- Аманнга алтын чыдамаз.
- Керек ташны ауурлугъу джокъ.
- Къарнынг бла ёч алма.
- Ойнай билмеген, уруб къачар.
- Бозаны арты дауур болур.
- Чакъырылмагъан къонакъ къачан кетерин сормаз.
- Ким бла джюрюсенг, аны кёзю бла кёрюнюрсе.
- Кёл – къызбай, къол – батыр.
- Къумурсхала джыйылсала, пилни да джыгъадыла.
- Джетген къыз джерли эшекни танымаз.
- Аш иеси бла татлыды.
- Минг тенг да азды, бир джау да кёбдю.
- Ата – баланы уясы.
- Юре билмеген ит, къонакъ келтирир.
- Махтаннган къыз, тойда джукълар.
- Алгъанда – джууукъ, бергенде – джау.
- Телиге акъыл салгъандан эсе, ёлгеннге джан салырса.
- Урама да – ёледи, сатама да – келеди.
- «Ёгюз, джаргъа джууукъ барма, меннге джюк боллукъса», - дегенди эшек.
- Ана – юйню кюн джарыгъы.
- Джаш къарыу бла кючлю, къарт акъыл бла кючлю.
- Насыб бютеу халкъны юлюшюдю.
- Бир абыннган – минг сюрюнюр.
- Ашына кёре табагъы, балына кёре къалагъы.
- Чёбню кёлтюрсенг, тюбюнден сёз чыгъар.
- Сёз сёзню айтдырыр.
- Кёзден кетген, кёлден да кетеди.
- Къарны аманнга къазан такъдырма, къолу аманнга от джакъдырма.
- Рысхысына кёре, джаш ёсер, къышлыгъына кёре, мал ёсер.
- Тас болгъан бычакъны сабы – алтын.
- Аманны эки битли тону болур, бирин сеннге кийдирир, бирин кеси киер.
- Тешик этген тынчды, аны джамагъан къыйынды.
- Къазанчы аман болса, къазаны къайнамаз.
- Акъыл сабырлыкъ берир.
- Аман адам элни бир-бирине джау этер.
- Чомартха Тейри да борчлуду.
- Этни да ашады, бетни да ашады.
- Иги сёз – джаннга азыкъ, аман сёз башха – къазыкъ.
- Эрине къаргъыш этген къатын, эрнин къабар.
- Байлыкъ болгъан джерде, тынчлыкъ джокъду.
- Аш берме да, къаш бер.
- Ауругъан – джашаудан умутчу.
- Биреу ашаб къутулур, биреу джалаб тутулур.
- Хоншуну тауугъу къаз кёрюнюр, келини къыз кёрюнюр.
- Кюн – узун, ёмюр – къысха.
- Сагъышы джокъ – джукъучу, акъылы джокъ – къаугъачы.
- Ат да турмайды бир териде.
- Башынга джетмегенни сорма.
- Къууут – джелге, берне – бошха.
- Сормай – алма, чакъырылмай – барма.
Ошибка!
Для просмотра темы введите ваши логин и пароль.Пожалуйста, авторизуйтесь: