- Тойгъандан сора, ашны сёкме.
- Ач бёрюге мекям джокъ.
- Джангыз торгъай джырламаз.
- Биреуге аманлыкъ этиб, кесинге игилик табмазса.
- Нарт сёз – тилни бети.
- Айырылмаз джууугъунга, унутмаз сёзню айтма.
- Башда акъыл болмаса, эки аякъгъа кюч джетер.
- Ачлыкъ отха секиртир.
- Кесинге джетмегенни, кёб сёлешме.
- Нарт сёз къарт болмаз.
- Къыз келсе, джумуш эте келеди, къатын келсе, ушакъ эте келеди.
- Джарлы джети элни сёзюн этер.
- Адамны артындан къара сабан сюрме.
- Эл бла кёргенинг эрелей.
- Чакъырылгъанны аты, чакъырылмагъанны багъасы болур.
- Адам сёзюнден белгили.
- Адеб джокъда, намыс джокъ.
- Бермеген къол, алмайды.
- Тилде сюек болмаса да, сюек сындырыр.
- Сакъламагъан затынга джолукъсанг, не бек къууанаса, не бек ачыйса.
- Уруну арты – къуру.
- Къатын къылыкъсыз, эр тынчлыкъсыз.
- Экеу тутушса, биреу джыгъылыр.
- Джюз элде джюз ёгюзюм болгъандан эсе, джюз джууугъум болсун.
- Акъыл аздырмаз, билим тоздурмаз.
- Халкъны юйю – туугъан джери.
- Эки къатын алгъанны къулагъы тынгнгаймаз.
- Ачлыкъда тары гырджын халыуадан татлы.
- Джюрек кёзден алгъа кёрюр.
- Адеб базарда сатылмаз.
- Къонакъ аз олтурур, кёб сынар.
- Къумурсхала джыйылсала, пилни да джыгъадыла.
- Чабакъгъа акъыл, табагъа тюшсе келеди.
- Джылкъыдан – ат чыгъар, тукъумдан – джаш чыгъар.
- Эл ауузу – элек, анга ийнаннган – халек.
- Дуния мал дунияда къалады.
- Биреуню къыйынлыгъы бла кесинге джол ишлеме.
- Мадар болса, къадар болур.
- Билгенни къолу къарны джандырыр.
- Насыб бютеу халкъны юлюшюдю.
- Олтуруб кёрюнмей эди да, ёрге туруб кёрюне эди.
- Тенги кёбню джау алмаз, акъылы кёбню дау алмаз.
- Билеги кючлю, бирни джыгъар, билими кючлю, мингни джыгъар.
- Келлик заман – къартлыкъ келтирир, кетген заман – джашлыкъ ёлтюрюр.
- Ойнай-ойнай кёз чыгъар.
- Тамырсыз терекге таянма – джыгъылырса.
- Тюз сёз баргъан сууну тыяр.
- Биреуню эскиси биреуге джангы болмайды.
- Бети бедерден, намыс сакълама.
- Чыбыкълыкъда бюгюлмеген, къазыкълыкъда бюгюлмей эди.
Ошибка!
Для просмотра темы введите ваши логин и пароль.Пожалуйста, авторизуйтесь: