- Къонакъ кёб келюучю юйню, къазаны отдан тюшмез.
- Билмейме деген – бир сёз
- Тойгъанлыкъ къойгъа джарашады.
- Зарда марда джокъ.
- Джуртун къоругъан озар.
- Биреу ашаб къутулур, биреу джалаб тутулур.
- Ашыкъгъан cуу, тенгизге джетмез.
- Хазыр ашха – терен къашыкъ.
- Билгенни къолу къарны джандырыр.
- Эл тойса, тоймагъан, эл къойса, къоймагъан.
- Ашхы атаны – джашы ашхы, ашхы ананы – къызы ашхы.
- Суугъа – чабакъ, къаягъа – ыргъакъ.
- Кёб ант этген, кёб ётюрюк айтыр.
- Узун джолну барсанг, бюгюн келирсе, къысха джолну барсанг, тамбла келирсе.
- Таула не мийик болсала да, аууш табылыр.
- Махтаннган къыз, тойда джукълар.
- Баш болса, бёрк табылыр.
- Ат басханны джер билед.
- Къатын къылыкъсыз, эр тынчлыкъсыз.
- Къарыусузгъа кюлме, онгсузгъа тийме.
- Ушамагъан – джукъмаз.
- Бети – къучакълар, джюреги – бычакълар.
- Сабийни джумушха джибер да, ызындан бар.
- Ауурну тюбю бла, дженгилни башы бла джюрюген.
- Къаллай салам берсенг, аллай джууаб алырса.
- Кёрмегеннге кебек – танг, битмегеннге сакъал – танг.
- Кёл – къызбай, къол – батыр.
- Бек анасы джыламаз.
- Насыблы элин сюер, насыбсыз кесин сюер.
- Тюзню ётмеги тюзде къалса да, тас болмаз.
- Кесине гебен этелмеген, биреуге черен эте эди.
- Босагъагъа джууукъ орун болса, ашыгъыб тёрге озма.
- Хаухну атма, ёнгкючню сатма.
- Иги бла джюрюсенг, джетерсе муратынга, аман бла джюрюсенг, къалырса уятха.
- Айран тёгюлсе, джугъусу къалыр.
- Къарнынг бла ёч алма.
- Бермеген къол, алмайды.
- Кёз – сюйген джерде, къол – ауругъан джерде.
- Ариуну – ауруу кёб.
- Къанны къан бла джуума, аманны аман бла къуума.
- Бал – татлы, балдан да бала – татлы.
- Ишни ахырын ойламай, аллын башлама.
- Рысхы – сют юсюнде кёмюк кибикди.
- Ана къойну – балагъа джандет.
- Арбаз къынгырды да, ийнек сауалмайма.
- Тенгни тенглиги джашай барсанг билинир.
- Ишлемеген – тишлемез.
- Уллу сёлешме да, уллу къаб.
- Адам къаллай бир ишленмесе, аллай бир кесин уллу кёреди.
- Ётюрюкню башын керти кесер.
Ошибка!
Для просмотра темы введите ваши логин и пароль.Пожалуйста, авторизуйтесь: