- Суу кетер, таш къалыр.
- Намысы джокъну – дуниясы джокъ.
- Ишни аллы бла къууанма да, арты бла къууан.
- Джарлыны эшигин махтагъан джабар.
- Аууз сакълагъан – джан сакълар.
- Биреу къой излей, биреу той излей.
- Таукелге нюр джауар.
- Аманны къуугъан, аманлыкъ табар.
- Къуллукъчума, деб махтанма, къуллукъ – хаух джамчыды!
- Чабакъсыз кёлге къармакъ салгъанлыкъгъа, чабакъ тутмазса.
- Иги болса, тамадама – махтау, аман болса, меннге – айыб.
- Тамбла алтындан бюгюн багъыр ашхы.
- Аджашханны ызындагъы кёреди, джангылгъанны джанындагъы биледи.
- Ишлегенден, къарагъан уста.
- Тин – байлыгъынг, терен саулугъунг.
- Тели турса – той бузар.
- Башсыз урчукъ тюзюне айланмаз.
- Сибиртки да сыйлы болду, кюрек да кюнлю болду.
- Ёнгкюч къууана барыр, джылай келир.
- Малны кют, джерни тюрт.
- Чёбню кёлтюрсенг, тюбюнден сёз чыгъар.
- Татлы тилде – сёз ариу, чемер къолда – иш ариу.
- Тешик этген тынчды, аны джамагъан къыйынды.
- Адамны адамлыгъы къыйынлыкъда айгъакъланады.
- Эр сокъур болсун, къатын тилсиз болсун.
- Аджал соруб келмез, келсе, къайтыб кетмез.
- Биреу ашаб къутулур, биреу джалаб тутулур.
- Биреуню тёрюнден, кесинги эшик артынг игиди.
- Ётген ёмюр – акъгъан суу.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Къалгъан ишге къар джауар.
- Къонагъынгы артмагъын алма да, алгъышын ал.
- Тойгъанлыкъ къойгъа джарашады.
- Ач, тоймам, дейди, тойгъан, ач болмам, дейди.
- Ишленмеклик адамлыкъды.
- Ач – эснер, ат – кишнер.
- Къолунгдан къуймакъ ашатсанг да, атаны борчундан къутулмазса.
- Тойгъан джерден туугъан джер игиди.
- Къайгъыны сюйген, къайгъы табар.
- Окъугъанны бети джарыкъ.
- Хар ишни да аллы къыйынды.
- Ариу – кёзге, акъыл – джюрекге.
- Джерни букъусу кёкге къонмаз.
- Къобан да къуру да къобханлай турмайды, адам да къуру да патчахлай турмайды.
- Кийимни бир кюнню аясанг, минг кюннге джарар.
- Иги сеники эсе да, сюйген кесимикин этеме.
- Кесине оноу эте билмеген, халкъына да эте билмез.
- Ханнга да келеди хариблик.
- Адамгъа аман кюн соруб келмейди.
- Ётюрюкню къуйругъу – бир тутум.
Ошибка!
Для просмотра темы введите ваши логин и пароль.Пожалуйста, авторизуйтесь: