- Магъанасыз сёз – тауушсуз сыбызгъы.
- Тели турса – той бузар.
- Акъдан къара болмаз.
- Адебни адебсизден юрен.
- Ётюрюкню къуйругъу – бир тутум.
- Сютден ауузу кюйген, суугъа юфгюре эди.
- Кенгеш болса, уруш болмаз.
- Чабар ат – джетген къыз.
- Агъач – джерни чырайы, кийим – эрни чырайы.
- Атынг аманнга чыкъгъандан эсе, джанынг тамагъынгдан чыкъсын.
- Аз айтсам, кёб ангылагъыз.
- Уясында не кёрсе, учханында аны этер.
- Таукел къуру къалмаз.
- Тил джюрекге джол ишлейди.
- Суугъа – таянма, джаугъа – ийнанма.
- Ишни аллы бла къууанма да, арты бла къууан.
- Битмегеннге сакъал – танг.
- Сагъышы джокъ – джукъучу, акъылы джокъ – къаугъачы.
- Иесиз малны бёрю ашар.
- Къан бла кирген, джан бла чыгъар.
- Тёзгеннге, джабылгъан эшик ачылыр.
- Акъылсызны джууукъгъа алма, акъыллыны кенгнге салма.
- Элни кючю – эмеген.
- Нарт сёз – тилни бети.
- Ауурну тюбю бла, дженгилни башы бла джюрюген.
- Ауузу аманнга «иги», деме.
- Эте билген, этген этеди, эте билмеген, юретген этеди!
- Къонакъ кёб келюучю юйню, къазаны отдан тюшмез.
- Ашыкъгъанны этеги бутуна чырмалыр.
- Таула не мийик болсала да, аууш табылыр.
- Аман хансны – урлугъу кёб.
- Къралынгы – душмандан, башынгы от бла суудан сакъла.
- Джюрекге ариу – кёзге да ариу.
- Адам сёзге тынгыла, акъыл сёзню ангыла.
- Уллу сёлешме да, уллу къаб.
- Баш болса, бёрк табылыр.
- Эл тойса, тоймагъан, эл къойса, къоймагъан.
- Игиге айтсанг – билир, аманнга айтсанг – кюлюр.
- Уруну арты – къуру.
- Джауумдан сора, кюн кюйдюрюр, ётюрюкден сора, айыб кюйдюрюр.
- Сууда джау джокъ, кёб сёзде магъана джокъ.
- Байлыкъ тауусулур, билим тауусулмаз.
- Юйюнг бла джау болгъандан эсе, элинг бла джау бол.
- Аш иеси бла татлыды.
- Босагъа таш юйге кирмей эди, тыбыр таш эшикге чыкъмай эди.
- Мухар, кеси тойса да, кёзю тоймаз.
- Кёл ашады да, кеси ашады.
- Арба аугъандан сора, джол кёргюзтюучю кёб болур.
- Ашлыкъны арба юйге келтирир, чана базаргъа элтир.
- Къарнынг тойгъунчу аша да, белинг талгъынчы ишле.
Ошибка!
Для просмотра темы введите ваши логин и пароль.Пожалуйста, авторизуйтесь: