- Болджал ишни бёрю ашар.
- Къанны къан бла джуума, аманны аман бла къуума.
- Терслик кетер, тюзлюк джетер.
- Айыбны суу бла джууалмазса.
- Алтыда кюлмеген, алтмышда кюлмез.
- Кёзю сокъурдан – къоркъма, кёлю сокъурдан – къоркъ.
- Ач – эснер, ат – кишнер.
- Аман къатын сабий табса, бий болур…
- Ишлегенде эринме, ишде чолакъ кёрюнме.
- Ишни аллы бла къууанма да, арты бла къууан.
- Эл ауузу – элек, анга ийнаннган – халек.
- Къарт бла баш аша, джаш бла аякъ аша.
- Эринчекни эр алмаз, эр алса да, кёл салмаз, кёл салса да, кёб бармаз!
- Сёз – кюмюш, джыр – алтын.
- Джыйырма къойну юч джыйырма эбзе кюте эди.
- Кийим тукъум сордурур.
- Къонакъ аман болса, къонакъбай джунчур
- Джарашыу сюйген – джалынчакъ.
- Танг атмайма десе да, кюн къоярыкъ тюйюлдю.
- Босагъагъа джууукъ орун болса, ашыгъыб тёрге озма.
- Эшекни не къадар тюйсенг да, ат болмаз.
- Азыкълы ат арымаз, къатыны аман джарымаз.
- Бети къызарыучу адамны, джюреги харам болмаз.
- Кенгеш болса, уруш болмаз.
- Ёксюзню къалачы уллу кёрюнюр.
- Джырчы джырчыгъа – къарнаш.
- Билген билмегенни юретген адетди.
- Биреуге кёлтюрген таягъынг, кесинги башынга урур.
- Ашхылыкъ джерде джатмайды, аманлыкъ суугъа батмайды.
- Хоншуну тауугъу къаз кёрюнюр, келини къыз кёрюнюр.
- Аз айтсам, кёб ангылагъыз.
- Къайтырыкъ эшигинги, къаты уруб чыкъма.
- Сангырау къулакъ эл бузар.
- Ачлыкъ отха секиртир.
- Тойгъан антын унутур.
- Рысхы джалгъанды: келген да этер, кетген да этер.
- Къарны аманнга къазан такъдырма, къолу аманнга от джакъдырма.
- Аш хазыр болса, иш харам болур.
- Алма терегинден кери кетмез.
- Мал тутхан – май джалар.
- Иши джокъну, сыйы джокъ.
- Ышармагъан – кюлмез, кюлмеген – къууанчны билмез.
- Аманнга да, игиге да оноусуз къатышма.
- Баланы адам этген анады.
- Джашынгы кесинг юретмесенг, джашау юретир.
- Иги – алгъыш этер, аман – къаргъыш этер.
- Джангыз терек къынгыр ёсер.
- Садакъачыны джаны – къапчыгъында.
- Тойгъандан сора, ашны сёкме.
- Таула не мийик болсала да, аууш табылыр.
Ошибка!
Для просмотра темы введите ваши логин и пароль.Пожалуйста, авторизуйтесь: