- Элде адам къалмаса, ит тахтагъа минер.
- Биреуге аманлыкъ этиб, кесинге игилик табмазса.
- Ашхы атаны – джашы ашхы, ашхы ананы – къызы ашхы.
- Ёзденликни джайгъан – джокълукъ.
- Къызгъанчдан ычхыныр, мухардан ычхынмаз.
- Баргъанынга кёре болур келгенинг.
- Билим къая тешер.
- Ёлген аслан – сау чычхан.
- Ойнай-ойнай кёз чыгъар.
- Намыс сатылыб алынмайды.
- Акъыл къартда, джашда тюйюлдю – башдады.
- Биреуге аманлыкъны тилеме да, кесинге ашхылыкъны тиле.
- Тёрде – темир таякълы, къаяда – чыпчыкъ аякълы.
- Эки къатын алгъан – эки ташны ортасына башын салгъан.
- Къайгъыны сюйген, къайгъы табар.
- Джангыз торгъай джырламаз.
- Нарт сёз – тилни бети.
- Акъыллы эркиши атын махтар, акъылсыз эркиши къатынын махтар.
- Душманны тышы – акъ, ичи – къара.
- Окъумагъан сокъурду, сокъур ташха абыныр!
- Суу да къайтады чыкъгъан джерине.
- Ач – эснер, ат – кишнер.
- Джашынгы кесинг юретмесенг, джашау юретир.
- Акъылсызны джууукъгъа алма, акъыллыны кенгнге салма.
- Башсыз урчукъ тюзюне айланмаз.
- Кенгеш болса, уруш болмаз.
- Кюл тюбюндеги от кёрюнмейди.
- Келинни – келгинчи, бёркню кийгинчи кёр.
- Ата Джуртча джер болмаз, туугъан элча эл болмаз.
- Байлыкъ болгъан джерде, тынчлыкъ джокъду.
- Къыйынлы джети элге оноу этер.
- Ойнай билмеген, оюн бузар.
- Адебсиз адам – джюгенсиз ат.
- Сёз сёзню айтдырыр.
- Ауругъан – джашаудан умутчу.
- Хазыр ашха – терен къашыкъ.
- Аманны эки битли тону болур, бирин сеннге кийдирир, бирин кеси киер.
- Джеринден айырылгъан – джети джылар, джуртундан айырылгъан – ёлгюнчю джылар.
- Джюрекден джюрекге джол барды.
- Адамны адамлыгъы къыйынлыкъда айгъакъланады.
- Тили узунну, намысы – къысха.
- Тамчы таш тешер.
- Ашына кёре табагъы, балына кёре къалагъы.
- Къая джолда джортма, ачыкъ сёзден къоркъма.
- Айыбны суу бла джууалмазса.
- Ёзденликни кёбю ётюрюк.
- Къарны аманнга къазан такъдырма, къолу аманнга от джакъдырма.
- Кёзю сокъурдан – къоркъма, кёлю сокъурдан – къоркъ.
- Эте билген, этген этеди, эте билмеген, юретген этеди!
- Адеби болмагъан къыз – тузсуз хант.
Ошибка!
Для просмотра темы введите ваши логин и пароль.Пожалуйста, авторизуйтесь: