- Ариу сёзде ауруу джокъ.
- Джыгъылгъанны сырты джерден тоймаз.
- Ёнгкюч къууана барыр, джылай келир.
- Асхат ашлыкъ сата, юйдегиси ачдан къата.
- Ётюрюкден тюбю джокъ, кёлтюрюрге джиби джокъ.
- Баш – акъыл ючюн, акъылман – халкъ ючюн.
- Мухар, кеси тойса да, кёзю тоймаз.
- Аманнга игилик этсенг, юйюнге сау бармазса.
- Аманнга да, игиге да оноусуз къатышма.
- Эли джокъну – кёлю джокъ.
- Ата Джуртуму башы болмасам да, босагъасында ташы болайым.
- Ишлерге уял да, ашаргъа табма.
- Ашхылыкъ джерде джатмайды, аманлыкъ суугъа батмайды.
- Джыйырма къойну юч джыйырма эбзе кюте эди.
- Аманны къуугъан, аманлыкъ табар.
- Урунуу – насыбны анасы.
- Сакъ юйюне сау барыр.
- Рысхы – насыбха къор.
- Атлыны ашхысы, ат тизгининден билинир
- Сабий болмагъан джерде, мёлек болмаз.
- Зар адамны насыбы болмаз.
- Сескекли кесин билдирир.
- Соргъан айыб тюлдю, билмеген айыбды.
- Ата джурт – алтын бешик.
- Аурууну келиую тынч, кетиую – къыйын.
- Таш ата билмеген, башына урур.
- Сютден ауузу кюйген, суугъа юфгюре эди.
- Элни кючю – эмеген.
- «Ма», - дегенни билмесенг, «бер», - дегенни билмезсе.
- Джангыз терек къынгыр ёсер.
- Гугурук къычырмаса да, тангны атары къалмаз.
- Артына баргъанны, къатына барма.
- Къобан да къуру да къобханлай турмайды, адам да къуру да патчахлай турмайды.
- Акъыл неден да кючлюдю.
- Тойну къарнашы – харс, джырны къарнашы – эжиу.
- Биреуню къыйынлыгъы бла кесинге джол ишлеме.
- Аманны тукъумуна къарама, игини тукъумун сорма.
- Элге къуллукъ этмеген, элге ие болмаз.
- Бойнуму джети джерден кессенг да, мен ол ишни этеллик тюлме.
- Байлыкъ келсе, акъыл кетер.
- Адамны аманы адамны бети бла ойнар.
- Джангызны оту джарыкъ джанмаз!
- Ёмюрлюк шохлукъну джел элтмез.
- Чыкълы кюнде чыкъмагъан, чыкъса къуру кирмеген.
- Кесинг сынамагъан затны, адамгъа буюрма.
- Бир абыннган – минг сюрюнюр.
- Джыланны къуйругъундан басарынг келсе, аны башы болгъанын унутма.
- Алтыда кюлмеген, алтмышда кюлмез.
- Узун джолну барсанг, бюгюн келирсе, къысха джолну барсанг, тамбла келирсе.
- Нафысынгы айтханын этме, намысынгы айтханын эт.
Ошибка!
Для просмотра темы введите ваши логин и пароль.Пожалуйста, авторизуйтесь: