- Къыз чыгъаргъан – къызыл къымжа.
- Чоюнну башы ачыкъ болса, итге уят керекди.
- Шекер бла туз – бир болмаз, ушамагъан – юй болмаз.
- Эл бла кёргенинг эрелей.
- Хазыр ашха – терен къашыкъ.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ёзденликни джайгъан – джокълукъ.
- Ишни ахырын ойламай, аллын башлама.
- Ашыкъгъан cуу, тенгизге джетмез.
- Чакъырылмай келген къонакъ сыйланмай кетер.
- Аякъларынгы джууургъанынга кёре узат.
- Атынг аманнга чыкъгъандан эсе, джанынг тамагъынгдан чыкъсын.
- Аманнга алтын чыдамаз.
- Тенги кёбню джау алмаз, акъылы кёбню дау алмаз.
- Эртде тургъан джылкъычыны эркек аты тай табар.
- Бастасын ашагъан, хантусун да ичер.
- Суугъа – чабакъ, къаягъа – ыргъакъ.
- Рысхы джалгъанды: келген да этер, кетген да этер.
- Чыбыкълыкъда бюгюлмеген, къазыкълыкъда бюгюлмей эди.
- Ашатыргъа иш – ашхы, ишлетирге аш – ашхы.
- Суу ичген шауданынга тюкюрме.
- Аман адам элни бир-бирине джау этер.
- Эки къатын алгъанны къулагъы тынгнгаймаз.
- Билим – акъылны чырагъы.
- Ётюрюкден тюбю джокъ, кёлтюрюрге джиби джокъ.
- Адамны аманы адамны бети бла ойнар.
- Тулпарлыкъ, билекден тюл – джюрекден.
- Окъугъан – асыу, окъумагъан – джарсыу.
- Къарт болгъан джерде, берекет болур, сабий болгъан джерде, оюн болур.
- Аш берме да, къаш бер.
- Эрине къаргъыш этген къатын, эрнин къабар.
- Юйюнг бла джау болгъандан эсе, элинг бла джау бол.
- Къошда джокъгъа – юлюш джокъ.
- Ишни аллы бла къууанма да, арты бла къууан.
- Чомарт къонакъ юй иесин сыйлар.
- Таукел къуру къалмаз.
- Керти сёзге тёре джокъ.
- Тёзген – тёш ашар!
- Аманны тукъумуна къарама, игини тукъумун сорма.
- Сибиртки да сыйлы болду, кюрек да кюнлю болду.
- Тас болгъан бычакъны сабы – алтын.
- Джети тилни билген джети кишиди.
- Эл ауузу – элек, анга ийнаннган – халек.
- Суу да къайтады чыкъгъан джерине.
- Атлыны ашхысы, ат тизгининден билинир
- Аман хансны – урлугъу кёб.
- Тил – миллетни джаны.
- Ашын ашагъанынгы, башын да сыйла.
- Тамырсыз терекге таянма – джыгъылырса.
- Урунуу – насыбны анасы.
Ошибка!
Для просмотра темы введите ваши логин и пароль.Пожалуйста, авторизуйтесь: