- Иги джашны ышаны – аз сёлешиб, кёб тынгылар.
- Эркишиге тары кебек танг кёрюнюр.
- Таукел тауну аудурур.
- Тилсиз миллет джокъ болур.
- Къобан да къуру да къобханлай турмайды, адам да къуру да патчахлай турмайды.
- Терслик кетер, тюзлюк джетер.
- Ётюрюкню башын керти кесер.
- Нафысынгы айтханын этме, намысынгы айтханын эт.
- Эл ауузу – элек, анга ийнаннган – халек.
- Сакъ юйюне сау барыр.
- Эр абынмай, эл танымаз.
- Артына баргъанны, къатына барма.
- Ачылгъан эт джабылыр, кёрген кёз унутмаз.
- Къызбайны юйюне дери сюрсенг, батыр болур.
- Агъач халкъгъа алтынды, иссиликге салкъынды.
- Накъырданы арты керти болур.
- Ёлмесенг да, къарт дамы болмазса?
- Байма, деб да, къууанма, джарлыма, деб да, джылама.
- Джыланны къуйругъундан басарынг келсе, аны башы болгъанын унутма.
- Къуру гыбыт бек дыгъырдар.
- Акъыллы айтыр эди, акъылсыз къоймайды.
- Бастасын ашагъан, хантусун да ичер.
- Акъыллы – эл иеси, тели – эл баласы.
- Арбаз къынгырды да, ийнек сауалмайма.
- Аман киши кеси юйюнде – къонакъ.
- Рысхы – сют юсюнде кёмюк кибикди.
- Эл элде бирер малынг болгъандан эсе, бирер тенгинг болсун.
- Аш берме да, къаш бер.
- Акъыллы башны – тили къысха.
- Эм ашхы къайын ана мамукъ бла башынгы тешер.
- Адеб базарда сатылмаз.
- Юйюнг бла джау болгъандан эсе, элинг бла джау бол.
- Ёнгкюч къууана барыр, джылай келир.
- Гырджын – тепсини тамадасы.
- Окъдан джара эртде-кеч болса да бителир, сёз джара, ёмюрге къалыр.
- Ач келгенни – тойдур, кеч келгенни – къондур.
- Керилген да, ургъан кибикди.
- Кёбге таш атма.
- Ашхы атаны – джашы ашхы, ашхы ананы – къызы ашхы.
- Киштикге къанат битсе, чыпчыкъ къалмаз эди.
- Мураты болгъанны джюрек тебюую башхады.
- Суу кетер, таш къалыр.
- Керек ташны ауурлугъу джокъ.
- Кютгени беш эчки, сызгъыргъаны уа, джерни джарады.
- Кесинге джетмегенни, кёб сёлешме.
- Эки ойлашыб, бир сёлешген.
- Тели турса – той бузар.
- Ариуну – ауруу кёб.
- Сангырау къулакъ эл бузар.
- Тойгъан джерден туугъан джер игиди.
Ошибка!
Для просмотра темы введите ваши логин и пароль.Пожалуйста, авторизуйтесь: