- Ариу сёзде ауруу джокъ.
- Керти сёзге тёре джокъ.
- Кёзден кетген, кёлден да кетеди.
- Соргъан айыб тюлдю, билмеген айыбды.
- Тилчиден кери бол.
- Ашатыргъа иш – ашхы, ишлетирге аш – ашхы.
- Таш бла ургъанны, аш бла ур.
- Окъдан джара эртде-кеч болса да бителир, сёз джара, ёмюрге къалыр.
- Ишлерге уял да, ашаргъа табма.
- Хар сёзню орну барды.
- Бетинги сатма, малынгы сат.
- Аш иеси бла татлыды.
- Биреуге аманлыкъны тилеме да, кесинге ашхылыкъны тиле.
- Ариу сёз аурууунгу алыр.
- Ач, тоймам, дейди, тойгъан, ач болмам, дейди.
- Ашына кёре табагъы, балына кёре къалагъы.
- Хатерли къул болур.
- Иесиз малны бёрю ашар.
- Аз сёлеш, кёб ишле.
- Биреуню эскиси биреуге джангы болмайды.
- Таукел адам тау тешер.
- Ёпкелегенни ашы татлы болады.
- Кютгени беш эчки, сызгъыргъаны уа, джерни джарады.
- Ашыкъгъанны этеги бутуна чырмалыр.
- Джылыгъа джылан илешир.
- Киштикге къанат битсе, чыпчыкъ къалмаз эди.
- Аман адамны тепсинге олтуртсанг, къызынгы тилер.
- Тешигини къатында, чычхан да батыр болур.
- Джети тилни билген джети кишиди.
- Ётюрюк хапар аякъ тюбю бла джюрюйдю.
- Къайтырыкъ эшигинги, къаты уруб чыкъма.
- Акъыл бла адеб эгизледиле.
- Адам сёзге тынгыла, акъыл сёзню ангыла.
- Окъ къызбайны джокълайды.
- Джырына кёре эжиую.
- Татлы тилде – сёз ариу, чемер къолда – иш ариу.
- Ач уят къоймаз.
- Бал – татлы, балдан да бала – татлы.
- Малны кют, джерни тюрт.
- Ёлюр джаннга, ёкюл джокъ.
- Мухардан ач ычхынмаз.
- Эшекге миннген – биринчи айыб, андан джыгъылгъан – экинчи айыб.
- Къонакъ аман болса, къонакъбай джунчур
- Къар – келтирди, суу – элтди.
- Ойнаб айтсанг да, эслеб айт.
- Ашлыкъ – бюртюкден, джюн – тюкден.
- Махтаннган къыз, тойда джукълар.
- Болджал ишни бёрю ашар.
- Джерни букъусу кёкге къонмаз.
- Аллахха ийнаннган кишини, Аллах онгдурур ишин.
Ошибка!
Для просмотра темы введите ваши логин и пароль.Пожалуйста, авторизуйтесь: