- Тойгъа алгъа да барма, тойда артха да къалма.
- Билимсиз иш бармаз.
- Уллу атлама – абынырса, уллу къабма – къарылырса.
- Къар – келтирди, суу – элтди.
- Ана къойну – балагъа джандет.
- Уллу суу бла уллу ауруудан башынгы сакъла.
- Билимли ёлмез, билимсиз кёрмез.
- Ишни аллы бла къууанма да, арты бла къууан.
- Сютден ауузу кюйген, суугъа юфгюре эди.
- Эки элинги тыйсанг, джети элде махталырса.
- Шекер бла туз – бир болмаз, ушамагъан – юй болмаз.
- Эли джокъну – кёлю джокъ.
- Джиби бир къат джетмей эди да, эки къат тарта эди.
- Аман къатын сабий табса, бий болур…
- Сабыр джетер муратха, сабырсыз къалыр уятха.
- Элни кючю – эмеген.
- Къарын къуру болса, джюрек уру болур.
- Джюрек кёзден алгъа кёрюр.
- Ишге юренсин къоллары, халкъ бла болсун джоллары.
- Баш болса, бёрк табылыр.
- Тура эдим джата, къайдан чыкъды хата?
- Тели турса – той бузар.
- Ёлюр джаннга, ёкюл джокъ.
- Къарнынг тойгъунчу аша да, белинг талгъынчы ишле.
- Гугурук къычырмаса да, тангны атары къалмаз.
- Сагъышы джокъ – джукъучу, акъылы джокъ – къаугъачы.
- Сабийликде юретмесенг, уллу болса – тюзелмез.
- Айтхан – тынч, этген – къыйын.
- Этни да ашады, бетни да ашады.
- Къызны минг тилер, бир алыр.
- Акъдан къара болмаз.
- Ачылгъан эт джабылыр, кёрген кёз унутмаз.
- Аз сёлешген, къайгъысыз турур.
- Иги сёз – джаннга азыкъ, аман сёз башха – къазыкъ.
- Накъырданы арты керти болур.
- Аманны эки битли тону болур, бирин сеннге кийдирир, бирин кеси киер.
- Къатын къылыкъсыз, эр тынчлыкъсыз.
- Ауругъан – джашаудан умутчу.
- Джыгъылгъанны сырты джерден тоймаз.
- Нёгерсизни джолу узун.
- Туз, гырджын аша, тюзлюк бла джаша.
- Акъылсызны джууукъгъа алма, акъыллыны кенгнге салма.
- Кёлсюзден сёзсюз тууар.
- Юйлю уругъа ит чабмаз.
- Ана кёлю – балада, бала кёлю – талада.
- Чомартха хар кюн да байрамды.
- Айран тёгюлсе, джугъусу къалыр.
- Терек ауса, отунчу – кёб.
- Илму – джашауну джолу.
- Хантына кёре тузу, юйюне кёре къызы.
Ошибка!
Для просмотра темы введите ваши логин и пароль.Пожалуйста, авторизуйтесь: