- Рысхы – насыбха къор.
- Ойнай-ойнай кёз чыгъар.
- Сабыр джетер муратха, сабырсыз къалыр уятха.
- Экеулен сёлеше тура эселе, орталарына барыб кирме.
- Ёпкелегенни ашы татлы болады.
- Азыгъы аз, алгъа къабар, аты аман, алгъа чабар.
- Уруну арты – къуру.
- Агъач халкъгъа алтынды, иссиликге салкъынды.
- Ишлегенден, къарагъан уста.
- Тынгылагъан тынгы бузар.
- Алтыннга тот къонмаз.
- Кийиминг бла танылма, адамлыкъ бла таныл.
- Ойнай билмеген, оюн бузар.
- Ёгюзню мюйюзлери ауурлукъ этмейдиле.
- Къыз келсе, джумуш эте келеди, къатын келсе, ушакъ эте келеди.
- Башланнган иш битер, къымылдагъан тиш тюшер.
- Чомартха Тейри да борчлуду.
- Уясында не кёрсе, учханында аны этер.
- Иши джокъну, сыйы джокъ.
- Дженгил джетерикме деб, узун джолну къоюб, къысхасын барма.
- Джахил болса анасы, не билликди баласы?
- «Ма», - дегенни билмесенг, «бер», - дегенни билмезсе.
- Аллахдан тилесенг, кёб тиле.
- Джырчы ёлсе, джыры къалыр.
- Айтылгъан сёз ызына къайтмаз.
- Керек ташны ауурлугъу джокъ.
- Орну джокъну – сыйы джокъ.
- Ёнгкюч къууана барыр, джылай келир.
- Сабий болмагъан джерде, мёлек болмаз.
- Эр сокъур болсун, къатын тилсиз болсун.
- Хоншуну тауугъу къаз кёрюнюр, келини къыз кёрюнюр.
- Тюз сёз баргъан сууну тыяр.
- Чакъырылмагъан джерге барма, чакъырылгъан джерден къалма.
- Тёзген – тёш ашар!
- Билимли ёлмез, билимсиз кёрмез.
- Биреуню къыйынлыгъы бла кесинге джол ишлеме.
- Джан саулукъ бермей, сан саулукъ бермезсе.
- Акъылсызны джууукъгъа алма, акъыллыны кенгнге салма.
- Дуния аламаты сен эсенг да, игиме деб айтма.
- Аман киши кеси юйюнде – къонакъ.
- Малны кют, джерни тюрт.
- Ариу сёзде ауруу джокъ.
- Джырчы джырчыгъа – къарнаш.
- Тик ёргени, тик энгишгеси да болады.
- Биреу ашаб къутулур, биреу джалаб тутулур.
- Кесинге джетмегенни, кёб сёлешме.
- Акъыллы эркиши атын махтар, акъылсыз эркиши къатынын махтар.
- Зар адам ашынгы ашар, кесинги сатар.
- Эринчекни аурууу – кёб.
- Ашаса, ашамаса да, бёрюню ауузу – къан.
Ошибка!
Для просмотра темы введите ваши логин и пароль.Пожалуйста, авторизуйтесь: