- Биреуню эскиси биреуге джангы болмайды.
- Уллу суу бла уллу ауруудан башынгы сакъла.
- Ётген ёмюр – акъгъан суу.
- Ашарыкъда сайлагъаннга – чий гырджын.
- Къарнынг къанлынга кийирир.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Минг тенг да азды, бир джау да кёбдю.
- Тёзген – тёш ашар!
- Тенгинг джокъ эсе – изле, бар эсе – сакъла!
- Экеу тутушса, биреу джыгъылыр.
- Шайтан алдады, тюзлюк къаргъады.
- Эл элде бирер малынг болгъандан эсе, бирер тенгинг болсун.
- Ашхы болсанг, атынг чыгъар, аман болсанг, джанынг чыгъар.
- Эртде тургъан джылкъычыны эркек аты тай табар.
- Кёбге таш атма.
- Накъырда – кертини келечиси.
- Адам сёзге тынгыла, акъыл сёзню ангыла.
- Суу да къайтады чыкъгъан джерине.
- Керек ташны ауурлугъу джокъ.
- Эринчекни аурууу – кёб.
- Джыйырма къойну юч джыйырма эбзе кюте эди.
- Тилсиз миллет джокъ болур.
- Адам къаллай бир ишленмесе, аллай бир кесин уллу кёреди.
- Огъурлуну сёзю – суу, огъурсузну сёзю – уу.
- Эки ойлашыб, бир сёлешген.
- Ач келгенни – тойдур, кеч келгенни – къондур.
- Ашда уялгъан – мухар, ишде уялгъан – хомух.
- Ач къарынны, токъ билмез
- Кирсизни – саны таза, халалны – къаны таза.
- Тилчиден кери бол.
- Иги сеники эсе да, сюйген кесимикин этеме.
- Элни кючю – эмеген.
- Джангыз торгъай джырламаз.
- Татлы тилде – сёз ариу, чемер къолда – иш ариу.
- Атлыны кёрсе, джаяуну буту талыр.
- Татлы сёз – балдан татлы.
- Айран ичген – къутулду, джугъусун джалагъан – тутулду.
- Чомарт къолда мал къалмаз.
- Келинни – келгинчи, бёркню кийгинчи кёр.
- Айыбны суу бла джууалмазса.
- Байлыкъ болгъан джерде, тынчлыкъ джокъду.
- Уллу къазанда бишген эт, чий къалмаз.
- Башы джабылгъан челекге, кир тюшмез.
- Джюрек кёзден алгъа кёрюр.
- Насыблы элин сюер, насыбсыз кесин сюер.
- Аз сёлеш, кёб ишле.
- Ашхы адам – халкъ байлыгъы, ашхы джер – джашау байлыгъы.
- Ата – билек, ана – джюрек!
- Нёгерсизни джолу узун.
- Джаш болсун, къыз болсун, акъылы, саны тюз болсун.
Ошибка!
Для просмотра темы введите ваши логин и пароль.Пожалуйста, авторизуйтесь: