- Къралынгы – душмандан, башынгы от бла суудан сакъла.
- Адамны джюреги нени кёрюрге сюйсе, кёзю да аны кёрюрге ёч болады.
- Ашхы адам – халкъ байлыгъы, ашхы джер – джашау байлыгъы.
- Арба аугъандан сора, джол кёргюзтюучю кёб болур.
- Оюмсуз атлагъан, аджалсыз ёлюр.
- Уруну арты – къуру.
- Аурууну келиую тынч, кетиую – къыйын.
- Ата Джуртча джер болмаз, туугъан элча эл болмаз.
- Ат басханны джер билед.
- Ашыкъгъан cуу, тенгизге джетмез.
- Ашатыргъа иш – ашхы, ишлетирге аш – ашхы.
- Тау башында, тау болмаз, джангыз терек, бау болмаз.
- Ишленмеген джаш – джюгенсиз ат, ишленмеген къыз – тузсуз хант.
- Джогъун бар этген, барын бал этген.
- Тили узунну, намысы – къысха.
- Окъугъан озар, окъумагъан тозар.
- Аш берме да, къаш бер.
- Аманны къуугъан, аманлыкъ табар.
- Чабакъсыз кёлге къармакъ салгъанлыкъгъа, чабакъ тутмазса.
- Къонагъы джокъну – шоху джокъ.
- Юйюнг бла джау болгъандан эсе, элинг бла джау бол.
- Мал кёб болса, джууукъ кёб болур.
- Иги сеники эсе да, сюйген кесимикин этеме.
- Ач бёрюге мекям джокъ.
- Тура эдим джата, къайдан чыкъды хата?
- Сёз – кюмюш, джыр – алтын.
- Адебни адебсизден юрен.
- Накъырда – кертини келечиси.
- Къар – келтирди, суу – элтди.
- Ашлыкъ – бюртюкден, джюн – тюкден.
- Тулпарлыкъ, билекден тюл – джюрекден.
- Керилген да, ургъан кибикди.
- Гугурук къычырмаса да, тангны атары къалмаз.
- Этек чакъмакълары баш джаргъан, сёлешген сёзлери таш джаргъан.
- Зар адамны насыбы болмаз.
- Айырылмаз джууугъунга, унутмаз сёзню айтма.
- Тюзню ётмеги тюзде къалса да, тас болмаз.
- Босагъагъа джууукъ орун болса, ашыгъыб тёрге озма.
- Тойгъан антын унутур.
- Тилде сюек болмаса да, сюек сындырыр.
- Ойнай билмеген, оюн бузар.
- Малны кют, джерни тюрт.
- Аман адам элни бир-бирине джау этер.
- Ауузу аманнга «иги», деме.
- Чакъырылмагъан къонакъ тёрге атламаз.
- Эм ашхы къайын ана мамукъ бла башынгы тешер.
- Аллахха ийнаннган кишини, Аллах онгдурур ишин.
- Тынгылагъан тынгы бузар.
- Ёгюзню мюйюзлери ауурлукъ этмейдиле.
- Тойну къарнашы – харс, джырны къарнашы – эжиу.
Ошибка!
Для просмотра темы введите ваши логин и пароль.Пожалуйста, авторизуйтесь: