда акъыл джокъ, къартда къарыу джокъ.
- Аш кетер да бет къалыр.
- Онгсузну – джакъла, тенгликни – сакъла.
- Ач да бол, токъ да бол – намысынга бек бол.
- Къазанчы аман болса, къазаны къайнамаз.
- Душманны тышы – акъ, ичи – къара.
- Тенгни тенглиги джашай барсанг билинир.
- Ачны эсинде – аш.
- Ата Джуртуму башы болмасам да, босагъасында ташы болайым.
- Къонакъ болсанг, ийнакъ бол.
- Эл тойса, тоймагъан, эл къойса, къоймагъан.
- Алтыда кюлмеген, алтмышда кюлмез.
- Кюн – узун, ёмюр – къысха.
- Тил – кесген бычакъ, сёз – атылгъан окъ.
- Аджашханны ызындагъы кёреди, джангылгъанны джанындагъы биледи.
- Джаш къарыу бла кючлю, къарт акъыл бла кючлю.
- Сютден ауузу кюйген, суугъа юфгюре эди.
- Ышармагъан – кюлмез, кюлмеген – къууанчны билмез.
- Ёгюзню мюйюзлери ауурлукъ этмейдиле.
- Нарт сёз къарт болмаз.
- Киштикге къанат битсе, чыпчыкъ къалмаз эди.
- Тас болгъан бычакъны сабы – алтын.
- Къонакъ хазыр болгъанлыкъгъа, къонакъбай хазыр тюлдю.
- Иги адамны бир сёзю эки болмаз.
- Аджалсыз ёлюм болмаз.
- Халкъны юйю – туугъан джери.
- Таула не мийик болсала да, аууш табылыр.
- Джашынгы кесинг юретмесенг, джашау юретир.
- Малны кют, джерни тюрт.
- Ач келгенни – тойдур, кеч келгенни – къондур.
- Ашхы атаны – джашы ашхы, ашхы ананы – къызы ашхы.
- Эринчекни аурууу – кёб.
- Ауузу бла къуш тута айланады.
- Къатын байлыкъны сюер, эр саулукъну сюер.
- Уллу къашыкъ эрин джыртар.
- Ишлерге уял да, ашаргъа табма.
- Ётюрюкчюню шагъаты – къатында.
- Келлик заман – къартлыкъ келтирир, кетген заман – джашлыкъ ёлтюрюр.
- Тойгъанлыкъ къойгъа джарашады.
- Уллу къазанда бишген эт, чий къалмаз.
- Джангыз торгъай джырламаз.
- Сютню башын джалагъан къутулур, тюбюн ичген тутулур.
- Мухарны эси – ашарыкъда.
- Кёзню ачылгъаны – иги, ауузну джабылгъаны – иги.
- Айтылгъан сёз ызына къайтмаз.
Ошибка!
Для просмотра темы введите ваши логин и пароль.Пожалуйста, авторизуйтесь: