- Ашын ашагъанынгы, башын да сыйла.
- Бермеген къол, алмайды.
- Окъумагъан сокъурду, сокъур ташха абыныр!
- Джахил болса анасы, не билликди баласы?
- Тас болгъан бычакъны сабы – алтын.
- Кесине оноу эте билмеген, халкъына да эте билмез.
- Эки элинги тыйсанг, джети элде махталырса.
- Ётген ёмюр – акъгъан суу.
- Тулпарлыкъ, билекден тюл – джюрекден.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Джарлы эскисин джамаса, къууаныр.
- Сютню башын джалагъан къутулур, тюбюн ичген тутулур.
- Зар адам ашынгы ашар, кесинги сатар.
- Арыгъан къош чамчы болур.
- Уллу къазанда бишген эт, чий къалмаз.
- Тили узунну, намысы – къысха.
- Тёрде – темир таякълы, къаяда – чыпчыкъ аякълы.
- Чалманны аллы къалай башланса, арты да алай барады.
- Таугъа чыгъаллыкъ эсенг, тюзде къалма.
- Садакъачыны джаны – къапчыгъында.
- Экеулен сёлеше тура эселе, орталарына барыб кирме.
- Шайтан алдады, тюзлюк къаргъады.
- Аман адам этегингден тутса, кес да къач.
- Кёбден умут этиб, аздан къуру къалма.
- Джангыз терек къынгыр ёсер.
- Джыгъылгъанны сырты джерден тоймаз.
- Алтыннга тот къонмаз.
- Къатын къылыкъсыз, эр тынчлыкъсыз.
- Гугук кесини атын айтыб къычыргъанча, мен, мен деб нек тураса?
- Окъуусуз билим – джокъ, билимсиз кюнюнг – джокъ.
- Агъач халкъгъа алтынды, иссиликге салкъынды.
- Ханнга да келеди хариблик.
- Чомарт къолда мал къалмаз.
- Кесине гебен этелмеген, биреуге черен эте эди.
- Мал ёлсе, сюек къалыр, адам ёлсе, иши къалыр.
- Этни да ашады, бетни да ашады.
- Башы ишлегенни, ауузу да ишлер.
- Къайтырыкъ эшигинги, къаты уруб чыкъма.
- Тамбла алтындан бюгюн багъыр ашхы.
- Кёб джашагъан – кёб билир.
- Джарашыу сюйген – джалынчакъ.
- Сууда джау джокъ, кёб сёзде магъана джокъ.
- Тешигини къатында, чычхан да батыр болур.
- Джашынгы кесинг юретмесенг, джашау юретир.
- Айран тёгюлсе, джугъусу къалыр.
- Джюз элде джюз ёгюзюм болгъандан эсе, джюз джууугъум болсун.
- Бек анасы джыламаз.
- Хар сёзню орну барды.
- Тюзлюк шохлукъну бегитир.
- Чакъырылмай келген къонакъ сыйланмай кетер.
Ошибка!
Для просмотра темы введите ваши логин и пароль.Пожалуйста, авторизуйтесь: