- Ашына кёре табагъы, балына кёре къалагъы.
- Аз сёлешген, къайгъысыз турур.
- Этек чакъмакълары баш джаргъан, сёлешген сёзлери таш джаргъан.
- Дженгил джетерикме деб, узун джолну къоюб, къысхасын барма.
- Эл ауузу – элия.
- Ариу сёз – джаннга азыкъ, аман сёз – башха къазыкъ.
- Айырылмаз джууугъунга, унутмаз сёзню айтма.
- Суу кетер, таш къалыр.
- Насыблы элин сюер, насыбсыз кесин сюер.
- Эринчекни эр алмаз, эр алса да, кёл салмаз, кёл салса да, кёб бармаз!
- Ашхы – джыяр, аман – джояр.
- Мен да «сен», дейме, сен да «кесим», дейсе.
- Ойнай билмеген, оюн бузар.
- Айыбны суу бла джууалмазса.
- Адам къаллай бир ишленмесе, аллай бир кесин уллу кёреди.
- Эли джокъну – кёлю джокъ.
- Ата джурт – алтын бешик.
- Сагъыш – къартлыкъгъа сюйюмчю.
- Аман къатын сабий табса, бий болур…
- Адамны сыфатына къарама, сёзюне къара.
- Атлыны ашхысы, ат тизгининден билинир
- Аз айтсам, кёб ангылагъыз.
- Чомартха Тейри да борчлуду.
- Ашатыргъа иш – ашхы, ишлетирге аш – ашхы.
- Аш кетер да бет къалыр.
- Юйюнг бла джау болгъандан эсе, элинг бла джау бол.
- Тил джюрекге джол ишлейди.
- Бёрю да ач къалмасын, эчки да ашалмасын.
- Джашлыкъ этмеген, башлыкъ этмез.
- Сёлеш деб шай берген, тохта деб, сом берген.
- Келинин тута билмеген, къул этер, къызын тута билмеген, тул этер.
- Къыйынлы джети элни къайгъысын этер.
- Насыб бютеу халкъны юлюшюдю.
- Бети къызарыучу адамны, джюреги харам болмаз.
- Аурууну келиую тынч, кетиую – къыйын.
- Кесинг сынамагъан затны, адамгъа буюрма.
- Кёлю джокъну – джолу джокъ.
- Ауузу аманнга «иги», деме.
- Джаш къарыу бла кючлю, къарт акъыл бла кючлю.
- Джол бла сёзню къыйыры джокъ.
- Таула не мийик болсала да, аууш табылыр.
- Кимни – тили, тиши онглу, кимни – къолу, иши онглу.
- Ёлген эшек бёрюден къоркъмайды.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Иги – алгъыш этер, аман – къаргъыш этер.
- Халкъны юйю – туугъан джери.
- Нарт сёз къарт болмаз.
- Чарсда алчыны эл кёреди.
- Телиге акъыл салгъандан эсе, ёлгеннге джан салырса.
- Билимден уллу байлыкъ джокъду.
Ошибка!
Для просмотра темы введите ваши логин и пароль.Пожалуйста, авторизуйтесь: