- Ариу сёз аурууунгу алыр.
- Илму – джашауну джолу.
- Азыкъ аз болса, эртде орун сал.
- Зар адам ашынгы ашар, кесинги сатар.
- Гырджын – тепсини тамадасы.
- Тил – кесген бычакъ, сёз – атылгъан окъ.
- Таш бла ургъанны, аш бла ур.
- Эринчекге кюн узун.
- Аджал соруб келмез, келсе, къайтыб кетмез.
- Кесинг сынамагъан затны, адамгъа буюрма.
- Ачыу алгъа келсе, акъыл артха къалады.
- Тили узунну, намысы – къысха.
- Бастасын ашагъан, хантусун да ичер.
- Нёгер болсанг, тенг бол, тенг болмасанг, кенг бол.
- Адамны аты башхача, акъылы да башхады.
- Къарыусузгъа кюлме, онгсузгъа тийме.
- Кечеси – аяз, кюню – къыш, джарлы къаргъагъа бир аш тюш!
- Къуллукъчума, деб махтанма, къуллукъ – хаух джамчыды!
- Орну джокъну – сыйы джокъ.
- Кёлю джокъну – джолу джокъ.
- Акъыл къартда, джашда тюйюлдю – башдады.
- Билим ат болуб да чабар, къуш болуб да учар.
- Тёзгеннге, джабылгъан эшик ачылыр.
- Сютден ауузу кюйген, суугъа юфгюре эди.
- Джан саулукъ бермей, сан саулукъ бермезсе.
- Ауругъан – джашаудан умутчу.
- Билимли ёлмез, билимсиз кёрмез.
- Ариу сёз – джаннга азыкъ, аман сёз – башха къазыкъ.
- Терек ауса, отунчу – кёб.
- Башы джабылгъан челекге, кир тюшмез.
- Садакъачыны джаны – къапчыгъында.
- Хантына кёре тузу, юйюне кёре къызы.
- Хансыз джомакъ болмаз.
- Уллу атлама – абынырса, уллу къабма – къарылырса.
- Къая джолда джортма, ачыкъ сёзден къоркъма.
- Тёрдеги кюлсе, эшикдеги ышарыр.
- Эринчекни аурууу – кёб.
- Тай асырагъан, атха минер.
- Нарт сёз – тилни бети.
- Тас болгъан бычакъны сабы – алтын.
- Ишин билген, аны сыйын чыгъарады.
- Асхат ашлыкъ сата, юйдегиси ачдан къата.
- Ёксюзню къалачы уллу кёрюнюр.
- Тилчиден кери бол.
- Телиге от эт десенг, юйюнге от салыр.
- Чомарт къонакъ юй иесин сыйлар.
- Алтыннга тот къонмаз.
- Тюкюрюк баш джармаз, налат кёз чыгъармаз!
- Булут кёкге джарашыу, уят бетге джарашыу.
- Биреуню эскиси биреуге джангы болмайды.
Ошибка!
Для просмотра темы введите ваши логин и пароль.Пожалуйста, авторизуйтесь: