- Адам сёзге тынгыла, акъыл сёзню ангыла.
- Чакъырылгъанны аты, чакъырылмагъанны багъасы болур.
- Булут кёкге джарашыу, уят бетге джарашыу.
- Байма, деб да, къууанма, джарлыма, деб да, джылама.
- Алма терегинден кери кетмез.
- Агъач – джерни чырайы, кийим – эрни чырайы.
- Адамны артындан къара сабан сюрме.
- От кюйдюрген, сау болса да, тот кюйдюрген, сау болмаз.
- Ата – билек, ана – джюрек!
- Тёрде – темир таякълы, къаяда – чыпчыкъ аякълы.
- Атадан ёксюз – бир ёксюз, анадан ёксюз – эки ёксюз.
- Сескекли кесин билдирир.
- Юйлю уругъа ит чабмаз.
- Ёнгкюч къууана барыр, джылай келир.
- Ата Джуртуму башы болмасам да, босагъасында ташы болайым.
- Бастасын ашагъан, хантусун да ичер.
- Кесинг сынамагъан затны, адамгъа буюрма.
- Чомартны къолун джокълукъ байлар.
- Хоншуну тауугъу къаз кёрюнюр, келини къыз кёрюнюр.
- Зар адамны насыбы болмаз.
- Окъдан джара эртде-кеч болса да бителир, сёз джара, ёмюрге къалыр.
- Айтханы чапыракъдан ётмеген.
- Тилчиден кери бол.
- Адамны джюреги нени кёрюрге сюйсе, кёзю да аны кёрюрге ёч болады.
- Намыс сатылыб алынмайды.
- Чалманны аллы къалай башланса, арты да алай барады.
- Джерни букъусу кёкге къонмаз.
- Ёгюзню мюйюзюнден тутадыла, адамны сёзюнден тутадыла.
- Ач къалгъандан, кеч къалгъан къолай.
- Чабакъсыз кёлге къармакъ салгъанлыкъгъа, чабакъ тутмазса.
- Ойнай-ойнай кёз чыгъар.
- Тура эдим джата, къайдан чыкъды хата?
- Хата – гитчеден.
- Аллахдан тилесенг, кёб тиле.
- Айырылгъанланы айю ашар, бёлюннгенлени бёрю ашар.
- Тилчи бир сагъатха айлыкъ хата этер.
- Джюрекден джюрекге джол барды.
- Аманнга да, игиге да оноусуз къатышма.
- Орну джокъну – сыйы джокъ.
- Тамырсыз терекге таянма – джыгъылырса.
- Ашына кёре табагъы, балына кёре къалагъы.
- Айтхан – тынч, этген – къыйын.
- Хар ишни да аллы къыйынды.
- Келинин тута билмеген, къул этер, къызын тута билмеген, тул этер.
- Эл элде бирер малынг болгъандан эсе, бирер тенгинг болсун.
- Келгинчи, къонакъ уялыр, келгенден сора, къонакъбай уялыр.
- Иги адам абынса да, джангылмаз.
- Къумурсхала джыйылсала, пилни да джыгъадыла.
- Телиге от эт десенг, юйюнге от салыр.
- Акъыл бла адеб эгизледиле.
Ошибка!
Для просмотра темы введите ваши логин и пароль.Пожалуйста, авторизуйтесь: