- Ашын ашагъанынгы, башын да сыйла.
- Aдам боллукъ, сыфатындан белгили.
- Ишленмеклик адамлыкъды.
- Аз айтсам, кёб ангылагъыз.
- Ачлыкъда тары гырджын халыуадан татлы.
- Азыкъ аз болса, эртде орун сал.
- Чакъырылмагъан къонакъ – орунсуз.
- Ариу сёз – джаннга азыкъ, аман сёз – башха къазыкъ.
- Кютгени беш эчки, сызгъыргъаны уа, джерни джарады.
- Экиндини кеч къылсанг, чабыб джетер ашхам.
- Къарнынг къанлынга кийирир.
- Билимден уллу байлыкъ джокъду.
- Нарт сёз – тилни бети.
- Джукъу тёшек сайламайды.
- Малны кют, джерни тюрт.
- Намыс болмагъан джерде, насыб болмаз.
- Эшекге миннген – биринчи айыб, андан джыгъылгъан – экинчи айыб.
- Ашда уялгъан – мухар, ишде уялгъан – хомух.
- Джумушакъ сёз къаты таякъны сындырыр.
- Билимсиз иш бармаз.
- Байлыкъ тауусулур, билим тауусулмаз.
- Рысхы – сют юсюнде кёмюк кибикди.
- Аллахдан тилесенг, кёб тиле.
- Келлик заман – къартлыкъ келтирир, кетген заман – джашлыкъ ёлтюрюр.
- Ётюрюк хапар аякъ тюбю бла джюрюйдю.
- Олтуруб кёрюнмей эди да, ёрге туруб кёрюне эди.
- Акъыл аздырмаз, билим тоздурмаз.
- Бал – татлы, балдан да бала – татлы.
- Иесиз малны бёрю ашар.
- Баланы адам этген анады.
- Болджал ишни бёрю ашар.
- Бойнуму джети джерден кессенг да, мен ол ишни этеллик тюлме.
- Арбаз къынгырды да, ийнек сауалмайма.
- Ашхы адам – халкъ байлыгъы, ашхы джер – джашау байлыгъы.
- Уллу атлама – абынырса, уллу къабма – къарылырса.
- Къонакъ хазыр болгъанлыкъгъа, къонакъбай хазыр тюлдю.
- Эки къатын алгъанны къулагъы тынгнгаймаз.
- Насыблы элин сюер, насыбсыз кесин сюер.
- Эм ашхы къайын ана мамукъ бла башынгы тешер.
- Тил – кесген бычакъ, сёз – атылгъан окъ.
- Ишлемеген – тишлемез.
- Джиби бир къат джетмей эди да, эки къат тарта эди.
- Сакъалы текени да бар, мыйыгъы киштикни да бар.
- Джарашыу сюйген – джалынчакъ.
- Окъдан джара эртде-кеч болса да бителир, сёз джара, ёмюрге къалыр.
- Джумушакъ терекни къурт ашар.
- Иги адам абынса да, джангылмаз.
- Гугук кесини атын айтыб къычыргъанча, мен, мен деб нек тураса?
- Эллинг бла джау болсанг да, юйюнг бла джау болма.
- Тыш элде солтан болгъандан эсе, кесинги элде олтан болгъан игиди!
Ошибка!
Для просмотра темы введите ваши логин и пароль.Пожалуйста, авторизуйтесь: