- Акъыл бла адеб эгизледиле.
- Джюрекге ариу – кёзге да ариу.
- Тура эдим джата, къайдан чыкъды хата?
- Эки элинги тыйсанг, джети элде махталырса.
- Сакъламагъан затынга джолукъсанг, не бек къууанаса, не бек ачыйса.
- Тюзню ётмеги тюзде къалса да, тас болмаз.
- Джукъу тёшек сайламайды.
- Къызгъанчдан ычхыныр, мухардан ычхынмаз.
- Байдан умут эте, джарлыдан ёгюз багъасы къорады.
- Адамны артындан къара сабан сюрме.
- Тойгъанлыкъ къойгъа джарашады.
- Чомартны къолун джокълукъ байлар.
- Эринчекни эр алмаз, эр алса да, кёл салмаз, кёл салса да, кёб бармаз!
- Ишин билген, аны сыйын чыгъарады.
- Джахил болса анасы, не билликди баласы?
- Ёмюрлюк шохлукъну джел элтмез.
- Иги адамны бир сёзю эки болмаз.
- Акъыл сабырлыкъ берир.
- Чомарт къолда мал къалмаз.
- Сагъышы джокъ – джукъучу, акъылы джокъ – къаугъачы.
- Тынгылагъан тынгы бузар.
- Джаз бир кюнню джатсанг, къыш талай кюнню абынырса.
- Ач отунчуну ачыуу – бурнунда.
- Aдам боллукъ, сыфатындан белгили.
- Акъыллы эркиши атын махтар, акъылсыз эркиши къатынын махтар.
- Термилгенинги табмазса, кюлгенинге тюберсе.
- Дуния аламаты сен эсенг да, игиме деб айтма.
- Аман адам элни бир-бирине джау этер.
- Ат басханны джер билед.
- Иши джокъну, сыйы джокъ.
- Акъыллы башны – тили къысха.
- Къошда джокъгъа – юлюш джокъ.
- Хоншуну тауугъу къаз кёрюнюр, келини къыз кёрюнюр.
- Акъылсызны джууукъгъа алма, акъыллыны кенгнге салма.
- Байлыкъ тауусулур, билим тауусулмаз.
- Биреуге кёлтюрген таягъынг, кесинги башынга урур.
- Ач уят къоймаз.
- Этни да ашады, бетни да ашады.
- Акъыл аздырмаз, билим тоздурмаз.
- Байлыкъ адамны сокъур этер.
- Эркишиге тары кебек танг кёрюнюр.
- Бир абыннган – минг сюрюнюр.
- Бал ашаргъа сюе эсенг, чибин ургъаннга тёз.
- Къонакъ кёб келюучю юйню, къазаны отдан тюшмез.
- Билмейме деген – бир сёз
- Кесинге джетмегенни, кёб сёлешме.
- Ургъан суудан башынгы сакъла.
- Тик ёргени, тик энгишгеси да болады.
- Алтыда кюлмеген, алтмышда кюлмез.
- Сёз – кюмюш, джыр – алтын.
Ошибка!
Для просмотра темы введите ваши логин и пароль.Пожалуйста, авторизуйтесь: