- Эли джокъну – кёлю джокъ.
- Къыз тиширыу кеси юйюнде да къонакъды.
- Ачлыкъ отха секиртир.
- Иги адамны бир сёзю эки болмаз.
- Суу да къайтады чыкъгъан джерине.
- Гыдай эчки суугъа къараб, мюйюзле кёрмесе, джашма алкъын, дегенди.
- Илму – джашауну джолу.
- Къумурсхала джыйылсала, пилни да джыгъадыла.
- Бёрю да ач къалмасын, эчки да ашалмасын.
- Кёпюр салгъан кеси ётер, уру къазгъан кеси кетер.
- Адам сёзге тынгыла, акъыл сёзню ангыла.
- Халкъны юйю – туугъан джери.
- Джукъу тёшек сайламайды.
- Эркишиге тары кебек танг кёрюнюр.
- Къарыусузгъа кюлме, онгсузгъа тийме.
- Ашын ашагъанынгы, башын да сыйла.
- Кёб джашагъан – кёб билир.
- Тамчы таш тешер.
- Агъач халкъгъа алтынды, иссиликге салкъынды.
- Акъыл сабырлыкъ берир.
- Келлик заман – къартлыкъ келтирир, кетген заман – джашлыкъ ёлтюрюр.
- Кийим тукъум сордурур.
- Тюзлюк шохлукъну бегитир.
- Джарлыны тону джаз битер.
- Намыс болмагъан джерде, насыб болмаз.
- Тик ёргени, тик энгишгеси да болады.
- Джуртун къоругъан озар.
- Окъугъанны бети джарыкъ.
- Айранны сюйген, ийнек тутар.
- Аманны къуугъан, аманлыкъ табар.
- Алтыннга тот къонмаз.
- Керек ташны ауурлугъу джокъ.
- Тешигини къатында, чычхан да батыр болур.
- Чалманны аллы къалай башланса, арты да алай барады.
- Кюн кёрмеген, кюн кёрсе, кюндюз чыракъ джандырыр.
- Башы джабылгъан челекге, кир тюшмез.
- Ишни ахырын ойламай, аллын башлама.
- Сёлеш деб шай берген, тохта деб, сом берген.
- Кесинге джетмегенни, кёб сёлешме.
- Билмезни кёзю кёрмез, этмезни къулагъы эшитмез.
- Джетген къыз джерли эшекни танымаз.
- Сёз сёзню айтдырыр.
- Баш – акъыл ючюн, акъылман – халкъ ючюн.
- Сыфатында болмагъаны, суратында болмаз.
- Аман хансны – урлугъу кёб.
- Бети къызарыучу адамны, джюреги харам болмаз.
- Ат басханны джер билед.
- Билим – акъылны чырагъы.
- Джырчы джырчыгъа – къарнаш.
- Аджаллыгъа окъсуз шкок атылыр.
Ошибка!
Для просмотра темы введите ваши логин и пароль.Пожалуйста, авторизуйтесь: