- Бал чибинни ургъаны – ачы, балы – татлы.
- Кюлме джашха – келир башха.
- Ёзденликни кёбю ётюрюк.
- Кёб джат да, бек чаб.
- Аллахдан тилесенг, кёб тиле.
- Байлыкъ тауусулур, билим тауусулмаз.
- Къан бла кирген, джан бла чыгъар.
- Кёл ашады да, кеси ашады.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Гугурук къычырмаса да, тангны атары къалмаз.
- Уллу къашыкъ эрин джыртар.
- Кенгеш болса, уруш болмаз.
- Дуния аламаты сен эсенг да, игиме деб айтма.
- Юйлю уругъа ит чабмаз.
- Нёгерсизни джолу узун.
- Кёб ант этген, кёб ётюрюк айтыр.
- Къайтырыкъ эшигинги, къаты уруб чыкъма.
- Уллу айтханны этмеген – уллаймаз.
- Ишленмеклик адамлыкъды.
- Арыгъан къош чамчы болур.
- Насыб бютеу халкъны юлюшюдю.
- Адамны артындан къара сабан сюрме.
- Къар – келтирди, суу – элтди.
- «Ма», - дегенни билмесенг, «бер», - дегенни билмезсе.
- Кёзюнде тереги болгъан, чёбю болгъаннга кюле эди.
- Суу ичген шауданынга тюкюрме.
- Ишни ахырын ойламай, аллын башлама.
- Гыдай эчки суугъа къараб, мюйюзле кёрмесе, джашма алкъын, дегенди.
- Дженгил джетерикме деб, узун джолну къоюб, къысхасын барма.
- Адамны сыфатына къарама, сёзюне къара.
- Аман киши кеси юйюнде – къонакъ.
- Ёксюзню тилеги къабыл болур.
- Ашхы адам – халкъ байлыгъы, ашхы джер – джашау байлыгъы.
- Аш иеси бла татлыды.
- Акъдан къара болмаз.
- Кеси юйюмде мен да ханма.
- Айтылгъан сёз ызына къайтмаз.
- Ачыкъ джюрекге джол – ачыкъ.
- Орну джокъну – сыйы джокъ.
- Башынга джетмегенни сорма.
- Намысы болмагъанны, сыйы болмаз.
- Бек анасы джыламаз.
- Уллу атлама – абынырса, уллу къабма – къарылырса.
- Биреу ашаб къутулур, биреу джалаб тутулур.
- Акъыл къартда, джашда тюйюлдю – башдады.
- Ауузу аманнга «иги», деме.
- Тулпарлыкъ, билекден тюл – джюрекден.
- Хар ишни да аллы къыйынды.
- Эл тойса, тоймагъан, эл къойса, къоймагъан.
- Игиге айтсанг – билир, аманнга айтсанг – кюлюр.
Ошибка!
Для просмотра темы введите ваши логин и пароль.Пожалуйста, авторизуйтесь: