- Чабакъсыз кёлге къармакъ салгъанлыкъгъа, чабакъ тутмазса.
- Уллу суу бла уллу ауруудан башынгы сакъла.
- Къолу уллу – асыу, аягъы уллу – джарсыу.
- Къалгъан ишге къар джауар.
- Ишленмеклик адамлыкъды.
- Чабакъгъа акъыл, табагъа тюшсе келеди.
- Билгенни къолу къарны джандырыр.
- Бойнуму джети джерден кессенг да, мен ол ишни этеллик тюлме.
- Эркишиге тары кебек танг кёрюнюр.
- Соргъан айыб тюлдю, билмеген айыбды.
- Сабыр джетер муратха, сабырсыз къалыр уятха.
- Нафысынгы айтханын этме, намысынгы айтханын эт.
- Агъач – джерни чырайы, кийим – эрни чырайы.
- Джыйырма къойну юч джыйырма эбзе кюте эди.
- Ёлмесенг да, къарт дамы болмазса?
- Айырылгъанланы айю ашар, бёлюннгенлени бёрю ашар.
- Ишни аллы бла къууанма да, арты бла къууан.
- Бир онгсуз адам адет чыгъарды, деб эштирик тюлсе.
- Алма терегинден кери кетмез.
- Кёзню ачылгъаны – иги, ауузну джабылгъаны – иги.
- Сагъыш – къартлыкъгъа сюйюмчю.
- Абынмазлыкъ аякъ джокъ, джангылмазлыкъ джаякъ джокъ.
- Рысхы джалгъанды: келген да этер, кетген да этер.
- Ата Джуртун танымагъан, атасын да танымаз.
- Байлыкъ тауусулур, билим тауусулмаз.
- Тойгъа барсанг, тоюб бар, эски тонунгу къоюб бар.
- Джырчы джырчыгъа – къарнаш.
- Ата джурт – алтын бешик.
- Биреуге кёлтюрген таягъынг, кесинги башынга урур.
- Ханы къызы буюгъа-буюгъа киштик болду.
- Адамны артындан къара сабан сюрме.
- Этим кетсе да, сюегим къалыр.
- Биреуге аманлыкъ этиб, кесинге игилик табмазса.
- Эринчекни аурууу – кёб.
- Тилде сюек болмаса да, сюек сындырыр.
- Къарнынг ауруса, ауузунгу тый
- Тиширыусуз юй – отсуз от джагъа.
- Ёпкелегенни ашы татлы болады.
- Ачыкъ джюрекге джол – ачыкъ.
- Суугъа – таянма, джаугъа – ийнанма.
- Элиб деген, элге болушур.
- Бюгюн дуния кибик, тамбла ахыратды.
- Ана кёлю – балада, бала кёлю – талада.
- Элде адам къалмаса, ит тахтагъа минер.
- Эрни эр этерик да, къара джер этерик да, тиширыуду.
- Таукел тауну аудурур.
- Къобан да къуру да къобханлай турмайды, адам да къуру да патчахлай турмайды.
- Айтхан – тынч, этген – къыйын.
- Ашхы тенг джолгъа салыр, аман тенг джолдан тайдырыр.
- Ойнай билмеген, оюн бузар.
Ошибка!
Для просмотра темы введите ваши логин и пароль.Пожалуйста, авторизуйтесь: