- Ашхы атаны – джашы ашхы, ашхы ананы – къызы ашхы.
- Кесине оноу эте билмеген, халкъына да эте билмез.
- «Ма», - дегенни билмесенг, «бер», - дегенни билмезсе.
- Окъугъанны бети джарыкъ.
- Арбаз сайлама да, хоншу сайла.
- Уллу атлама – абынырса, уллу къабма – къарылырса.
- Къолунгдан къуймакъ ашатсанг да, атаны борчундан къутулмазса.
- Билимсиз иш бармаз.
- Джолда аягъынга сакъ бол, ушакъда тилинге сакъ бол.
- Хоншуну тауугъу къаз кёрюнюр, келини къыз кёрюнюр.
- Аманны къуугъан, аманлыкъ табар.
- Ойнай билмеген, уруб къачар.
- Байлыкъдан саулукъ ашхыды.
- Къайгъы тюбю – тенгиз.
- Тёзгеннге, джабылгъан эшик ачылыр.
- Кёбге таш атма.
- Кютгени беш эчки, сызгъыргъаны уа, джерни джарады.
- Аманны эки битли тону болур, бирин сеннге кийдирир, бирин кеси киер.
- Джан саулукъ бермей, сан саулукъ бермезсе.
- Сескекли кесин билдирир.
- Кёз – сюйген джерде, къол – ауругъан джерде.
- Эки къатын алгъанны къулагъы тынгнгаймаз.
- Билим ат болуб да чабар, къуш болуб да учар.
- Махтаннган къыз, тойда джукълар.
- Ёпкелегенни ашы татлы болады.
- Ариу сёз – джаннга азыкъ, аман сёз – башха къазыкъ.
- Суугъа – таянма, джаугъа – ийнанма.
- Ишлерге уял да, ашаргъа табма.
- Борчунг бар эсе, хурджунунга ойлаб узал.
- Минг тенг да азды, бир джау да кёбдю.
- Кёл ашады да, кеси ашады.
- Бир онгсуз адам адет чыгъарды, деб эштирик тюлсе.
- Джахил болса анасы, не билликди баласы?
- Татлы сёз – балдан татлы.
- Мал тутхан – май джалар.
- Акъыллы – эл иеси, тели – эл баласы.
- Насыб бютеу халкъны юлюшюдю.
- Болджал ишни бёрю ашар.
- Атлыны кёрсе, джаяуну буту талыр.
- Босагъа таш юйге кирмей эди, тыбыр таш эшикге чыкъмай эди.
- Аууз сакълагъан – джан сакълар.
- Эки ойлашыб, бир сёлешген.
- Рысхы – насыбха къор.
- Чакъырылмагъан къонакъ – орунсуз.
- Ашлыкъ – бюртюкден, джюн – тюкден.
- Къартны бурнун сюрт да, оноугъа тут.
- Эм ашхы къайын ана мамукъ бла башынгы тешер.
- Биреуге аманлыкъны тилеме да, кесинге ашхылыкъны тиле.
- Къыз келсе, джумуш эте келеди, къатын келсе, ушакъ эте келеди.
- Къатын байлыкъны сюер, эр саулукъну сюер.
Ошибка!
Для просмотра темы введите ваши логин и пароль.Пожалуйста, авторизуйтесь: