- Сагъыш – къартлыкъгъа сюйюмчю.
- Къыз чыгъаргъан – къызыл къымжа.
- Кютгени беш эчки, сызгъыргъаны уа, джерни джарады.
- Ата Джуртун танымагъан, атасын да танымаз.
- Къонагъы джокъну – шоху джокъ.
- Сёлеш деб шай берген, тохта деб, сом берген.
- Ёлюр джаннга, ёкюл джокъ.
- Кёбден умут этиб, аздан къуру къалма.
- Ачыкъ джюрекге джол – ачыкъ.
- Джюрек кёзден алгъа кёрюр.
- Окъумагъан сокъурду, сокъур ташха абыныр!
- Бети – къучакълар, джюреги – бычакълар.
- Ашхы тенг джолгъа салыр, аман тенг джолдан тайдырыр.
- Эте билген, этген этеди, эте билмеген, юретген этеди!
- Ауругъанны сау билмез, ач къарынны токъ билмез.
- Байлыкъ келсе, акъыл кетер.
- Джаш болсун, къыз болсун, акъылы, саны тюз болсун.
- Тили узунну, намысы – къысха.
- Джыйырма къойну юч джыйырма эбзе кюте эди.
- Къарт бла баш аша, джаш бла аякъ аша.
- Ётюрюкден тюбю джокъ, кёлтюрюрге джиби джокъ.
- Сагъышы джокъ – джукъучу, акъылы джокъ – къаугъачы.
- Уллу айтханны этмеген – уллаймаз.
- Тилсиз миллет джокъ болур.
- Адам боллукъ, атламындан белгили болур.
- Адамны аты башхача, акъылы да башхады.
- Къарт айтханны этмеген, къартаймаз.
- Биреуге кёлтюрген таягъынг, кесинги башынга урур.
- Харам къарнашдан, халал тенг ашхы.
- Бойнуму джети джерден кессенг да, мен ол ишни этеллик тюлме.
- Ашатыргъа иш – ашхы, ишлетирге аш – ашхы.
- Башынга джетмегенни сорма.
- Къарт болгъан джерде, берекет болур, сабий болгъан джерде, оюн болур.
- Чакъырылмагъан джерге барма, чакъырылгъан джерден къалма.
- Къайтырыкъ эшигинги, къаты уруб чыкъма.
- Джуртун къоругъан озар.
- Адебни адебсизден юрен.
- Ата – билек, ана – джюрек!
- Тай асырагъан, атха минер.
- Элде адам къалмаса, ит тахтагъа минер.
- Чыбыкълыкъда бюгюлмеген, къазыкълыкъда бюгюлмей эди.
- Мадар болса, къадар болур.
- Кёз – сюйген джерде, къол – ауругъан джерде.
- «Ма», - дегенни билмесенг, «бер», - дегенни билмезсе.
- Ишге юренсин къоллары, халкъ бла болсун джоллары.
- Абынмазлыкъ аякъ джокъ, джангылмазлыкъ джаякъ джокъ.
- Джарлыны эшигин махтагъан джабар.
- Нёгерсизни джолу узун.
- Аш берме да, къаш бер.
- Иесиз малны бёрю ашар.
Ошибка!
Для просмотра темы введите ваши логин и пароль.Пожалуйста, авторизуйтесь: