- Ана къойну – балагъа джандет.
- Аууздан келген, къолдан келсе, ким да патчах болур эди.
- Асхат ашлыкъ сата, юйдегиси ачдан къата.
- Алтыда кюлмеген, алтмышда кюлмез.
- Аман къатын алгъан, арыр, иги къатын алгъан джарыр.
- Аджаллыгъа окъсуз шкок атылыр.
- Юй кюйдю да, кюйюз чыкъды, ортасындан тюйюш чыкъды.
- Иги сеники эсе да, сюйген кесимикин этеме.
- Къыйынлы джети элни къайгъысын этер.
- Ёмюрлюк шохлукъну джел элтмез.
- Бал ашаргъа сюе эсенг, чибин ургъаннга тёз.
- Тойгъа алгъа да барма, тойда артха да къалма.
- Билген билмегенни юретген адетди.
- Босагъагъа джууукъ орун болса, ашыгъыб тёрге озма.
- Къонакъ кёб келюучю юйню, къазаны отдан тюшмез.
- Къарнынг къанлынга кийирир.
- Адамны сабийин сюйген джюреги, бычакъча, джитиди.
- Адамгъа аман кюн соруб келмейди.
- Уллу сёзде уят джокъ.
- Джумушакъ терекни къурт ашар.
- Ашын ашагъанынгы, башын да сыйла.
- Иги адамны бир сёзю эки болмаз.
- Аман адам элни бир-бирине джау этер.
- Башда акъыл болмаса, эки аякъгъа кюч джетер.
- Ашлыкъны арба юйге келтирир, чана базаргъа элтир.
- Акъыл бла адеб эгизледиле.
- Орундукъ тюбюнде атылсам да, орта джиликме, де да айлан.
- Бек анасы джыламаз.
- Къошда джокъгъа – юлюш джокъ.
- Кёкдеги болмаса, джердегин кёрмейди.
- Адамны сыфатына къарама, сёзюне къара.
- Атлыны ашхысы, ат тизгининден билинир
- Къарнынг ауруса, ауузунгу тый
- Башсыз урчукъ тюзюне айланмаз.
- Тилчиден кери бол.
- Эркишини аманы тиширыуну джылатыр.
- Насыблы элин сюер, насыбсыз кесин сюер.
- Джашлыкъ этмеген, башлыкъ этмез.
- Гугурук къычырмаса да, тангны атары къалмаз.
- Ата – билек, ана – джюрек!
- Сабий кёргенин унутмаз.
- Аманнга игилик этсенг, юйюнге сау бармазса.
- Эркишиге тары кебек танг кёрюнюр.
- Борчунг бар эсе, хурджунунга ойлаб узал.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Ашыкъгъанны этеги бутуна чырмалыр.
- Бал чибинни ургъаны – ачы, балы – татлы.
- Чомарт къонакъ юй иесин сыйлар.
- Эки къатын алгъанны къулагъы тынгнгаймаз.
- Ёзденликни джайгъан – джокълукъ.
Ошибка!
Для просмотра темы введите ваши логин и пароль.Пожалуйста, авторизуйтесь: