- Бюгюн дуния кибик, тамбла ахыратды.
- Сакъламагъан затынга джолукъсанг, не бек къууанаса, не бек ачыйса.
- Акъдан къара болмаз.
- Сакъ юйюне сау барыр.
- Келгинчи, къонакъ уялыр, келгенден сора, къонакъбай уялыр.
- Ариу сёз аурууунгу алыр.
- Джолда аягъынга сакъ бол, ушакъда тилинге сакъ бол.
- Билим ат болуб да чабар, къуш болуб да учар.
- Окъумагъан сокъурду, сокъур ташха абыныр!
- Тил – кесген бычакъ, сёз – атылгъан окъ.
- Этни бети бла шорпасы.
- Ашда – бёрю, ишде – ёлю.
- Телиге от эт десенг, юйюнге от салыр.
- Къонакъ хазыр болгъанлыкъгъа, къонакъбай хазыр тюлдю.
- Хунаны тюбюн къазсанг, юсюнге ауар.
- Айраннга суу къош, телиге джол бош.
- Ашхы болсанг, атынг чыгъар, аман болсанг, джанынг чыгъар.
- Джети тилни билген джети кишиди.
- Аш кетер да бет къалыр.
- Насыблы элин сюер, насыбсыз кесин сюер.
- Ауузу аманнга «иги», деме.
- Атлыны кёрсе, джаяуну буту талыр.
- Иги – алгъыш этер, аман – къаргъыш этер.
- Таула не мийик болсала да, аууш табылыр.
- Ишлегенден, къарагъан уста.
- Чакъырылгъанны аты, чакъырылмагъанны багъасы болур.
- Тилчиден кери бол.
- Ёмюрлюк шохлукъну джел элтмез.
- Аман хансны – урлугъу кёб.
- Къонакъ аз олтурур, кёб сынар.
- Джюрекге ариу – кёзге да ариу.
- Акъыллы башны – тили къысха.
- Адамны аманы адамны бети бла ойнар.
- Тенги кёбню джау алмаз, акъылы кёбню дау алмаз.
- Адамны сыфатына къарама, сёзюне къара.
- Ёлген эшек бёрюден къоркъмайды.
- Къобан да къуру да къобханлай турмайды, адам да къуру да патчахлай турмайды.
- Этек чакъмакълары баш джаргъан, сёлешген сёзлери таш джаргъан.
- Джюрек кёзден алгъа кёрюр.
- Ач да бол, токъ да бол – намысынга бек бол.
- Акъыл аздырмаз, билим тоздурмаз.
- Ауругъаннга – кийик саулукъ, джетген къызгъа – чилле джаулукъ.
- Джаным-тиним – окъуу, билим.
- Экеу тутушса, биреу джыгъылыр.
- Бастасын ашагъан, хантусун да ичер.
- Азыкълы ат арымаз, къатыны аман джарымаз.
- Кюлме джашха – келир башха.
- Эки итни арасына сюек атма, эки адамны арасында сёз чыгъарма.
- Ишленмеклик адамлыкъды.
- Кийимни бир кюнню аясанг, минг кюннге джарар.
Ошибка!
Для просмотра темы введите ваши логин и пароль.Пожалуйста, авторизуйтесь: