- Юйюнг бла джау болгъандан эсе, элинг бла джау бол.
- Хоншуну тауугъу къаз кёрюнюр, келини къыз кёрюнюр.
- Кёз – сюйген джерде, къол – ауругъан джерде.
- Юйлю уругъа ит чабмаз.
- Насыблы элин сюер, насыбсыз кесин сюер.
- Ариу сёз – къылычдан джити.
- Кёкдеги болмаса, джердегин кёрмейди.
- Игиге айтсанг – билир, аманнга айтсанг – кюлюр.
- Азыгъы аз, алгъа къабар, аты аман, алгъа чабар.
- Танг атмайма десе да, кюн къоярыкъ тюйюлдю.
- Ойнай билмеген, уруб къачар.
- Эл ауузу – элек, анга ийнаннган – халек.
- Ашына кёре табагъы, балына кёре къалагъы.
- Тамырсыз терекге таянма – джыгъылырса.
- Агъач – джерни чырайы, кийим – эрни чырайы.
- Тил – кесген бычакъ, сёз – атылгъан окъ.
- Ач отунчуну ачыуу – бурнунда.
- Тойгъан антын унутур.
- Айраннга суу къош, телиге джол бош.
- Ётген ёмюр – акъгъан суу.
- Тёрени джагъы джокъ.
- Халкъны юйю – туугъан джери.
- Таукелге нюр джауар.
- Тас болгъан бычакъны сабы – алтын.
- Ата Джуртун танымагъан, атасын да танымаз.
- Джахил болса анасы, не билликди баласы?
- Аджалсыз ёлюм болмаз.
- Къонакъ болсанг, ийнакъ бол.
- Джарлы эскисин джамаса, къууаныр.
- Джылкъыдан – ат чыгъар, тукъумдан – джаш чыгъар.
- Байлыкъ келсе, акъыл кетер.
- Джарлыны эшигин махтагъан джабар.
- Къонагъы джокъну – шоху джокъ.
- Элиб деген, элге болушур.
- Керти сёзге тёре джокъ.
- Байны къызы баймакъ болса да, юйде къалмаз!
- Къарнынг ауруса, ауузунгу тый
- Олтуруб кёрюнмей эди да, ёрге туруб кёрюне эди.
- Кирсизни – саны таза, халалны – къаны таза.
- Кесине оноу эте билмеген, халкъына да эте билмез.
- Джашлыкъ этмеген, башлыкъ этмез.
- Ханнга да келеди хариблик.
- Окъугъанны бети джарыкъ.
- Биреуню тёрюнден, кесинги эшик артынг игиди.
- Аман киши кеси юйюнде – къонакъ.
- Ариуну – ауруу кёб.
- Бек ашыкъгъан меннге джетсин, дегенди аракъы.
- Аманны къуугъан, аманлыкъ табар.
- Эшекни не къадар тюйсенг да, ат болмаз.
- Кечеси – аяз, кюню – къыш, джарлы къаргъагъа бир аш тюш!
Ошибка!
Для просмотра темы введите ваши логин и пароль.Пожалуйста, авторизуйтесь: