- Ач къарынны, токъ билмез
- Аджалсыз ёлюм болмаз.
- Сибиртки да сыйлы болду, кюрек да кюнлю болду.
- Аман адамны тепсинге олтуртсанг, къызынгы тилер.
- Уллу къашыкъ эрин джыртар.
- Ачны эсинде – аш.
- Рысхы – насыбха къор.
- Адамны сабийин сюйген джюреги, бычакъча, джитиди.
- Эм уллу байлыкъ – джан саулукъ.
- Юйюнг бла джау болгъандан эсе, элинг бла джау бол.
- Кимни – тили, тиши онглу, кимни – къолу, иши онглу.
- Джаным-тиним – окъуу, билим.
- Окъугъан – асыу, окъумагъан – джарсыу.
- От кюйдюрген, сау болса да, тот кюйдюрген, сау болмаз.
- Бек ашыкъгъан меннге джетсин, дегенди аракъы.
- Ёлген эшек бёрюден къоркъмайды.
- Биреуню эскиси биреуге джангы болмайды.
- Эртде тургъан джылкъычыны эркек аты тай табар.
- Кёпюр салгъан кеси ётер, уру къазгъан кеси кетер.
- Аз сёлешген, къайгъысыз турур.
- Халкъгъа джарагъан, джарлы къалмаз.
- Бек анасы джыламаз.
- Къарт бла баш аша, джаш бла аякъ аша.
- Байлыкъ адамны сокъур этер.
- Берекет берсин деген джерде, берекет болур.
- Чарсда алчыны эл кёреди.
- Арыгъан къош чамчы болур.
- Ичимден чыкъды хата, къайры барайым сата?
- Байлыкъ тауусулур, билим тауусулмаз.
- Чёбню кёлтюрсенг, тюбюнден сёз чыгъар.
- Айныгъанлы алты кюн, тогъайгъанлы тогъуз кюн.
- Ата Джуртун танымагъан, атасын да танымаз.
- Ишни ахырын ойламай, аллын башлама.
- Ишленмеген джаш – джюгенсиз ат, ишленмеген къыз – тузсуз хант.
- Иги бла джюрюсенг, джетерсе муратынга, аман бла джюрюсенг, къалырса уятха.
- Малны кют, джерни тюрт.
- Къартха ушагъан джаш – акъыллы, джашха ушагъан къарт – тели.
- Киштикге къанат битсе, чыпчыкъ къалмаз эди.
- Хатерли къул болур.
- Биреуге аманлыкъны тилеме да, кесинге ашхылыкъны тиле.
- Аз айтсам, кёб ангылагъыз.
- Шекер бла туз – бир болмаз, ушамагъан – юй болмаз.
- Телини эшигин, махтау джабар.
- Дуния мал дунияда къалады.
- Мен да «сен», дейме, сен да «кесим», дейсе.
- Иги сеники эсе да, сюйген кесимикин этеме.
- Эте билген, этген этеди, эте билмеген, юретген этеди!
- Уруну арты – къуру.
- Рысхысына кёре, джаш ёсер, къышлыгъына кёре, мал ёсер.
- Тилде сюек болмаса да, сюек сындырыр.
Ошибка!
Для просмотра темы введите ваши логин и пароль.Пожалуйста, авторизуйтесь: