- Ишни аллы бла къууанма да, арты бла къууан.
- Ач келгенни – тойдур, кеч келгенни – къондур.
- Ачлыкъда тары гырджын халыуадан татлы.
- Джаханимни кёрмей, джандетге кёл салмазса.
- Ауузу аманнга «иги», деме.
- Ата Джуртун танымагъан, атасын да танымаз.
- Джиби бир къат джетмей эди да, эки къат тарта эди.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Тай асырагъан, атха минер.
- Сормай – алма, чакъырылмай – барма.
- Чабар ат – джетген къыз.
- Къанны къан бла джуума, аманны аман бла къуума.
- Кёлю джокъну – джолу джокъ.
- Шекер бла туз – бир болмаз, ушамагъан – юй болмаз.
- Хар адамгъа кеси миннген тау кибик.
- Уллу сёлешме да, уллу къаб.
- Кесинге джетмегенни, кёб сёлешме.
- Сёз сёзню айтдырыр.
- Къызын тута билмеген, тул этер, джашын тута билмеген, къул этер.
- Билеги кючлю, бирни джыгъар, билими кючлю, мингни джыгъар.
- Сыфатында болмагъаны, суратында болмаз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Эркиши – от, тиширыу – суу.
- Халкъны джырын джырласанг, халкъ санга эжиу этер.
- Ауругъаннга – кийик саулукъ, джетген къызгъа – чилле джаулукъ.
- Бетинги сатма, малынгы сат.
- Ётюрюкчюню шагъаты – къатында.
- Къазанны башы ачыкъ болса, итге уят керекди.
- Ачны эсинде – аш.
- Эл тойса, тоймагъан, эл къойса, къоймагъан.
- Мен да «сен», дейме, сен да «кесим», дейсе.
- Биреу къой излей, биреу той излей.
- Джангыз торгъай джырламаз.
- Бозаны арты дауур болур.
- Аман киши кеси юйюнде – къонакъ.
- Тура эдим джата, къайдан чыкъды хата?
- От кюйдюрген, сау болса да, тот кюйдюрген, сау болмаз.
- Кёб ант этген, кёб ётюрюк айтыр.
- Чомарт джарлы болмаз.
- Тюзлюк шохлукъну бегитир.
- Кёпюр салгъан кеси ётер, уру къазгъан кеси кетер.
- Мухарны эси – ашарыкъда.
- Адамны артындан къара сабан сюрме.
- Тамырсыз терекге таянма – джыгъылырса.
- Джол бла сёзню къыйыры джокъ.
- Сютню башын джалагъан къутулур, тюбюн ичген тутулур.
- Ашхы сёз таш тешер.
- Къонакъ аз олтурур, кёб сынар.
- Чомарт бергенин айтмаз.
- Къолунгдан къуймакъ ашатсанг да, атаны борчундан къутулмазса.
Ошибка!
Для просмотра темы введите ваши логин и пароль.Пожалуйста, авторизуйтесь: