- Джерни букъусу кёкге къонмаз.
- Хар зат кесини орнуна иги.
- Эки къатын алгъанны къулагъы тынгнгаймаз.
- Кийимни бичсенг, кенг бич, тар этген къыйын тюлдю.
- Магъанасыз сёз – тауушсуз сыбызгъы.
- Уллу суу бла уллу ауруудан башынгы сакъла.
- Иги адамны бир сёзю эки болмаз.
- Соргъан айыб тюлдю, билмеген айыбды.
- Бойнуму джети джерден кессенг да, мен ол ишни этеллик тюлме.
- Тыш элде солтан болгъандан эсе, кесинги элде олтан болгъан игиди!
- Оюмсуз атлагъан, аджалсыз ёлюр.
- Ана – юйню кюн джарыгъы.
- Кюлме джашха – келир башха.
- Чакъырылгъанны аты, чакъырылмагъанны багъасы болур.
- Окъугъан – асыу, окъумагъан – джарсыу.
- Эрни эр этерик да, къара джер этерик да, тиширыуду.
- Ашына кёре табагъы, балына кёре къалагъы.
- Айырылгъанланы айю ашар, бёлюннгенлени бёрю ашар.
- Ашда уялгъан – мухар, ишде уялгъан – хомух.
- Аман эсирсе, юйюн ояр.
- Къазанны башы ачыкъ болса, итге уят керекди.
- Эркиши – от, тиширыу – суу.
- Тау башында, тау болмаз, джангыз терек, бау болмаз.
- Ач отунчуну ачыуу – бурнунда.
- Кесинг сынамагъан затны, адамгъа буюрма.
- Кютгени беш эчки, сызгъыргъаны уа, джерни джарады.
- Ачлыкъда тары гырджын халыуадан татлы.
- Кёб къычыргъандан – къоркъма, тынч олтургъандан – къоркъ.
- Ишлемеген – тишлемез.
- Тамчы таш тешер.
- Телиге акъыл салгъандан эсе, ёлгеннге джан салырса.
- Тешигини къатында, чычхан да батыр болур.
- Керти сёзге тёре джокъ.
- Къонагъынгы артмагъын алма да, алгъышын ал.
- Ёксюзню къалачы уллу кёрюнюр.
- Джаш болсун, къыз болсун, акъылы, саны тюз болсун.
- Азыкъ аз болса, эртде орун сал.
- Къар – келтирди, суу – элтди.
- Тиширыусуз юй – отсуз от джагъа.
- Къошда джокъгъа – юлюш джокъ.
- Келгинчи, къонакъ уялыр, келгенден сора, къонакъбай уялыр.
- Къарнынг тойгъунчу аша да, белинг талгъынчы ишле.
- Суугъа – чабакъ, къаягъа – ыргъакъ.
- Ким бла джюрюсенг, аны кёзю бла кёрюнюрсе.
- Тойгъан джерден туугъан джер игиди.
- Ачлыкъ отха секиртир.
- Къарт айтханны этмеген, къартаймаз.
- Джашлыкъ этмеген, башлыкъ этмез.
- Чыкълы кюнде чыкъмагъан, чыкъса къуру кирмеген.
- Азыкълы ат арымаз, къатыны аман джарымаз.
Ошибка!
Для просмотра темы введите ваши логин и пароль.Пожалуйста, авторизуйтесь: