- Кёб джашагъан – кёб билир.
- Билмегенинги, билгеннге сор.
- Тойгъан антын унутур.
- Адам къыйынлыгъын кёлтюрюр, зауукълугъун кёлтюрмез.
- Ким бла джюрюсенг, аны кёзю бла кёрюнюрсе.
- Хатерли къул болур.
- Кёзюнде тереги болгъан, чёбю болгъаннга кюле эди.
- Къралынгы – душмандан, башынгы от бла суудан сакъла.
- Ариу сёз джыланны орнундан чыгъарыр.
- Ариу сёзде ауруу джокъ.
- Билгенни къолу къарны джандырыр.
- Айтылгъан сёз ызына къайтмаз.
- Таукел къуру къалмаз.
- Ач къарынны, токъ билмез
- Эл элде бирер малынг болгъандан эсе, бирер тенгинг болсун.
- Окъ къызбайны джокълайды.
- Ишлегенден, къарагъан уста.
- Агъач – джерни чырайы, кийим – эрни чырайы.
- Тешик этген тынчды, аны джамагъан къыйынды.
- Ариуну – ауруу кёб.
- Насыб бютеу халкъны юлюшюдю.
- Къарнынг къанлынга кийирир.
- Нарт сёз – тилни бети.
- Сыфатында болмагъаны, суратында болмаз.
- Шапа кёб болса, аш татымсыз болур.
- Телиге акъыл салгъандан эсе, ёлгеннге джан салырса.
- Гитче джилтин уллу элни джандырыр.
- Чыбыкълыкъда бюгюлмеген, къазыкълыкъда бюгюлмей эди.
- Тилчи тилден къаныкъмаз.
- Аз сёлешген, къайгъысыз турур.
- Булут кёкге джарашыу, уят бетге джарашыу.
- Айырылмаз джууугъунга, унутмаз сёзню айтма.
- Джарлы тюеге минсе да, ит къабар.
- Алим болгъандан эсе, адам болгъан къыйынды.
- Чабар ат – джетген къыз.
- Джахил болса анасы, не билликди баласы?
- Элни кючю – эмеген.
- Кёз – сюйген джерде, къол – ауругъан джерде.
- Тойгъанлыкъ къойгъа джарашады.
- Башынга джетмегенни сорма.
- Адамны сыфатына къарама, сёзюне къара.
- Уллу къазанда бишген эт, чий къалмаз.
- Биреуге кёлтюрген таягъынг, кесинги башынга урур.
- Джумушакъ сёз къаты таякъны сындырыр.
- Джыйырма къойну юч джыйырма эбзе кюте эди.
- Уруну арты – къуру.
- Кёрмегеннге кебек – танг, битмегеннге сакъал – танг.
- Тюзню ётмеги тюзде къалса да, тас болмаз.
- Билген билмегенни юретген адетди.
- Акъыллы башны – тили къысха.
Ошибка!
Для просмотра темы введите ваши логин и пароль.Пожалуйста, авторизуйтесь: