- Джан саулукъ бермей, сан саулукъ бермезсе.
- Тюзню ётмеги тюзде къалса да, тас болмаз.
- Аякъларынгы джууургъанынга кёре узат.
- Эркиши – от, тиширыу – суу.
- Тамбла алтындан бюгюн багъыр ашхы.
- Ётюрюкню къуйругъу – бир тутум.
- Магъанасыз сёз – тауушсуз сыбызгъы.
- Рысхы – сют юсюнде кёмюк кибикди.
- Ойнай билмеген, уруб къачар.
- Аман киши кеси юйюнде – къонакъ.
- Билеги кючлю, бирни джыгъар, билими кючлю, мингни джыгъар.
- Кёпюр салгъан кеси ётер, уру къазгъан кеси кетер.
- Сангырау къулакъ эл бузар.
- Эшекни не къадар тюйсенг да, ат болмаз.
- Чыкълы кюнде чыкъмагъан, чыкъса къуру кирмеген.
- Кирсизни – саны таза, халалны – къаны таза.
- Элге къуллукъ этмеген, элге ие болмаз.
- Эки къатын алгъан – эки ташны ортасына башын салгъан.
- Ашхылыкъ джерде джатмайды, аманлыкъ суугъа батмайды.
- Алтыда кюлмеген, алтмышда кюлмез.
- Келлик заман – къартлыкъ келтирир, кетген заман – джашлыкъ ёлтюрюр.
- Ханы къызы буюгъа-буюгъа киштик болду.
- Нёгер болсанг, тенг бол, тенг болмасанг, кенг бол.
- Окъумагъан сокъурду, сокъур ташха абыныр!
- Эринчекни аурууу – кёб.
- Бети – къучакълар, джюреги – бычакълар.
- Шапа кёб болса, аш татымсыз болур.
- Тюзлюк шохлукъну бегитир.
- Билим насыб берир, билим джолну керир.
- Къартны сыйын кёрмеген, къартлыгъында сыйлы болмаз.
- Азыкълы ат арымаз, къатыны аман джарымаз.
- Тойгъа алгъа да барма, тойда артха да къалма.
- Ёмюрлюк шохлукъну джел элтмез.
- Ана къолу ачытмаз.
- Башсыз урчукъ тюзюне айланмаз.
- Аурууну келиую тынч, кетиую – къыйын.
- Къонагъы джокъну – шоху джокъ.
- Ат да турмайды бир териде.
- Къобан да къуру да къобханлай турмайды, адам да къуру да патчахлай турмайды.
- Кютгени беш эчки, сызгъыргъаны уа, джерни джарады.
- Эр сокъур болсун, къатын тилсиз болсун.
- Сютден ауузу кюйген, суугъа юфгюре эди.
- Арбаз къынгырды да, ийнек сауалмайма.
- Миллетни бойну – базыкъ, аны бла кюрешген – джазыкъ.
- Ач къарным, тынч къулагъым.
- Ким бла джюрюсенг, аны кёзю бла кёрюнюрсе.
- Рысхы джалгъанды: келген да этер, кетген да этер.
- Джыгъылгъанны сырты джерден тоймаз.
- Бастасын ашагъан, хантусун да ичер.
- Уллу суу бла уллу ауруудан башынгы сакъла.
Ошибка!
Для просмотра темы введите ваши логин и пароль.Пожалуйста, авторизуйтесь: