- Джюрек кёзден алгъа кёрюр.
- Кёзню ачылгъаны – иги, ауузну джабылгъаны – иги.
- Алим болгъандан эсе, адам болгъан къыйынды.
- Эр сокъур болсун, къатын тилсиз болсун.
- Суугъа – чабакъ, къаягъа – ыргъакъ.
- Ханнга да келеди хариблик.
- Адамны аманы адамны бети бла ойнар.
- Ашлыкъ – бюртюкден, джюн – тюкден.
- Джырына кёре эжиую.
- Чомарт джарлы болмаз.
- Тили узунну, намысы – къысха.
- «Ёгюз, джаргъа джууукъ барма, меннге джюк боллукъса», - дегенди эшек.
- Ашына кёре табагъы, балына кёре къалагъы.
- Ёлмесенг да, къарт дамы болмазса?
- Къазанчы аман болса, къазаны къайнамаз.
- Кютгени беш эчки, сызгъыргъаны уа, джерни джарады.
- Къолу уллу – асыу, аягъы уллу – джарсыу.
- Таукел адам тау тешер.
- Ишлемеген – тишлемез.
- Тилде сюек болмаса да, сюек сындырыр.
- Рысхы джалгъанды: келген да этер, кетген да этер.
- Къартны сыйын кёрмеген, къартлыгъында сыйлы болмаз.
- Адам къаллай бир ишленмесе, аллай бир кесин уллу кёреди.
- Мал тутхан – май джалар.
- Чакъырылмагъан къонакъ къачан кетерин сормаз.
- Алма терегинден кери кетмез.
- Къатыны харакетли болса, эри къымсыз болур.
- Кийим тукъум сордурур.
- Бал чибинни ургъаны – ачы, балы – татлы.
- Ач бёрюге мекям джокъ.
- Ашха уста, юйюнде болсун
- Юйлю уругъа ит чабмаз.
- Гырджын – тепсини тамадасы.
- Ишин билген, аны сыйын чыгъарады.
- Айырылмаз джууугъунга, унутмаз сёзню айтма.
- Адам сёзюнден белгили.
- Булут кёкге джарашыу, уят бетге джарашыу.
- Къоркъакъны кёзю экили кёрюр.
- Джетген къыз джерли эшекни танымаз.
- Джарлы эскисин джамаса, къууаныр.
- Суу кетер, таш къалыр.
- Ана къолу ачытмаз.
- Акъдан къара болмаз.
- Ашхы тенг джолгъа салыр, аман тенг джолдан тайдырыр.
- Нарт сёз – тилни бети.
- Иги джашны ышаны – аз сёлешиб, кёб тынгылар.
- Кёзю сокъурдан – къоркъма, кёлю сокъурдан – къоркъ.
- Зар адамны насыбы болмаз.
- Айырылгъанланы айю ашар, бёлюннгенлени бёрю ашар.
- Сютню башын джалагъан къутулур, тюбюн ичген тутулур.
Ошибка!
Для просмотра темы введите ваши логин и пароль.Пожалуйста, авторизуйтесь: