- Биреуню тёрюнден, кесинги эшик артынг игиди.
- Джарлы эскисин джамаса, къууаныр.
- Тиширыусуз юй – отсуз от джагъа.
- Эли джокъну – кёлю джокъ.
- Тойгъа барсанг, тоюб бар, эски тонунгу къоюб бар.
- Атлыны ашхысы, ат тизгининден билинир
- Борчунг бар эсе, хурджунунга ойлаб узал.
- Кюн – узун, ёмюр – къысха.
- Баргъанынга кёре болур келгенинг.
- Арбаз къынгырды да, ийнек сауалмайма.
- Ашхы – джыяр, аман – джояр.
- Джигер – джаннга къыйынлыкъ.
- Ачылгъан эт джабылыр, кёрген кёз унутмаз.
- Ачны эсинде – аш.
- Эки итни арасына сюек атма, эки адамны арасында сёз чыгъарма.
- Хоншуну тауугъу къаз кёрюнюр, келини къыз кёрюнюр.
- Тёрдеги кюлсе, эшикдеги ышарыр.
- Джумушакъ терекни къурт ашар.
- Тынгылагъан тынгы бузар.
- Джыланны къуйругъундан басарынг келсе, аны башы болгъанын унутма.
- Аз айтсам, кёб ангылагъыз.
- Насыб бютеу халкъны юлюшюдю.
- Кюн кёрмеген, кюн кёрсе, кюндюз чыракъ джандырыр.
- Иши джокъну, сыйы джокъ.
- Ашына кёре табагъы, балына кёре къалагъы.
- Аман киши кеси юйюнде – къонакъ.
- Уллу сёзде уят джокъ.
- Къуллукъчума, деб махтанма, къуллукъ – хаух джамчыды!
- Ётген ёмюр – акъгъан суу.
- Адебни адебсизден юрен.
- Бермеген къол, алмайды.
- Бек анасы джыламаз.
- Артына баргъанны, къатына барма.
- Къарын къуру болса, джюрек уру болур.
- Кимни – тили, тиши онглу, кимни – къолу, иши онглу.
- Айыбны суу бла джууалмазса.
- Джюрекге ариу – кёзге да ариу.
- Сабийликде юретмесенг, уллу болса – тюзелмез.
- Эри аманны, къатыны – аман.
- Къонакъ хазыр болгъанлыкъгъа, къонакъбай хазыр тюлдю.
- Эте билген, этген этеди, эте билмеген, юретген этеди!
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Билимден уллу байлыкъ джокъду.
- Ашхы сёз таш тешер.
- Кесине оноу эте билмеген, халкъына да эте билмез.
- Билмезни кёзю кёрмез, этмезни къулагъы эшитмез.
- Джаным-тиним – окъуу, билим.
- Джылкъыдан – ат чыгъар, тукъумдан – джаш чыгъар.
- Садакъачыны джаны – къапчыгъында.
- Ёнгкюч къууана барыр, джылай келир.
Ошибка!
Для просмотра темы введите ваши логин и пароль.Пожалуйста, авторизуйтесь: