- Минг тенг да азды, бир джау да кёбдю.
- Ариу – кёзге, акъыл – джюрекге.
- Ашатыргъа иш – ашхы, ишлетирге аш – ашхы.
- Ишлегенден, къарагъан уста.
- Ёлюр джаннга, ёкюл джокъ.
- Сангырау къулакъ эл бузар.
- Ана къолу ачытмаз.
- Билгенни къолу къарны джандырыр.
- Аз айтсам, кёб ангылагъыз.
- Джюрекден джюрекге джол барды.
- Асхат ашлыкъ сата, юйдегиси ачдан къата.
- Экеулен сёлеше тура эселе, орталарына барыб кирме.
- Къонагъы джокъну – шоху джокъ.
- Ашхы сёз таш тешер.
- Ауругъанны сау билмез, ач къарынны токъ билмез.
- Бюгюн дуния кибик, тамбла ахыратды.
- Киштикге къанат битсе, чыпчыкъ къалмаз эди.
- Эркишиге тары кебек танг кёрюнюр.
- Къайгъы тюбю – тенгиз.
- Айраннга суу къош, телиге джол бош.
- Гугурук къычырмаса да, тангны атары къалмаз.
- Къуру гыбыт бек дыгъырдар.
- Тёрдеги кюлсе, эшикдеги ышарыр.
- Аман къатын сабий табса, бий болур…
- Джангыз терек къынгыр ёсер.
- Джаным-тиним – окъуу, билим.
- Эл элде бирер малынг болгъандан эсе, бирер тенгинг болсун.
- Кёзню ачылгъаны – иги, ауузну джабылгъаны – иги.
- Джаз бир кюнню джатсанг, къыш талай кюнню абынырса.
- Айтылгъан буйрукъ, сёгюлмез
- Бастасын ашагъан, хантусун да ичер.
- Зарда марда джокъ.
- Ёлмесенг да, къарт дамы болмазса?
- Иги сеники эсе да, сюйген кесимикин этеме.
- Кийимни бичсенг, кенг бич, тар этген къыйын тюлдю.
- Дууулдаса – бал чибин, къонса – къара чибин.
- Чабакъгъа акъыл, табагъа тюшсе келеди.
- Кесине гебен этелмеген, биреуге черен эте эди.
- Кийим тукъум сордурур.
- Тилчи бир сагъатха айлыкъ хата этер.
- Иги адамны бир сёзю эки болмаз.
- Сабыр джетер муратха, сабырсыз къалыр уятха.
- Акъыллы башны – тили къысха.
- Чомарт бергенин айтмаз.
- Къая джолда джортма, ачыкъ сёзден къоркъма.
- Аш хазыр болса, иш харам болур.
- Къарнынг тойгъунчу аша да, белинг талгъынчы ишле.
- Тай асырагъан, атха минер.
- «Ма», - дегенни билмесенг, «бер», - дегенни билмезсе.
- Юреннген ауруу къалмаз.
Ошибка!
Для просмотра темы введите ваши логин и пароль.Пожалуйста, авторизуйтесь: