- Бойнуму джети джерден кессенг да, мен ол ишни этеллик тюлме.
- Эл тойса, тоймагъан, эл къойса, къоймагъан.
- Айтханы чапыракъдан ётмеген.
- Аман адамны тепсинге олтуртсанг, къызынгы тилер.
- Ётюрюкню башын керти кесер.
- Оюмсуз атлагъан, аджалсыз ёлюр.
- Ёгюзню мюйюзлери ауурлукъ этмейдиле.
- Эшекге миннген – биринчи айыб, андан джыгъылгъан – экинчи айыб.
- Кечеси – аяз, кюню – къыш, джарлы къаргъагъа бир аш тюш!
- Этим кетсе да, сюегим къалыр.
- Эртде тургъан джылкъычыны эркек аты тай табар.
- Тойгъан антын унутур.
- Аманны эки битли тону болур, бирин сеннге кийдирир, бирин кеси киер.
- Къолунгдан къуймакъ ашатсанг да, атаны борчундан къутулмазса.
- Ишин билген, аны сыйын чыгъарады.
- Кёб джашагъан – кёб билир.
- Чакъырылмай келген къонакъ сыйланмай кетер.
- Тилчиден кери бол.
- Акъыл неден да кючлюдю.
- Окъугъан озар, окъумагъан тозар.
- Къобан да къуру да къобханлай турмайды, адам да къуру да патчахлай турмайды.
- Тюз сёз баргъан сууну тыяр.
- Сангырау къулакъ эл бузар.
- Кёб ант этген, кёб ётюрюк айтыр.
- Кёпюр салгъан кеси ётер, уру къазгъан кеси кетер.
- Кенгеш болса, уруш болмаз.
- Къалгъан ишге къар джауар.
- Биреуню къыйынлыгъы бла кесинге джол ишлеме.
- Танг атмайма десе да, кюн къоярыкъ тюйюлдю.
- Къызгъанчдан ычхыныр, мухардан ычхынмаз.
- Джарлы тюеге минсе да, ит къабар.
- Къоркъакъны кёзю экили кёрюр.
- Ата – билек, ана – джюрек!
- Джылкъыдан – ат чыгъар, тукъумдан – джаш чыгъар.
- Чомартха хар кюн да байрамды.
- Хар ишни да аллы къыйынды.
- Къыйынлы джети элге оноу этер.
- Къонакъ болсанг, ийнакъ бол.
- Ариу сёз джыланны орнундан чыгъарыр.
- Хансыз джомакъ болмаз.
- Адамны адамлыгъы къыйынлыкъда айгъакъланады.
- Ауурну тюбю бла, дженгилни башы бла джюрюген.
- Урама да – ёледи, сатама да – келеди.
- Битмегеннге сакъал – танг.
- Аджалсыз ёлюм болмаз.
- Аман хансны – урлугъу кёб.
- Телини эшигин, махтау джабар.
- Бек анасы джыламаз.
- Мен да «сен», дейме, сен да «кесим», дейсе.
- Джюрекден джюрекге джол барды.
Ошибка!
Для просмотра темы введите ваши логин и пароль.Пожалуйста, авторизуйтесь: