- Ауругъан – джашаудан умутчу.
- Нафысынгы айтханын этме, намысынгы айтханын эт.
- Джети тилни билген джети кишиди.
- Тиширыусуз юй – отсуз от джагъа.
- Къолу уллу – асыу, аягъы уллу – джарсыу.
- Ата – билек, ана – джюрек!
- Ана – юйню кюн джарыгъы.
- Босагъагъа джууукъ орун болса, ашыгъыб тёрге озма.
- Ата Джуртча джер болмаз, туугъан элча эл болмаз.
- Кесине оноу эте билмеген, халкъына да эте билмез.
- Ётюрюк хапар аякъ тюбю бла джюрюйдю.
- Акъыллы айтыр эди, акъылсыз къоймайды.
- Тешик этген тынчды, аны джамагъан къыйынды.
- Aдам боллукъ, сыфатындан белгили.
- Билмезни кёзю кёрмез, этмезни къулагъы эшитмез.
- Билим насыб берир, билим джолну керир.
- Ишлемеген – тишлемез.
- Ёлюк кебинсиз къалмаз.
- Къайтырыкъ эшигинги, къаты уруб чыкъма.
- Алгъанда – джууукъ, бергенде – джау.
- Къазанчы аман болса, къазаны къайнамаз.
- Сакъ юйюне сау барыр.
- Ашыкъгъан cуу, тенгизге джетмез.
- Бойнуму джети джерден кессенг да, мен ол ишни этеллик тюлме.
- Къатын къылыкъсыз, эр тынчлыкъсыз.
- Рысхы джалгъанды: келген да этер, кетген да этер.
- Ашхы атаны – джашы ашхы, ашхы ананы – къызы ашхы.
- Соргъан айыб тюлдю, билмеген айыбды.
- Оюмсуз атлагъан, аджалсыз ёлюр.
- Экеу тутушса, биреу джыгъылыр.
- Тыш элде солтан болгъандан эсе, кесинги элде олтан болгъан игиди!
- Сабыр джетер муратха, сабырсыз къалыр уятха.
- Къозулугъунда тоймагъан, къойлугъунда тоймаз.
- Билим къая тешер.
- Байма, деб да, къууанма, джарлыма, деб да, джылама.
- Кесинг сынамагъан затны, адамгъа буюрма.
- Мураты болгъанны джюрек тебюую башхады.
- Ач, тоймам, дейди, тойгъан, ач болмам, дейди.
- Уллу сёлешме да, уллу къаб.
- Тойгъа барсанг, тоюб бар, эски тонунгу къоюб бар.
- Ашаса, ашамаса да, бёрюню ауузу – къан.
- Джарлыны тону джаз битер.
- Атадан ёксюз – бир ёксюз, анадан ёксюз – эки ёксюз.
- Ургъан суудан башынгы сакъла.
- Ачылгъан эт джабылыр, кёрген кёз унутмаз.
- Къуллукъчума, деб махтанма, къуллукъ – хаух джамчыды!
- Аджашхан тёгерек айланыр.
- Къонакъ болсанг, ийнакъ бол.
- Намыс сатылыб алынмайды.
- Дуния малгъа сатылма, кесингден телиге къатылма.
Ошибка!
Для просмотра темы введите ваши логин и пароль.Пожалуйста, авторизуйтесь: