- Таукел къуру къалмаз.
- Баргъанынга кёре болур келгенинг.
- Ишлегенден, къарагъан уста.
- Эски джаугъа ышанма.
- Аллахдан тилесенг, кёб тиле.
- Сёз сёзню айтдырыр.
- Юреннген ауруу къалмаз.
- Кёл ашады да, кеси ашады.
- Сакъламагъан затынга джолукъсанг, не бек къууанаса, не бек ачыйса.
- Аджалсыз ёлюм болмаз.
- Урама да – ёледи, сатама да – келеди.
- Ойнай билмеген, оюн бузар.
- Уллу сёлешме да, уллу къаб.
- Тойгъанлыкъ къойгъа джарашады.
- Ётюрюкчюню шагъаты – къатында.
- Эл бла кёргенинг эрелей.
- Бек ашыкъгъан меннге джетсин, дегенди аракъы.
- Этек чакъмакълары баш джаргъан, сёлешген сёзлери таш джаргъан.
- Тыш элде солтан болгъандан эсе, кесинги элде олтан болгъан игиди!
- Башсыз урчукъ тюзюне айланмаз.
- Абынмазлыкъ аякъ джокъ, джангылмазлыкъ джаякъ джокъ.
- Элге къуллукъ этмеген, элге ие болмаз.
- Джукъу тёшек сайламайды.
- Ашарыкъда сайлагъаннга – чий гырджын.
- Къая джолда джортма, ачыкъ сёзден къоркъма.
- Ат басханны джер билед.
- Ашхы атаны – джашы ашхы, ашхы ананы – къызы ашхы.
- Сабыр джетер муратха, сабырсыз къалыр уятха.
- Айныгъанлы алты кюн, тогъайгъанлы тогъуз кюн.
- Садакъачыны джаны – къапчыгъында.
- Ишлерге уял да, ашаргъа табма.
- Алтыда кюлмеген, алтмышда кюлмез.
- Гитче джилтин уллу элни джандырыр.
- Джангыз торгъай джырламаз.
- Кёлсюзден сёзсюз тууар.
- Адам туугъан джеринде, ит тойгъан джеринде.
- Башда акъыл болмаса, эки аякъгъа кюч джетер.
- Джылыгъа джылан илешир.
- Ишлемеген – тишлемез.
- Къонакъ аз олтурур, кёб сынар.
- Билмейме деген – бир сёз
- Ёксюзню къалачы уллу кёрюнюр.
- Сёлеш деб шай берген, тохта деб, сом берген.
- Урунуу – насыбны анасы.
- Кесине оноу эте билмеген, халкъына да эте билмез.
- Айыбны суу бла джууалмазса.
- Адамны адамлыгъы къыйынлыкъда айгъакъланады.
- Эл ауузу – элек, анга ийнаннган – халек.
- Уруну арты – къуру.
- Берекет берсин деген джерде, берекет болур.
Ошибка!
Для просмотра темы введите ваши логин и пароль.Пожалуйста, авторизуйтесь: