- Акъыл бла адеб эгизледиле.
- Арбаз къынгырды да, ийнек сауалмайма.
- Кёл ашады да, кеси ашады.
- Джырчы ёлсе, джыры къалыр.
- Аман киши кеси юйюнде – къонакъ.
- Ашхы болсанг, атынг чыгъар, аман болсанг, джанынг чыгъар.
- Нарт сёз – тилни бети.
- Терслик кетер, тюзлюк джетер.
- Адеб базарда сатылмаз.
- Джахил болса анасы, не билликди баласы?
- Ашхы – джыяр, аман – джояр.
- Кирсизни – саны таза, халалны – къаны таза.
- Джарашыу сюйген – джалынчакъ.
- Биреу ашаб къутулур, биреу джалаб тутулур.
- Кёзю сокъурдан – къоркъма, кёлю сокъурдан – къоркъ.
- Уллу айтханны этмеген – уллаймаз.
- Кёб къычыргъандан – къоркъма, тынч олтургъандан – къоркъ.
- Алгъанда – джууукъ, бергенде – джау.
- Къанны къан бла джуума, аманны аман бла къуума.
- Тойгъан джерге джети къайт.
- Суу ичген шауданынга тюкюрме.
- Ишленмеген джаш – джюгенсиз ат, ишленмеген къыз – тузсуз хант.
- Дуния малгъа сатылма, кесингден телиге къатылма.
- Къонакъ хазыр болгъанлыкъгъа, къонакъбай хазыр тюлдю.
- Сакъ юйюне сау барыр.
- Ариу сёз – джаннга азыкъ, аман сёз – башха къазыкъ.
- Ышармагъан – кюлмез, кюлмеген – къууанчны билмез.
- Тешик этген тынчды, аны джамагъан къыйынды.
- Биреуню тёрюнден, кесинги эшик артынг игиди.
- Къазанчы аман болса, къазаны къайнамаз.
- Айран ичген – къутулду, джугъусун джалагъан – тутулду.
- Ач къарным, тынч къулагъым.
- Аз сёлешген, къайгъысыз турур.
- Ётген ёмюр – акъгъан суу.
- Чакъырылмагъан къонакъ тёрге атламаз.
- Тюз сёз баргъан сууну тыяр.
- Кеси юйюмде мен да ханма.
- Келинин тута билмеген, къул этер, къызын тута билмеген, тул этер.
- Абынмазлыкъ аякъ джокъ, джангылмазлыкъ джаякъ джокъ.
- Сескекли кесин билдирир.
- Иесиз малны бёрю ашар.
- Уллу суу бла уллу ауруудан башынгы сакъла.
- Эллинг бла джау болсанг да, юйюнг бла джау болма.
- Юйюнгден чыкъдынг – кюнюнгден чыкъдынг.
- Ханнга да келеди хариблик.
- Чакъырылмагъан къонакъ – орунсуз.
- Ойнай билмеген, уруб къачар.
- Аууз сакълагъан – джан сакълар.
- Ашатыргъа иш – ашхы, ишлетирге аш – ашхы.
- Къатын байлыкъны сюер, эр саулукъну сюер.
Ошибка!
Для просмотра темы введите ваши логин и пароль.Пожалуйста, авторизуйтесь: