Войти на сайт
16 Января  2019 года

 

  • Олтуруб кёрюнмей эди да, ёрге туруб кёрюне эди.
  • Къатын байлыкъны сюер, эр саулукъну сюер.
  • Къолунгдан къуймакъ ашатсанг да, атаны борчундан къутулмазса.
  • Ариу сёз – джаннга азыкъ, аман сёз – башха къазыкъ.
  • Аз сёлеш, кёб ишле.
  • Джауумдан сора, кюн кюйдюрюр, ётюрюкден сора, айыб кюйдюрюр.
  • Джумушакъ сёз къаты таякъны сындырыр.
  • Дуния аламаты сен эсенг да, игиме деб айтма.
  • Иесиз малны бёрю ашар.
  • Ашхы адам – халкъ байлыгъы, ашхы джер – джашау байлыгъы.
  • Тюзлюк тас болмайды.
  • Кёз – сюйген джерде, къол – ауругъан джерде.
  • Рысхы – сют юсюнде кёмюк кибикди.
  • Къатыны харакетли болса, эри къымсыз болур.
  • Къонакъ аз олтурур, кёб сынар.
  • Ойнай-ойнай кёз чыгъар.
  • Адам къыйынлыгъын кёлтюрюр, зауукълугъун кёлтюрмез.
  • Зар адам ашынгы ашар, кесинги сатар.
  • Чомарт бергенин айтмаз.
  • Тюзлюк шохлукъну бегитир.
  • Бёрю да ач къалмасын, эчки да ашалмасын.
  • Къарт бла баш аша, джаш бла аякъ аша.
  • Кёб джат да, бек чаб.
  • Эринчекге кюн узун.
  • Ариу – кёзге, акъыл – джюрекге.
  • Ашатыргъа иш – ашхы, ишлетирге аш – ашхы.
  • Ёксюзню къалачы уллу кёрюнюр.
  • Кютгени беш эчки, сызгъыргъаны уа, джерни джарады.
  • Ашаса, ашамаса да, бёрюню ауузу – къан.
  • Телини эшигин, махтау джабар.
  • Аллахха ийнаннган кишини, Аллах онгдурур ишин.
  • Айырылгъанланы айю ашар, бёлюннгенлени бёрю ашар.
  • Тойчу джашха къарама, къойчу джашха къара.
  • Билгенни къолу къарны джандырыр.
  • Джан саулукъ бермей, сан саулукъ бермезсе.
  • Душманны тышы – акъ, ичи – къара.
  • Кёлю джокъну – джолу джокъ.
  • Туз, гырджын аша, тюзлюк бла джаша.
  • Байны оноуу, джарлыгъа джарамаз.
  • Ачыкъ джюрекге джол – ачыкъ.
  • Тил – кесген бычакъ, сёз – атылгъан окъ.
  • Джаханимни кёрмей, джандетге кёл салмазса.
  • Уллу сёлешме да, уллу къаб.
  • Байма, деб да, къууанма, джарлыма, деб да, джылама.
  • «Ёгюз, джаргъа джууукъ барма, меннге джюк боллукъса», - дегенди эшек.
  • Ашлыкъ – бюртюкден, джюн – тюкден.
  • Тойну къарнашы – харс, джырны къарнашы – эжиу.
  • Кёкдеги болмаса, джердегин кёрмейди.
  • Билимден уллу байлыкъ джокъду.
  • Сыфатында болмагъаны, суратында болмаз.

 

Ошибка!

Для просмотра темы введите ваши логин и пароль.
Пожалуйста, авторизуйтесь:
Логин:
Пароль:

Забыли свой пароль?

Зарегистрироваться
Если вы впервые на сайте, заполните, пожалуйста, регистрационную форму.

Написать нам