- Джумушакъ терекни къурт ашар.
- Къайгъы тюбю – тенгиз.
- Тил бла келеди джыр да.
- Элге къуллукъ этмеген, элге ие болмаз.
- Тулпарлыкъ, билекден тюл – джюрекден.
- Накъырданы арты керти болур.
- Ёгюзню мюйюзюнден тутадыла, адамны сёзюнден тутадыла.
- Кесинге джетмегенни, кёб сёлешме.
- Аман къатын алгъан, арыр, иги къатын алгъан джарыр.
- Айырылмаз джууугъунга, унутмаз сёзню айтма.
- Къыз келсе, джумуш эте келеди, къатын келсе, ушакъ эте келеди.
- Ёлюк кебинсиз къалмаз.
- Уруну арты – къуру.
- Ёзденликни джайгъан – джокълукъ.
- Сютню башын джалагъан къутулур, тюбюн ичген тутулур.
- Къралынгы – душмандан, башынгы от бла суудан сакъла.
- Ёлген ийнек сютлю болур.
- Къартны бурнун сюрт да, оноугъа тут.
- Эринчекни эр алмаз, эр алса да, кёл салмаз, кёл салса да, кёб бармаз!
- Ауругъанны сау билмез, ач къарынны токъ билмез.
- Адеби болмагъан къыз – тузсуз хант.
- Дуния малгъа сатылма, кесингден телиге къатылма.
- Байлыкъдан саулукъ ашхыды.
- Кёб ант этген, кёб ётюрюк айтыр.
- Этим кетсе да, сюегим къалыр.
- Юре билмеген ит, къонакъ келтирир.
- Чомартха хар кюн да байрамды.
- Акъыл бла адеб эгизледиле.
- Ойнай билмеген, уруб къачар.
- Махтаннган къыз, тойда джукълар.
- Бермеген къол, алмайды.
- Ханнга да келеди хариблик.
- Иги сёз – джаннга азыкъ, аман сёз башха – къазыкъ.
- Тойгъа барсанг, тоюб бар, эски тонунгу къоюб бар.
- Бозанг болмагъан джерге, къалагъынгы сукъма.
- Таякъ этден ётер, тил сюекден ётер.
- Адам сёзюнден белгили.
- Сёз садакъдан кючлюдю.
- Кёкдеги болмаса, джердегин кёрмейди.
- Хатерли къул болур.
- Адамны артындан къара сабан сюрме.
- Ёлген эшек бёрюден къоркъмайды.
- Билеги кючлю, бирни джыгъар, билими кючлю, мингни джыгъар.
- Арбаз сайлама да, хоншу сайла.
- Къарнынг бла ёч алма.
- Адам туугъан джеринде, ит тойгъан джеринде.
- Бет бетге къараса, бет да джерге къарар.
- Ашхы сёз таш тешер.
- Эм уллу байлыкъ – джан саулукъ.
- Ёзденликни кёбю ётюрюк.
Ошибка!
Для просмотра темы введите ваши логин и пароль.Пожалуйста, авторизуйтесь: