- Къатын байлыкъны сюер, эр саулукъну сюер.
- Къралынгы – душмандан, башынгы от бла суудан сакъла.
- Ачылгъан эт джабылыр, кёрген кёз унутмаз.
- Билим ат болуб да чабар, къуш болуб да учар.
- Итли къонакъ джарашмаз.
- Келинни – келгинчи, бёркню кийгинчи кёр.
- Джаш болсун, къыз болсун, акъылы, саны тюз болсун.
- Ашлыкъны арба юйге келтирир, чана базаргъа элтир.
- Атынг аманнга чыкъгъандан эсе, джанынг тамагъынгдан чыкъсын.
- Адамны артындан къара сабан сюрме.
- Тилсиз миллет джокъ болур.
- Этим кетсе да, сюегим къалыр.
- Зар адам ашынгы ашар, кесинги сатар.
- Элиб деген, элге болушур.
- Телини эшигин, махтау джабар.
- Арбаз сайлама да, хоншу сайла.
- Ёлген аслан – сау чычхан.
- Къазанчы аман болса, къазаны къайнамаз.
- Аш иеси бла татлыды.
- Бал чибинни ургъаны – ачы, балы – татлы.
- От кюйдюрген, сау болса да, тот кюйдюрген, сау болмаз.
- Аман адам элни бир-бирине джау этер.
- Ач – эснер, ат – кишнер.
- Эринчекни эр алмаз, эр алса да, кёл салмаз, кёл салса да, кёб бармаз!
- Къая джолда джортма, ачыкъ сёзден къоркъма.
- Этни бети бла шорпасы.
- Ач, тоймам, дейди, тойгъан, ач болмам, дейди.
- Аурууну келиую тынч, кетиую – къыйын.
- Тау башында, тау болмаз, джангыз терек, бау болмаз.
- Баш – акъыл ючюн, акъылман – халкъ ючюн.
- Ёлген эшек бёрюден къоркъмайды.
- Огъурлуну сёзю – суу, огъурсузну сёзю – уу.
- Тил – кесген бычакъ, сёз – атылгъан окъ.
- Игилик игилик бла сингдирилиучю затды.
- Джаз бир кюнню джатсанг, къыш талай кюнню абынырса.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ашхылыкъ джерде джатмайды, аманлыкъ суугъа батмайды.
- Иги болса, тамадама – махтау, аман болса, меннге – айыб.
- Борчунг бар эсе, хурджунунга ойлаб узал.
- Чабакъгъа акъыл, табагъа тюшсе келеди.
- Чалманны аллы къалай башланса, арты да алай барады.
- Кёлсюзден сёзсюз тууар.
- Мураты болгъанны джюрек тебюую башхады.
- Кийимни бир кюнню аясанг, минг кюннге джарар.
- Ашда уялгъан – мухар, ишде уялгъан – хомух.
- Болджал ишни бёрю ашар.
- Тюкюрюк баш джармаз, налат кёз чыгъармаз!
- Алма терегинден кери кетмез.
- Аш хазыр болса, иш харам болур.
- Бал – татлы, балдан да бала – татлы.
Ошибка!
Для просмотра темы введите ваши логин и пароль.Пожалуйста, авторизуйтесь: