- Уясында не кёрсе, учханында аны этер.
- Оюмсуз атлагъан, аджалсыз ёлюр.
- Къарны аманнга къазан такъдырма, къолу аманнга от джакъдырма.
- Байны оноуу, джарлыгъа джарамаз.
- Эркишиге тары кебек танг кёрюнюр.
- Аджал соруб келмез, келсе, къайтыб кетмез.
- Элге къуллукъ этмеген, элге ие болмаз.
- Мухар, кеси тойса да, кёзю тоймаз.
- Тил – миллетни джаны.
- Иги сеники эсе да, сюйген кесимикин этеме.
- Чабакъгъа акъыл, табагъа тюшсе келеди.
- Джашлыкъ этмеген, башлыкъ этмез.
- Эринчекге кюн узун.
- Кимни – тили, тиши онглу, кимни – къолу, иши онглу.
- Сакъ юйюне сау барыр.
- Акъыллы башны – тили къысха.
- Кёлсюзден сёзсюз тууар.
- Адамны аты башхача, акъылы да башхады.
- Аз сёлеш, кёб ишле.
- Ушамагъан – джукъмаз.
- Тёзгеннге, джабылгъан эшик ачылыр.
- Ач уят къоймаз.
- Аш кетер да бет къалыр.
- Айырылгъанланы айю ашар, бёлюннгенлени бёрю ашар.
- Айран тёгюлсе, джугъусу къалыр.
- Аууз сакълагъан – джан сакълар.
- Джаш болсун, къыз болсун, акъылы, саны тюз болсун.
- Къатын байлыкъны сюер, эр саулукъну сюер.
- Рысхы – насыбха къор.
- Билмезни кёзю кёрмез, этмезни къулагъы эшитмез.
- Ашыкъгъанны этеги бутуна чырмалыр.
- Зар адамны насыбы болмаз.
- Аш берме да, къаш бер.
- Байлыкъ тауусулур, билим тауусулмаз.
- Асхат ашлыкъ сата, юйдегиси ачдан къата.
- Чарсда алчыны эл кёреди.
- Телиге акъыл салгъандан эсе, ёлгеннге джан салырса.
- Къан бла кирген, джан бла чыгъар.
- Джырчы ёлсе, джыры къалыр.
- Джолда аягъынга сакъ бол, ушакъда тилинге сакъ бол.
- Бетинги сатма, малынгы сат.
- Дуния малгъа сатылма, кесингден телиге къатылма.
- Тёгюлген тюгел джыйылмайды.
- Къарнынг тойгъунчу аша да, белинг талгъынчы ишле.
- Этни бети бла шорпасы.
- Кёзю сокъурдан – къоркъма, кёлю сокъурдан – къоркъ.
- Билимден уллу байлыкъ джокъду.
- Биреуге кёлтюрген таягъынг, кесинги башынга урур.
- Къозулугъунда тоймагъан, къойлугъунда тоймаз.
- Джарлы тюеге минсе да, ит къабар.
Ошибка!
Для просмотра темы введите ваши логин и пароль.Пожалуйста, авторизуйтесь: