- Ариу сёз – къылычдан джити.
- Билмейме деген – бир сёз
- Бичгенде ашыкъма, тикгенде ашыкъ.
- Джылыгъа джылан илешир.
- Джарашыу сюйген – джалынчакъ.
- Сакъ юйюне сау барыр.
- Аджашханны ызындагъы кёреди, джангылгъанны джанындагъы биледи.
- Сёз садакъдан кючлюдю.
- Башланнган иш битер, къымылдагъан тиш тюшер.
- Къонакъны къачан кетерин сорма, къачан келлигин сор.
- Ауругъан – джашаудан умутчу.
- Игиге айтсанг – билир, аманнга айтсанг – кюлюр.
- Ётюрюк хапар аякъ тюбю бла джюрюйдю.
- Джангыз торгъай джырламаз.
- Ашхы сёз таш тешер.
- Бир абыннган – минг сюрюнюр.
- Мени джылытмагъан кюн, меннге тиймесин!
- Эрни эр этерик да, къара джер этерик да, тиширыуду.
- Дууулдаса – бал чибин, къонса – къара чибин.
- Кёб къычыргъандан – къоркъма, тынч олтургъандан – къоркъ.
- Тай асырагъан, атха минер.
- Ашлыкъны арба юйге келтирир, чана базаргъа элтир.
- Сыфатында болмагъаны, суратында болмаз.
- Ханнга да келеди хариблик.
- Джуртун къоругъан озар.
- Ёксюзню тилеги къабыл болур.
- Кенгеш болса, уруш болмаз.
- Чабакъгъа акъыл, табагъа тюшсе келеди.
- Босагъа таш юйге кирмей эди, тыбыр таш эшикге чыкъмай эди.
- Насыб бютеу халкъны юлюшюдю.
- Ёзденликни джайгъан – джокълукъ.
- Ёлген ийнек сютлю болур.
- Акъыл неден да кючлюдю.
- Аман адам этегингден тутса, кес да къач.
- Ёгюзню мюйюзюнден тутадыла, адамны сёзюнден тутадыла.
- Ата – билек, ана – джюрек!
- Мухардан ач ычхынмаз.
- Бал чибинни ургъаны – ачы, балы – татлы.
- От кюйдюрген, сау болса да, тот кюйдюрген, сау болмаз.
- Аурууну келиую тынч, кетиую – къыйын.
- Ач – эснер, ат – кишнер.
- Акъыллы – эл иеси, тели – эл баласы.
- Джахил болса анасы, не билликди баласы?
- Джыйырма къойну юч джыйырма эбзе кюте эди.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Хаухну атма, ёнгкючню сатма.
- Сормай – алма, чакъырылмай – барма.
- Дуния малгъа сатылма, кесингден телиге къатылма.
- Къонакъ аз олтурур, кёб сынар.
- Аман киши кеси юйюнде – къонакъ.
Ошибка!
Для просмотра темы введите ваши логин и пароль.Пожалуйста, авторизуйтесь: