- Иги сеники эсе да, сюйген кесимикин этеме.
- Эрни эр этерик да, къара джер этерик да, тиширыуду.
- Къатын къылыкъсыз, эр тынчлыкъсыз.
- Сёлеш деб шай берген, тохта деб, сом берген.
- Адамны бетине къарама, адетине къара.
- Джашлыкъ этмеген, башлыкъ этмез.
- Чомарт бергенин айтмаз.
- Джаным-тиним – окъуу, билим.
- Ана – юйню кюн джарыгъы.
- Чакъырылгъанны аты, чакъырылмагъанны багъасы болур.
- Айранны сюйген, ийнек тутар.
- Ёлюр джаннга, ёкюл джокъ.
- Тёрде – темир таякълы, къаяда – чыпчыкъ аякълы.
- Чёбню кёлтюрсенг, тюбюнден сёз чыгъар.
- Айтхан сёзюне табылгъан.
- Ариуну – ауруу кёб.
- Ёксюзню тилеги къабыл болур.
- Ишленмеген джаш – джюгенсиз ат, ишленмеген къыз – тузсуз хант.
- Къайтырыкъ эшигинги, къаты уруб чыкъма.
- Тенги кёбню джау алмаз, акъылы кёбню дау алмаз.
- Тик ёргени, тик энгишгеси да болады.
- Чакъырылмай келген къонакъ сыйланмай кетер.
- Тойгъандан сора, ашны сёкме.
- Билим – акъылны чырагъы.
- Зар адам ашынгы ашар, кесинги сатар.
- Джолда аягъынга сакъ бол, ушакъда тилинге сакъ бол.
- Ёлюк кебинсиз къалмаз.
- От этилмеген джерден тютюн чыкъмайды.
- Мухар, кеси тойса да, кёзю тоймаз.
- Ханнга да келеди хариблик.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Чомартны къолун джокълукъ байлар.
- Къартны сыйын кёрмеген, къартлыгъында сыйлы болмаз.
- Кийиминг бла танылма, адамлыкъ бла таныл.
- Башынга джетмегенни сорма.
- Джиби бир къат джетмей эди да, эки къат тарта эди.
- Окъдан джара эртде-кеч болса да бителир, сёз джара, ёмюрге къалыр.
- Тойгъа барсанг, тоюб бар, эски тонунгу къоюб бар.
- Нафысынгы айтханын этме, намысынгы айтханын эт.
- Керти сёзге тёре джокъ.
- Хантына кёре тузу, юйюне кёре къызы.
- Aдам боллукъ, сыфатындан белгили.
- Мадар болса, къадар болур.
- Атынг аманнга чыкъгъандан эсе, джанынг тамагъынгдан чыкъсын.
- Тилчи бир сагъатха айлыкъ хата этер.
- Аш кетер да бет къалыр.
- Джангыз терек къынгыр ёсер.
- Ишге юренсин къоллары, халкъ бла болсун джоллары.
- Артына баргъанны, къатына барма.
- Къоркъакъны кёзю экили кёрюр.
Ошибка!
Для просмотра темы введите ваши логин и пароль.Пожалуйста, авторизуйтесь: