- Джашны джигитлиги сорулур, къызны джигерлиги сорулур.
- Чомартха хар кюн да байрамды.
- Айтылгъан сёз ызына къайтмаз.
- Айран тёгюлсе, джугъусу къалыр.
- Къартха ушагъан джаш – акъыллы, джашха ушагъан къарт – тели.
- Аман эсирсе, юйюн ояр.
- Ашаса, ашамаса да, бёрюню ауузу – къан.
- Босагъа таш юйге кирмей эди, тыбыр таш эшикге чыкъмай эди.
- Телиге от эт десенг, юйюнге от салыр.
- Намысы болмагъанны, сыйы болмаз.
- Аман къатын сабий табса, бий болур…
- Ёпкелегенни ашы татлы болады.
- Керек ташны ауурлугъу джокъ.
- Арбаз къынгырды да, ийнек сауалмайма.
- Башда акъыл болмаса, эки аякъгъа кюч джетер.
- Ауузу аманнга «иги», деме.
- Къайгъы тюбю – тенгиз.
- Байлыкъ тауусулур, билим тауусулмаз.
- Адам боллукъ, атламындан белгили болур.
- Онгсузну – джакъла, тенгликни – сакъла.
- Ашхы болсанг, атынг чыгъар, аман болсанг, джанынг чыгъар.
- Ач отунчуну ачыуу – бурнунда.
- Эллинг бла джау болсанг да, юйюнг бла джау болма.
- Харам къарнашдан, халал тенг ашхы.
- Миллетни бойну – базыкъ, аны бла кюрешген – джазыкъ.
- Адамны сабийин сюйген джюреги, бычакъча, джитиди.
- Къызын тута билмеген, тул этер, джашын тута билмеген, къул этер.
- Сууда джау джокъ, кёб сёзде магъана джокъ.
- Кюлме джашха – келир башха.
- Уллу сёзде уят джокъ.
- Акъыл аздырмаз, билим тоздурмаз.
- Ариу сёз джыланны орнундан чыгъарыр.
- Билимли ёлмез, билимсиз кёрмез.
- Къазанчы аман болса, къазаны къайнамаз.
- Айырылмаз джууугъунга, унутмаз сёзню айтма.
- Намысы джокъну – дуниясы джокъ.
- Адеб базарда сатылмаз.
- Термилгенинги табмазса, кюлгенинге тюберсе.
- Аурууну келиую тынч, кетиую – къыйын.
- Зар адамны насыбы болмаз.
- Тойгъа алгъа да барма, тойда артха да къалма.
- Ётюрюкню къуйругъу – бир тутум.
- Адамгъа аман кюн соруб келмейди.
- Дуния мал дунияда къалады.
- Элге къуллукъ этмеген, элге ие болмаз.
- Айранны сюйген, ийнек тутар.
- Къаллай салам берсенг, аллай джууаб алырса.
- Кёзю сокъурдан – къоркъма, кёлю сокъурдан – къоркъ.
- Мухар, кеси тойса да, кёзю тоймаз.
- Кирсизни – саны таза, халалны – къаны таза.
Ошибка!
Для просмотра темы введите ваши логин и пароль.Пожалуйста, авторизуйтесь: